ISAÍAS 9:3 - Dios Rimashcata Quillcashcami

³ Can Mandac Diosllatacmi paicunataca achcata mirachishpa, yallita cushichircangui. Cosechapi cushicuc shina, macanacuipi quichushcacunata chaupishpa cushicuc shinami, cambac ñaupapica yallita cushicun.

ISAÍAS 9:3 ပူးပေါင်းရင်းမြစ်များ

NEHEMÍAS 9:23

Paicunapac huahuacunatapish jahua pachapi tiyac lucerocuna shinatami mirachishcangui. Chashna ruhuashpami, paicunapac ñaupa taitacunaman cushami nishca llactaman, yaicuchun pusharcangui.

JOB 12:23

Llactacunatapish paillatacmi jatunyachin, shinallatac paillatacmi chingachin. Llactacunamantaca caita chaitami cachan, shinallatac paillatacmi tandachin.

SALMOS 107:38

Diosmi paicunata bendiciashpa yallita mirachin. Paicunapac animalcunapish mana ima tucunchu.

SALMOS 119:162

Macanacushpa achcata japishpa cushicuc shinami, can rimashcahuanca yallitami cushicuni.

SALMOS 4:7

Canca paicuna achca granota, vinota japishpa cushicushcamanta yallimi ñucataca shungupi cushichingui.

ISAÍAS 10:26

Tucuita Mandac Diosca Oreb jatun quingrai ladopi, Madián llactapi huañuchishca shinami, paicunataca huañuchinga. Varata alzashpa, Egipto runacunata yacupi ucuyachishca shinami, paicunatapish tucuchinga.

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

ISAÍAS 14:5

Mandac Diosmi paita mana manchaccunapac varatapish, mandaccunapac taunatapish paquishca.

ISAÍAS 25:9

Chai punzhapi maijanca: «¡Riquichic, paimi ñucanchic Diosca! Paitami shuyarcanchic. Paimi ñucanchicta quishpichirca. ¡Paica Mandac Diostacmi! Paitami ñucanchicca shuyacunchic. ¡Pai quishpichishcamantaca yallitami cushicunchic!» ningami.

ISAÍAS 26:15

Mandac Dioslla, can acllashcacunataca ashtahuanmi mirachircangui. Chashna mirachishpami, canca yallita alli nishca cangui. Cai pacha tucuricamanmi jundachircangui.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

ISAÍAS 35:2

Chashna sisashpami cushicushpa cantanga. Líbano urcuta shina, Carmelo urcuta shina, Sarón pambata shinami Mandac Diosca sumacta ruhuanga. Paicunaca Mandac Dios sumaimana cashcatapish, paipac achic nicuctami ricunga.

ISAÍAS 54:1

Mandac Diosca: «¡Jaicapi mana sajuaric huarmilla cushicuiyari! Jaicapi sajuarina nanaita mana ricsic huarmilla, cushicuihuan caparishpa cantaiyari. Cusa shitashca huarmimi cusayuc huarmita atishpa, ashtahuan achca huahuacunata charin.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 61:7

Yallita pingaichishca, mana alli nishca canapac randica, ishcai cutin yalli herenciatami japinguichic. Pingaichishca canapac randica, chai herenciamantami yallita cushicunguichic. Cancunapac llactapica chai herenciatapish japishpami, huiñaita cushilla canguichic.

ISAÍAS 65:14

Ñucata serviccunaca tucui shunguhuanmi yallita cushicushpa cantanga. Ashtahuanpish cancunaca shungu nanaihuanmi caparinguichic. Cancunapac shungu paquirishpami, yallita llaquiringuichic.

ISAÍAS 65:18

Ashtahuanpish ñuca ruhuashcata ricushpami huiñaita cushicunguichic. Ñucami Jerusalenpi causaccunataca cushichisha. Chaimantami paicunaca yallita cushicunga.

ISAÍAS 66:10

Jerusalenta cuyaccunaca paihuan yallita cushicuichicyari. Tucui paimanta yana churanata churarishpa llaquilla caccunaca yallita cushicuichicyari.

JEREMÍAS 31:7

Mandac Diosca: «Jacobomanta cushicushpa caparichicyari. Llactacunapac uma shina llactata alli nichicyari. Sinchita caparishpa: “¡Mandac Dioslla, can acllashcapuramanta saquirishca israelcunata quishpichiyari!” nichicyari.

OSEAS 4:7

Curacuna ashtahuan achca tucushpaca, ashtahuan juchallishpami ñucata piñachirca. Chaimantami paicuna alli nishca canata anchuchishpa, pingaichishpa asinata ruhuasha.

LEVÍTICO 26:13

Ñucaca cancunata Mandac Diosmi cani. Ñucami cancuna ama ashtahuan servishpa catichun, Egipto llactamanta llucchimurcani. Mana manchashpa causachunmi, chai llactapi huatashca shina causaimanta cacharichircani.

ZACARÍAS 10:8

Ñucami silbashpa, cayashpa tandachisha. Ñucami paicunata quishpichisha. Paicunaca utcapi cashca shinallatacmi yallita achca cangacuna.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

SAN LUCAS 11:22

Ashtahuanpish paimanta ashtahuan sinchi runa shamushpaca, paita atishpa, macanacunatapish quichushpa, ima charishcacunatapish chaupinacunmanllami.

HECHOS 8:8

Chaimantami chai pueblopica yallita cushicurcacuna.

FILIPENSES 4:4

¡Cancunaca Apunchic Jesus-huan shuclla cashcamanta cushicuichic! ¡Cutinpish cushicuichic! ninimi.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

JUECES 5:3

Jatun mandaccunapish, quipa mandaccunapish uyaichicyari. Mandac Diostami cantagrini. Israelcunata Mandac Diostami salmocunahuan cantagrini.

JUECES 7:22

Chai quimsa patsac israelcuna cornetapi tocacucpica, Mandac Diosca madianitapurallatatacmi carpa huasicunapi macanacuchirca. Chaimantami madianita soldadocunaca Zerera puebloman rina ñanta rishpa Bet-sita pueblocaman, Tabat pueblohuan Abel-mehola pueblohuan tupanacuicaman miticushpa rircacuna.

JUECES 8:12

Zebapish, Zalmunapish miticushpami callparca. Shina callpacpipish, cati rishpami madianitacunata mandac Zebatapish, Zalmunatapish japishpa tucui madianitacunapac carpacunapi mai manchaita churarca.

1 SAMUEL 30:16

Chai runa pushashpa ricpica, chai shuhuac runacuna tucui chai pambapi caipi chaipi micushpa, ubiashpa, fiestata ruhuashpa tiyacuctami japirca. Filisteocunapac llactamanta, Judá llactamanta shuhuashpa apashcacunahuanmi yallita cushicushpami tiyacurca.