ISAÍAS 9:21 - Dios Rimashcata Quillcashcami

²¹ Manasés ailluca Efraín ailluta, cutin Efraín ailluca Manasés aillutami tucuchinga. Shinallatac ishcai tucushpami Judá aillutaca tucuchingapac jataringa. Chashna llaquichishpapish Mandac Dios nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 9:21 ပူးပေါင်းရင်းမြစ်များ

2 REYES 15:30

Elapac churi Oseasmi pacalla parlanacushpa, Remaliaspac churi Pekataca chugrichishpa huañuchirca. Chashna huañuchishpami, Pekapac randi mandai callarirca. Azariaspac churi Jotam ishcai chunga huatata mandacucpimi, chashnaca tucurca.

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 11:13

Chaipica Efraín ailluca ña mana envidiangachu. Efraín ailluca Judá aillutaca mana ashtahuan envidiangachu. Judá ailluca Efraín aillutaca mana ashtahuan llaquichingachu.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

ISAÍAS 8:21

Paicunaca yallita shaicushpa, yarcaihuanmi cai pachapica puringa. Chashna yarcaihuan cashcamanta piñarishpami, huichaita ricushpa, paicunata jatun mandactapish, paicunapac Diostapish mana alli ninga.

ISAÍAS 9:12

Chaimantami inti llucshina ladomantaca siriocunata, inti tigrana ladomantaca filisteocunata pushamunga. Paicunami israelcunataca shuc amullita shina ruhuashpa tucuchinga. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 9:17

Tucui paicunami Mandac Diosta mana manchaccuna, millaita ruhuaccuna, millaita rimaccuna. Chaimantami Mandac Diosca mosocunatapish, viuda huarmicunatapish, taita mama illaccunatapish mana llaquirca. Chashna ruhuashpapish Mandac Dios pai nina japiric shina piñarishcataca mana pasachishcachu. Ashtahuanpish llaquichingaracmi.

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

JEREMÍAS 4:8

Chaimanta sharpa churanata churarishpa, yallita llaquirishpa, caparishpa huacaichicyari. Mandac Dios ñucaca cancunahuan piñarishcami cani» ninmi.

ZACARÍAS 11:14

Chai quipaca israelcunahuan, Judá llactapi causaccunahuan apanacuita tucuchingapacmi, Tandanacui shuti caishuc taunatapish paquircani.

SAN MATEO 24:10

Chai punzhacunapica, taucacunami crinata saquishpa, caishuc chaishuc piñanacushpa prezuchinga.

GÁLATAS 5:15

Cancunaca piñanacushpa, caishuc chaishuc llaquichinacushpaca chingaringuichicmi.

JUECES 7:2

Chaipimi Mandac Diosca Gedeontaca: «Madianitacunata cambac maquipi churangapacca canhuanca yallimana gentecunami. Chashna israelcunaca achca cashpaca: “Ñucanchic alli sinchi cashpami macanacuita mishashcanchic” nishpa, ñucata piñachingacunami.

1 SAMUEL 14:20

Saulca paipac tucui soldadocunata tandachishpami, macanacungapac rirca. Filisteocunaca yuyai illac tucushpami, paicunapura espadahuan huañunacurca.