JEREMÍAS 14:19 - Dios Rimashcata Quillcashcami

¹⁹ Jeremiasca: «Judá llactapi causaccunataca, ¿huiñaitachu shitarcangui? ¿Sión llactataca yallitachu millarcangui? ¿Ima nishpatac mana jambiripacta ñucanchictaca chugrichircangui? Cushi punzhata shuyacucpica, ima alli mana shamurcachu. Jambirina punzhata shuyacucpica, manchaimi shamurca.

JEREMÍAS 14:19 ပူးပေါင်းရင်းမြစ်များ

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

JOB 30:26

Ashtahuanpish allita shuyacucpica, mana allimi shamurca. Achicta shuyacucpica, amsaracmi chayamurca.

SALMOS 78:59

Chaita ricushpami Diosca israelcunahuan yallita piñarishpa mana chasquisha nirca.

SALMOS 89:38

Ashtahuanpish canllatacmi jatun mandac cachun aceitehuan cahuishca mandactaca yangapi churashcangui. Canllatacmi paihuan piñarishcangui.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

JEREMÍAS 12:7

Ñuca acllashcacunatapish, ñuca acllashca llactatapish shitarcanimi. Ñuca yallita cuyashcacunataca paicunata piñaccunapac maquipimi churarcani.

JEREMÍAS 12:8

Ñuca acllashcacunaca sachapi causac león shinami piñarirca. Ñucata llaquichishpa caparishcamantami, paicunataca millanayachircani.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

JEREMÍAS 15:18

¿Ima nishpatac ñuca nanaica punzhanta tiyacunlla? ¿Ima nishpatac ñuca chugrica maita mana jambipac? ¿Canca chaquiclla yacu shinachu, ñucahuanca cagringui?» nircani.

JEREMÍAS 30:12

Mandac Diosca: «Cambac llaquica mana allichipacchu. Cambac chugrica mana jambipacmi.

JEREMÍAS 30:13

Cambac llaquita ricushpa allichicca pipish mana tiyanchu. Chugrita alliyachingapacca imapish mana tiyanchu.

JEREMÍAS 51:5

Israelcunata Mandac Diosca chai llactapi yallita juchata ruhuashpa paita piñachicucpipish israelcunatapish, Judá llacta runacunatapish mana saquishcachu.

JEREMÍAS 6:30

Mandac Dios mana ricusha nishpa, shitashcamantami “caica shitashca cullqui” nincuna» nirca.

JEREMÍAS 7:29

Chaimanta cambac acchata pitishpa shitai. Lomacunaman rishpa caparishpa huacai. Mandac Diosta yallita piñachishcamantami huahua huahuacunataca mana ricunayachishpa shitashca.

JEREMÍAS 8:15

Alli causaita shuyacucpica, alli causai punzhaca mana shamunchu. Jambirinata munacucpica, yalli manchaimi japin.

JEREMÍAS 8:22

¿Manachu Galaad llactapi bálsamo tiyan? ¿Imamantatac ñuca llactapi causaccunata jambingapacca, ima jambipish mana tiyan?

LAMENTACIONES 2:13

Jerusalenpi causaccunalla, ¿canmantaca imatatac nishayari? ¿Pihuantac cancunataca chimbapurashayari? Carihuan manarac chayarishca soltera shina, Sionpi causaccunalla, cancunata cushichingapacca, ¿imatatac ruhuashayari? Llaquica mama cucha shina jatunmi. Chaitaca, ¿pitac allichingayari?

LAMENTACIONES 2:22

Fiestaman cayac shinami, tucui ladomanta llaquichiccunataca apamurcangui. Mandac Dios can piñarishca punzhapica pipish mana causacca saquirircachu. Ñuca cuidashpa huiñachishca huahuacunataca ñucata piñaccunami huañuchirca.

LAMENTACIONES 4:17

Ñucanchicta ayudacta chapacucllapitacmi ñahuipish amsayan. Mana ayudanata pudic llactatami torre jahuaman huichicushpa chapacushcanchic.

LAMENTACIONES 5:22

Chaica, ñucanchictapish cungarishcanguimi. Ñucanchic-huanca yallitami piñarishcangui.

MIQUEAS 1:12

Mandac Diosllatac Jerusalén pungucaman llaquicunata cachacpica, ¿ima shinatac Marot llactapi causaccunaca cushilla cangayari?

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.