JEREMÍAS 14:22 - Dios Rimashcata Quillcashcami

²² ¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

JEREMÍAS 14:22 ပူးပေါင်းရင်းမြစ်များ

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 REYES 17:14

Israelcunata Mandac Diosca: “Cai llactapi ñuca tamyachingacamanca chai puñupi tiyac harinapish, pomapi tiyac aceitepish mana tucuringachu” ninmi— nirca.

1 REYES 18:1

Ña quimsa huata tucucpimi, Mandac Diosca Eliasta rimashpaca: «Acabpac ñaupapi ricurigri. Ñucaca cai pachapi tamyachigrinimi» nirca.

1 REYES 8:36

Shina ruhuacpica, jahua pachapi uyashpami, canta serviccunapac juchatapish, can acllashca israelcunapac juchatapish perdonangui. Canta cazushpa purichunpish, alli ñanta ricuchishpa yachachingui. Can acllashca gentecunaman cushca llactapipish tamyachingui.

JOB 28:26

Tamyatapish ima shina tamyachunmi mandarca. Relampacuna culun nishpa purichunpish ñanta ricuchircami.

JOB 5:10

Cai pachamanpish, tarpushca pambacunamanpish tamyatami cachan.

SALMOS 130:5

Ñucaca tucui almahuanmi Mandac Diosta shuyacuni. Pai rimashca pactachunmi shuyacuni.

SALMOS 135:7

Paimi tucui cai pachamanta puyuta huichaiman apan. Tamyachunpish relampatami cachan. Paimi huaira llucshinamanta huairatapish llucchin.

SALMOS 147:8

Paimi jahua cielocunata puyuhuan tapashpa tamyata allpaman cachangapac allichin. Paimi urcucunapipish quihuata huiñachin.

SALMOS 25:21

Canllatami shuyacuni. Chaimantami ima pandata mana ruhuani. Allita ruhuana yuyai ñucata huacaichichun.

SALMOS 25:3

Maijanpish canpi shunguta churaccunaca mana pingaichishcachu canga. Llullashpa cambac contra jatariccunami pingaichishca canga.

SALMOS 27:14

Mandac Diosta shuyailla. Sinchiyashpa cambac shungupi cushicui. ¡Ari, Mandac Diosta shuyailla!

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

ISAÍAS 30:23

Shina ruhuacpimi, Mandac Diosca cancuna tarpucpipish, chai tarpushcaman tamyata cachanga. Chai tamyahuanmi allpacunaca sumac grano pucunga. Chai punzhapica cancunapac animalcunatapish sumac quihua pambapimi michinguichic.

ISAÍAS 41:29

Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

JEREMÍAS 10:12

Mandac Diosmi cai pachataca paipac maquihuan ruhuarca. Jahua pachatapish alli yachaihuanmi churarca.

JEREMÍAS 10:13

Pai rimacpica, jahua pacha yacucunapish tandarinmi. Paimi puyutapish tucui cai pacha patacunamanta huichaiman apan. Paimi relampahuan tamyachishpa, huairataca, huaira tiyana pushtumanta llucchin.

JEREMÍAS 10:15

Chaicunaca imapacpish mana vali burlanami. Dios llaquichicui punzhapica tucuringami.

JEREMÍAS 10:3

Chai gentecuna paicunapac yachachishcaca yangallami. Sachamanta shuc yurata pitishpami, caspita allichic runaca azuelahuan llacllashpa, shuc diosta ruhuan.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 5:12

Mandac Diosta negashpami: «Diosca mana tiyanchu. Ñucanchictaca ima llaquipish mana japingachu. Jatun macanacuipish, yarcaipish mana tiyangachu» ningacuna.

JEREMÍAS 5:24

Paicunapac shungupica: “Mandac Diosta manchashpa causashunchic. Paimi punta tamyatapish, chagrata pucuchic tamyatapish chai punzhacunapi cachan. Cosechana tiyachunpish paillatacmi usyai punzhacunata cachan” mana nincunachu.

JEREMÍAS 51:16

Pai rimacpica, yacucunapish jahua pachapi tulun nishpa uyarinmi. Huairatapish, puyutapish tucui cai pachamanta huichaiman apanmi. Paillatacmi relampa jaguin nishpa tamyachin.

OSEAS 2:7

Paica cuyashcacunata cati rishpapish mana japingachu. Mashcashpapish mana taringachu. Chaimantami paica: «Ñaupa cusapacman cutisha. Paihuanca allimi causarcani, mana cunan punzhapi shinachu carcani» ningami.

JOEL 2:23

Sionpi causaccunalla, cancunaca Mandac Dios-huan cushicuichicyari. Paica punta tamyataca, tamyana punzhallapitacmi cacharca. Punta tamyatapish, pucuchic quipa tamyatapish utca punzhacunapi shinallatacmi cachanga.

AMÓS 4:7

Cosechangapac quimsa quilla faltacpimi, tamyata jarcarcani. Shuc llactapi tamyachishpapish, caishuc llactapica mana tamyachircanichu. Shuctac chagrapi tamyacucpish, shuctac chagraca usyaihuami tucui chaquirca.

MIQUEAS 5:6

Paicunami Nimrod llactatapish, Asiria llactatapish jatun macanacuita cachashpa tucuchinga. Chashnami ñucanchic llactaman shamushpa, Asiriocunapac maquimanta quishpichinga.

MIQUEAS 7:7

Ashtahuanpish ñucaca Mandac Diospac maquipimi casha. Ñucata quishpichic Diostami shuyasha. ¡Ñucata Mandac Diosca ñuca mañashcataca uyangami!

SAN MATEO 5:45

Chashnami jahua pacha Diospac huahuacuna canguichic. Paica allicunaman, mana allicunaman, paita cazuccunaman, mana cazuccunamanmi intitapish, tamyatapish cachanlla.

DEUTERONOMIO 28:12

Paica jahua pachata pascac shinami, tamyana punzhapitac cancunapac allpapi tamyachishpa, cancunapac maquihuan ruhuashcataca bendicianga. Cancunaca imata mana mañanguichicchu, ashtahuanpish cancunami shuctac llactacunapi causaccunamanca mañachinguichic.

DEUTERONOMIO 32:21

Paicuna manapish dioscunata, yanga dioscunata adorashpami yallita piñachirca. Ñucapish shuctac gentecunahuanmi piñachisha. Mana cazuc gentecunahuanmi paicunataca yallita piñachisha.