JEREMÍAS 23:16 - Dios Rimashcata Quillcashcami

¹⁶ Tucuita Mandac Diosca: «Chai huillaccuna huillashcataca ama uyanguichicchu. Paicunaca yangallata huillashpami crichincuna. Paicunaca Mandac Dios ñuca muscuipi shina ricuchishcataca mana huillancunachu. Ashtahuanpish paicunapac yuyashcallatami huillan.

JEREMÍAS 23:16 ပူးပေါင်းရင်းမြစ်များ

1 REYES 22:11

Quenaanapac churi Sedequiasca fierromantami gachucunata ruhuachishca carca. Chashna ruhuachishpami paica: «Mandac Diosca: “¡Cai gachucunahuanmi siriocunataca sacmashpa tucuchingui!” ninmi» nirca.

2 REYES 17:15

Chaimantami pactachichun cushca shimicunatapish, paicunapac ñaupa taitacunahuan ari nishcatapish, ima shina causanata yachachishcatapish, cazuchun pai mandashcatapish mana cazushpa, imapish yanga dioscunata catishpa, yanga tucurcacuna. Paicunapac llacta cuchupi causaccuna ruhuashcatami catircacuna. Mandac Diosca chai gentecunataca ama catinguichicchu nishpami mandarca.

2 CRÓNICAS 18:5

Shina nicpimi, Israel llactata jatun mandacca Diosmanta huillac chuscu patsac runacunata tandachishpaca: —¿Galaad llacta Ramot pueblopi causaccunahuan macanacungapacca rishachu, mana cashpaca saquishachu?— nirca. Shina nicpimi paicunaca: —Huichai rilla, Mandac Diosca chai pueblopi causaccunataca jatun mandacpac maquipimi churanga— nircacuna.

PROVERBIOS 19:27

Ñuca churilla, alli yuyaicunata cushcata mana uyashpaca, alli yachaimantami caruyacungui.

JEREMÍAS 14:14

Shina nicpimi, Mandac Diosca: «Paicunaca llullashpami ñuca shutipi huillancuna. Mana paicunataca cacharcanichu, mana mandarcanichu, shinallatac imatapish mana nircanichu. Muscuipi shina ricushcata huillashcaca llullallami, yangallami, paicunapac shungupi yuyarishcallatami huillan.

JEREMÍAS 2:5

Mandac Diosca: «Cancunapac ñaupa taitacuna ñucata saquingapacca, ¿ima mana allitatac tarircayari? Paicunaca imatapish mana ruhuac ruhuashcalla dioscunata catishpami, mana alli nishca tucurca.

JEREMÍAS 23:21

Mandac Diosca: «Ñucaca chai huillaccunataca mana cacharcanichu. Paicunallatacmi callparca. Paicunamanca imatapish mana nircanichu. Ashtahuanpish llullashpami huillarca.

JEREMÍAS 23:26

Chai huillaccunaca, ¿ima horascamantac chashna huillacunga? ¿Ima horascamantac paicunapac shungu munashcallata, yuyarishcallata llullashpa huillanga?

JEREMÍAS 29:23

Paicunaca israelcunapurapica huainayashapami yalli mana allita ruhuarca. Manapish ñuca huillachun cachacpimi, llullashpa ñuca shutipi huillarca. Chaitaca tucuimi yachani, ñucami chaitaca ricurcani. Chaitaca Mandac Dios ñucami nini» ninmi nirca.

JEREMÍAS 29:8

Israelcunapac tucuita Mandac Dios ñucaca: Cancunahuan causac huillaccunata, adivinocunata ama uyanguichicchu. Paicuna muscushcatapish ama cazunguichicchu.

JEREMÍAS 9:12

Cutin ñucaca: «¿Imamantatac cai llactaca llaquinayaita tucuchishpa, shitashca pamba shina tucurcayari? Cunanca, pipish caitaca mana pasanchu. Caicunata yachangapacca, ¿pitac alli yachacca tiyanyari? Mandac Diosca, ¿pitatac caicunata huillachircayari?» nircani.

JEREMÍAS 9:20

Shina nicpimi ñucaca: «Huarmicuna, Mandac Dios rimashcata cancunapac ringrihuan uyaichicyari. Cancunapac huarmi huahuacunatapish, tucui cancunahuan apanacuc huarmicunatapish llaquirishpa huacanata yachachichicyari.

LAMENTACIONES 2:9

Llacta pungucunatapish tigrachishpami, aldabacunatapish polvorca. Jatun mandaccunapish, shuctac mandaccunapish shuctac llactapimi prezu causacun. ¡Mandac Dios mandashcapish mana tiyanchu! Dios ima nishcata huillaccunapish Mandac Dios muscuipi shina ricuchishcata mana huillanchu.

EZEQUIEL 13:16

Jerusalenpica manapish cushi causai tiyacpimi, ‘Cushi causaimi tiyan’ nishpa huillan. Chaitaca Mandac Dios ñucami nini” ninmi.

EZEQUIEL 13:23

Chaimantami muscuipi shina yangalla ricunatapish mana ricunguichic. Mana llullashpa huillanguichic. Ñuca acllashcacunataca cancunapac maquimantami cacharichisha. Shina ruhuacpimi, ñucataca Mandac Dios cashcata yachanguichic” ninmi ningui» nirca.

EZEQUIEL 13:3

Mandac Diosca: ¡Aij, imatapish mana ricushpa, quiquin yuyaimanta llullashpa huillac, juizhu illac huillaccunalla!

EZEQUIEL 13:6

Paicuna muscushcapish yangallami, shinallatac llullashpami: ‘Mandac Diosmi chashna nin’ nishpa huillan. Ashtahuanpish ñucaca paicunataca mana cacharcanichu. Shina cacpipish, paicunaca tucui huillashcacunata ñuca pactachichunmi shuyancuna.

EZEQUIEL 22:28

Huillaccunapish, pircata yurac-huan pintashca shinami, imatapish llullashpa huillashpaca: ‘Mandac Diosca chashnami nin’ nincuna. Ashtahuanpish Mandac Dios ñucaca imata mana nircanichu.

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

ROMANOS 1:21

Diosta ricsishpapish, mana Diosta shinachu alli nircacuna, mana pagui nircacunachu. Ashtahuanpish yangallata yuyashpami, paicunapac shunguca imata mana entendic tucurca.

1 JUAN 4:1

Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.