JEREMÍAS 15:2 - Dios Rimashcata Quillcashcami

² Paicuna: “¿Maimantac rishunyari?” nicpica, Mandac Diosca: “Huañungapac caccunaca huañuchun. Jatun macanacuipi huañungapac caccunaca jatun macanacuipi huañuchun. Yarcaihuan huañungapac caccunaca yarcaihuan huañuchun. Prezurina caccunaca prezurichun” ninmi ningui.

JEREMÍAS 15:2 ပူးပေါင်းရင်းမြစ်များ

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 24:18

Jahua pachamanta ventanata pascashpa, manchana llaquita cachacpica, miticushpa callpacushpaca jutcupimi urmanga. Chaimanta llucshishpaca tucllapimi japi tucunga. Cai pacha allpapish tucuimi cuyuringa.

JEREMÍAS 14:12

Ayunashpa caparishpa mañacpipish ñucaca mana uyashachu. Ñucaman animalcunata cushpa tucui rupachicpipish, ofrendata cucpipish mana chasquishachu. Ashtahuanpish jatun macanacuihuan, yalli yarcaihuan, ungüicunahuanmi tucuchisha» nirca.

JEREMÍAS 14:16

Paicuna huillashcata uyaccunapish jatun macanacuipi yarcaihuanmi huañunga. Chai huañushcacunataca Jerusalén ñancunapimi shitanga. Paicunapac huarmicunatapish, churicunatapish, ushicunatapish pi enterrac mana tiyangachu. Chashnami paicuna mana allita ruhuashca shinallatac llaquichisha.

JEREMÍAS 16:4

yalli nanai ungüicunahuanmi huañunga. Chai huañushcacunamantaca pi mana huacangachu, shinallatac mana enterrangachu. Allpapimi huanu tucunga. Paicunaca jatun macanacuipi yalli yarcaihuanmi tucuringa. Chai huañushcacunataca volac animalcuna, sacha animalcunami micunga nini» nirca.

JEREMÍAS 19:7

Judá llactapi, Jerusalenpi causaccuna cai pambapi imata yuyaricushcatapish tucuchishami. Paicunata piñashpa huañuchinata munaccunapac maquipi churashpami, paicunapac ñaupallapitac espadahuan huañuchichun saquisha. Chai huañushcacunataca volac animalcuna, sacha animalcunami micunga.

JEREMÍAS 43:11

Pai shamushpami, Egiptopi causaccunataca huañungapac caccunataca huañuchinga. Prezuringapac caccunataca prezunga. Jatun macanacuipi huañungapac caccunataca jatun macanacuita cachashpa tucuchinga.

EZEQUIEL 12:11

Shinallatac: “Ñucami cancuna ima tucunata ricuchicca cani. Ima shinami ñuca ruhuarcani, chai shinallatacmi cancunatapish ruhuanga. Cancunaca prezumi ringuichic.

EZEQUIEL 14:21

Mandac Dios ñucaca: “Jerusalenpi causacuc gentecunata, animalcunata tucuchingapacca, jatun macanacuitapish, yarcaitapish, piña animalcunatapish, ungüicunatapishmi cachasha. Chai chuscu llaquicunahuanmi tucuchisha.

EZEQUIEL 33:27

Shinallatac: “Mandac Diosca: Ñuca shutipimi nini: Llaquinayaita tucuchishca pueblopi causaccunaca jatun macanacuipimi huañunga. Pambapi causaccunataca millai animalcunami micunga. Jatun pircahuan jarcashca llactacunapi, jatun jutcucunapi causaccunaca manchana ungüihuanmi huañunga.

EZEQUIEL 5:12

Cancunamanta quimsapi chaupishca gentecunaca ungüihuan, yarcaihuanmi chaillapitac huañunga. Cutin shuc quimsapi chaupishca gentecunaca cancunapac muyundillapitacmi jatun macanacuipi huañunga. Cutin shuctac quimsapi chaupishca gentecunataca espadata llucchishpami caita chaita catishpa cachasha.

EZEQUIEL 5:2

Macangapac muyunacuna punzhacunapi, quimsapi chaupishca asha acchataca pueblo chaupiman apashpa, ninapi rupachingui. Asha parte acchataca pueblo muyundipi espadahuan pitinacungui. Caishuc asha parte acchataca huairapi chaspingui. Chaipimi paicunata espadahuan catishpa llaquichisha.

DANIEL 9:12

Canca cambac shimihuan ñucanchictapish, ñucanchicta mandaccunatapish llaquichishami nishcataca pactachishcanguimi. Jerusalenta llaquichishca shinaca, cai pachapica jaicapi mana tiyashcachu.

AMÓS 5:19

Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

ZACARÍAS 11:9

Chaimantami ñucaca: «Mana ashtahuan michishachu. ¡Maijanpish huañucca, huañungachari! ¡Maijanpish chingaricca, chingaringachari! ¡Maijanpish saquiricca, paicunapurallatac tucurinacungachari!» nircani.

APOCALIPSIS 13:10

«Maijanpish prezu apana cacca prezu apashcami canga. Espadahuan huañuchina cacca espadallahuantacmi huañuchishca canga». Chashna tucucpica mana piñarishpami Diospaclla caccunaca Diosta crishpa catina can.