JEREMÍAS 14:20 - Dios Rimashcata Quillcashcami

²⁰ Mandac Dioslla, ñucanchicpish, ñucanchic taitacunapish canta mana cazushpa canta piñachishcata, mana allita ruhuashcata yuyarishpa llaquirinchicmi.

JEREMÍAS 14:20 ပူးပေါင်းရင်းမြစ်များ

2 SAMUEL 12:13

Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

2 SAMUEL 24:10

Chai gentecunata David yupachishpaca, mana allita ruhuashcatami paipac shungupimi sintirca. Chaimantami Davidca Mandac Diostaca: —Caita ruhuashpaca yallitami juchallishcani. Caitaca yuyai illac shinami ruhuashcani. Cunanca, Mandac Diosllatac canta servic ñucamanta cai juchata anchuchiyari— nirca.

NEHEMÍAS 9:2

Israelpac huahua huahuacunaca shuctac llactamanta cac gentecunamanta chicanyarishpami, paicunapac juchacunatapish, paicunapac ñaupa taitacuna mana allita ruhuashcatapish huillarcacuna.

JOB 33:27

Runaca tucuipac ñaupapi cantashpaca: “Ñucaca juchatami ruhuashcani, allita ruhuanapac randica mana allitami ruhuashcani. Shina cacpipish, ñuca japina cashcataca mana japishcanichu” ninmanmi.

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

JEREMÍAS 14:7

Mandac Dioslla, ñucanchic juchacunallatac ñucanchic mana alli cashcata ricuchicucpipish, cambac shutita cuyashcamanta quishpichiyari. Ñucanchicca canta mana cazushpa, juchata ruhuashpami yallita canta piñachircanchic.

JEREMÍAS 3:13

Mandac Dios ñucatami mana cazushcangui. Chai mana allita ruhuashcata yuyarishpa llaquiriyari. Jatun yura ucucunapimi mana ricsishcacunahuan huainayarcangui. Ñuca cayacpica, manatac uyarcanguichu. Chaitaca Mandac Dios ñucami nini.

JEREMÍAS 3:25

Ñucanchicpish, ñucanchic taitacunapish, huambramanta pachami cunan punzhacaman ñucanchicta Mandac Diosta piñachishcanchic. Ashtahuanpish Mandac Diosta mana cazushpami juchata ruhuashcanchic. Chaimantami yallita llaqui tapashca shina tucushpa, yallita pingai tucushcanchic» nincunami.

JEREMÍAS 8:14

Gentecunaca: «¿Imapactac caipi tiyacunchiclla? Mandac Diosca ñucanchicta huañuchicunmi. Chaimanta tandanacushpa, muyundita jatun pircashca llactaman yaicushpa, chaipi huañushunchic. Juchata ruhuashpami, Mandac Diosta piñachishcanchic. Chaimantami paica yacuta venenohuan chapushpa ubiachishca.

LAMENTACIONES 1:20

Mandac Dioslla, ñuca yallita llaquirishpa, shunguta nanachicuctaca ricuiyari. Canta mana cazushcata yuyarishpami ñuca shunguca yallita llaquirishpa nanacun. Canzhapica espadami gentecunataca tucuchicun. Ucupica huañuillami tiyan.

LAMENTACIONES 3:42

“Ñucanchicca mana cazushpami canta llaquichircanchic. Chaimantami ñucanchic juchataca mana perdonarcangui.

LAMENTACIONES 5:7

Ñucanchic taitacunaca juchallishpami huañurca. Paicunamantami ñucanchicca llaquita apacunchic.

DANIEL 9:15

Mandac Dioslla, cunan punzhapi ricushca shinallatac cambac acllashcacuna alli nishca cachunmi, cambac poderhuan Egiptomanta llucchircangui. Chashna llucchimucpipish, juchallishpami millaillata ruhuashcanchic.

AMÓS 7:2

Chai langostacuna tucui llactapi quihuata micushpa tucuchicpimi ñucaca: «¡Mandac Dioslla, cunanca paicuna mana allita ruhuashcata perdonaiyari! Jacobopac huahua huahuacunataca, ¿pitac ayudangayari? Paicunaca uchillami» nircani.