JEREMÍAS 11:10 - Dios Rimashcata Quillcashcami

¹⁰ Paicunapac ñaupa taitacuna shinallatacmi mana allita ruhuashpa, ñuca rimashcata mana cazushpa, shuctac dioscunata servirca. Israelcunapish, Judá llactapi causaccunapish paicunapac ñaupa taitacunahuan ari nishcatami yangapi churarca.

JEREMÍAS 11:10 ပူးပေါင်းရင်းမြစ်များ

SALMOS 78:57

Paicunapac ñaupa taitacuna shinallatacmi mana cazurcacuna. Mana allita shitac arco shinami mana cazurcacuna.

ISAÍAS 24:5

Cai pachapi causaccunaca Dios mandashcacunata mana cazushpami, pandata ruhuashpa, huiñaita Dios-huan ari ninacushcatapish mana pactachirca. Chai juchacunamantami cai pachaca mapayarca.

JEREMÍAS 13:10

Cai millai gentecunaca ñuca yachachishcata mana uyasha nincunachu. Paicunapac shungu munashcata ruhuashpami, shuctac dioscunata servishpa, paicunapac ñaupapi cungurishpa catin. Chaimantami chai ismushca chumbi shina, imapacpish mana vali tucunga.

JEREMÍAS 17:23

Shina mandacpipish, paicunaca mana uyarcacunachu. Ashtahuanpish rimashcata mana cazungapacmi sinchi shungu tucurca.

JEREMÍAS 22:9

Shina nicpica: “Caipi causaccuna Mandac Dios-huan ari nishcata saquishpa, shuctac dioscunata servishpa, alli nishcamantami chashna tucushca” ningacuna» nirca.

JEREMÍAS 31:32

Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

JEREMÍAS 44:16

«Mandac Diospac shutipi can huillashcata mana cazushunchu.

JEREMÍAS 44:5

Ashtahuanpish paicunaca mana uyarcachu. Shuctac dioscunaman inciensota rupachishpa, mana allita ruhuashpa causanata saquishpa, mana ñucapacman cutirircacunachu.

JEREMÍAS 7:28

Chaimantami canca: “Cai llactapi causaccunaca paicunata Mandac Diostaca mana cazurcacunachu. Allita ruhuachun yachachishcatapish mana uyarcacunachu. Paicunaca cashcata ninataca saquishcami” ningui» nirca.

JEREMÍAS 9:6

Tucuita Mandac Diosca: «Can Jeremiasca llullaccunapac chaupipimi causangui. Paicunaca llullac cashpami, ñucata mana ricsisha» ninmi. Chaitaca Mandac Diosmi nin.

EZEQUIEL 16:59

Mandac Dios ñucaca: Canhuan ari nishcata mana pactachircanguichu. Chaimantami llaquichisha.

EZEQUIEL 44:7

Cancunaca shungupipish, aichapipish circuncisionta mana ruhuashca caru llacta gentecunatami ñuca huasiman yaicuchishpa mapayachircanguichic. Shinallatac huiratapish, yahuartapish, tandatapish cushpa rupachishpami, ñucahuan ari nishcata yangapi churarcanguichic.

EZEQUIEL 5:6

Ashtahuanpish, muyundi llactacunapi causaccunamanta, muyundipi causaccunamanta yallimi ñuca ruhuachun nishcacunataca mana cazushpa, mana manchashpa causarca» nirca.

OSEAS 6:4

Mandac Diosca: «Efraín aillulla, Judá llactapi causaccunalla, ¿cancunataca imatatac ruhuashayari? Cancunapac cuyaica tutamanta llucshimuc puyu shina, tutamanta páramo shamushpa, utca chingaric shinami.

OSEAS 6:7

Ashtahuanpish paicunaca Adán shinallatacmi ari nishcata mana pactachirca. Chashnami ñucata mana cazurca.

OSEAS 7:16

Paicuna cutirishpapish mana jahua pachapi causac Diospacman cutirircachu. Ashtahuanpish espadata mana alli shitac shinami llullarca. Jatun tucushpa, mana allita rimashcamantami mandaccunapish espadapi huañurca. Chashna millai cashcamantami, Egipto llactapi causaccunaca burlashpa asingacuna» ninmi.

LEVÍTICO 26:15

ñuca yachachishcacunata millanayachishpa, ñuca quillcachishcacunata yangata ruhuacpi, ñucahuan ari nishcata paquicpica,

SOFONÍAS 1:6

Ñucamanta anchuriccunatapish, ñucata mana mashcaccunatapish, ñucaman mana tapuccunatapish tucuchishami» ninmi.

ZACARÍAS 1:4

Ama cancunapac ñaupa taitacuna shina causaichicchu. Paicunaman ñuca ima nishcata utcapi huillachishpaca: “Mandac Diosca: Mana alli ñanta catinata, mana allita ruhuanacunata saquichic” nishpami huillarcani. Shina huillacpipish, mana cazushpa, ñucamanta huillashcata mana uyasha nircanguichicchu.

ZACARÍAS 7:11

Shina nicpipish, mana uyashun nircachu. Ashtahuanpish huashaman tigrarishpa, mana uyasha nishpami, ringrita taparca.

ZACARÍAS 7:13

Chaimantami tucuita Mandac Diosca: «Ñuca paicunata cayacpi, mana cazushca shinallatacmi paicuna mañashcataca mana uyarcani.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

DEUTERONOMIO 9:7

Shitashca pambapi cashpa, Mandac Diosta piñachishcataca yuyarichicyari. Ama cungaringuichicchu. Egipto llactamanta llucshishcamanta caiman chayamungacamanmi Mandac Diostaca llaquichircanguichic.

HEBREOS 8:9

Caica mana paicunapac ñaupa taitacunahuan ari nishca shinachu canga. Paicunataca maquimanta japishpami, Egipto llactamanta llucchircani. Shina cashpapish, chai ari nishcata mana pactachishcamantaca saquircanimi.

JUECES 2:11

Chai quipaca Mandac Diospac ñaupapi mana allita ruhuashpami israelcunaca Baal dioscunata servishpa causai callarirca.

JUECES 2:17

Shina cacpipish, israelcunaca juezcunata mana uyasha nishpami shuctac dioscunata catishpa adorarcacuna. Paicunaca mana ñaupa taitacuna shina Mandac Dios mandashcata cazushpa causarcacunachu, ashtahuanpish Mandac Diosmanta anchurishpami shuctac causaita causarca.

JUECES 2:19

Shina cacpipish, juezcuna huañucpica shucta dioscunata adorangapac rishpami paicunapac ñaupa taitacunata atishpa ashtahuan millai tucurca. Chashna mana allita ruhuanapi yacharishca cashcamantami millaita ruhuanata manatac saquirca.

1 SAMUEL 15:11

—Saulta jatun mandac cachun churashcamantaca yallitami llaquirini. Paica ñucamanta anchurishpami ñuca mandashcataca mana pactachirca— nirca. Shina nicpimi, Samuelca yallita llaquirishpa Mandac Diostaca tucui tuta mañarca.