JEREMÍAS 2:35 - Dios Rimashcata Quillcashcami

³⁵ canca: “Ñucaca ima mana allitapish mana ruhuacchu cani. Diosca ñucahuanca mana piñarishcachu” ninguimi. Shina can: “Ima juchata mana ruhuashpami causarcani” nicucpipish, ñucami can imata ruhuashcataca ricuchigrini.

JEREMÍAS 2:35 ပူးပေါင်းရင်းမြစ်များ

JOB 33:9

“Ñucaca ima mapa illac chuyami cani. Ñucaca ima mana faltayucchu cani. Ima millaita ruhuanatapish mana yachanichu.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

JEREMÍAS 16:10

Cai gentecunaman cai tucuita huillacpica paicunaca: “¿Ima nishpatac Mandac Diosca ñucanchictaca yallita llaquichisha nishpa huillachicunyari? Ñucanchicca, ¿ima mana allitatac ruhuashcanchicyari? Mana cashpaca, ¿ima juchata ruhuashpatac ñucanchic Mandac Diostaca piñachishcanchicyari?” ningami.

JEREMÍAS 2:23

¿Ima nishpatac canca: “Mana mapayashcachu cani, Baal dioscunatapish mana catishcanichu” ningui? Pambacunapi can imata ruhuashcatapish ricuiyari. Alli yuyariyari. Ñanman llucshishpa, maitapish callpac huarmi shinami cangui.

JEREMÍAS 2:29

¿Ima nishpatac ñucataca caita chaita nishpa piñachinguichic? Cancunaca ñucata mana cazushpami piñarcanguichic. Chaitaca Mandac Dios ñucami nini.

JEREMÍAS 2:9

Chaimantami ñucaca piñarishpa llaquichigrini. Cancunapac huahuacunapac churicunahuanpish piñarigrinimi. Chaitaca Mandac Dios ñucami nini.

JEREMÍAS 25:31

Pai piñarishpa culun nishcaca cai pacha tucuricamanmi uyaringa. Mandac Diosca tucui cai pachapi causaccunapac Juez cashpami, tucui llactapi causaccuna imata ruhuashca shinallatac llaquichinga. Paita mana manchaccunataca huañuchiccunamanmi cusha. Chaitaca Mandac Dios ñucami nini” ninmi ningui» nirca.

EZEQUIEL 17:20

Ñucaca paipac jahuapi linchita shitashpami japisha. Ñucata mana cazushpa millaita ruhuashcamantaca Babilonia llactaman apashpami taripashpa llaquichisha.

ROMANOS 7:9

Ñaupaca ima mandashcacunata mana yachashpami causarcani. Mandashcacunata ñuca yachacpimi, juchaca ñucapi ricurirca. Shinami huañurcani.