ISAÍAS 9:15 - Dios Rimashcata Quillcashcami

¹⁵ Umaca pushac yuyaccuna, alli nishca runacunami. Chupaca llullashpa yachachiccunami.

ISAÍAS 9:15 ပူးပေါင်းရင်းမြစ်များ

1 REYES 13:18

Shina nicpimi, caishuc runaca: —Ñucapish can shinallatac Dios ima nishcata huillacmi cani. Mandac Dios cachashca shuc ángel shamushpami ñucataca: “Tandata micuchun, yacutapish ubiachun, cambac huasiman pushamugri” nishpa cacharca— nirca. Cai rimaicunataca llullashpami nirca.

JOB 22:8

Achcata charic runalla, allpatami japircangui. Alli nishca runalla, chaipimi causarcangui.

ISAÍAS 19:15

Egiptopi causaccuna llullashpapish, chupa shinata, uma shinata, palmera yura shinata, carrizo yura shinata ruhuashpapish yangallami canga.

ISAÍAS 23:9

Tucuita Mandac Diosmi alli nishca, jatun tucushcacunata yangapi churashpa, pingaichingapac yuyarishca.

ISAÍAS 28:15

Cancunaca: «Ñucanchicca huañuihuanpish, Seolhuanpish ari ninacurcanchicmi. Ñucanchictaca llullami miticuna huasi shina jarcacun. Chaimanta yacu jataric shina, shamushpapish ñucanchictaca mana llaquichingachu. Llullana huasipimi miticushun» nircanguichic.

ISAÍAS 28:17

Ñucami alli ricushpa mandanataca cordelhuan shina medisha. Cashcata ruhuanataca nivelashpami ricusha» ninmi. Cancuna miticuna huasi shina, llullataca rundumi tucuchinga. Cancuna miticuna patacunataca yacumi apanga.

ISAÍAS 28:7

Huillaccunapish, curacunapish vinota ubiashpami pandarirca. Machana yacuta ubiashpami yuyai illac tucurca. Machana yacuta, vinota ubiashpami macharirca. Chaicunata ubiashpa macharishpami, imatapish muscuipi shina, Dios ricuchishcataca pandata huillarca. Imata ruhuashpapish pandarircami.

ISAÍAS 29:10

Mandac Diosmi cancunamanca sueñuchic espirituta cacharca. Paimanta huillaccunapac ñahuitaca huichcarcami. Ima tucunata huillaccunapac umataca pañohuanmi taparca.

ISAÍAS 3:12

Ñuca acllashca llactalla, paitaca huambracunami llaquichicun. Paicunami mandacun. Ñuca acllashca llactalla, cantaca mandaccunami pandata yachachishpa, mana alli pushacun.

ISAÍAS 3:5

Gentecunaca cuchullapi causaccunapurallatacmi caishuc chaishuc macanacunga. Huambracuna jatarishpami yuyaccunataca llaquichinga. Yanga runacunami jatarishpa alli nishca runacunata llaquichinga.

ISAÍAS 43:27

Cancunapac punta taitapish juchata ruhuarcami. Cancunata yachachiccunapish, mana cazushpami ñucata piñachirca.

ISAÍAS 5:13

Ñuca acllashcacunaca ñucata mana ricsishcamantami prezu apashca carca. Chaipimi paicunapac alli nishca runacunaca yarcaihuan huañurca. Shinallatac achcacunami yacunayaihuan chaquishpa huañurca.

ISAÍAS 59:3

Cancunapac maquica huañuchishca yahuarpi cahuirishcami. Cancunapac dedocunaca millaita ruhuashpami mapayashca. Cancunapac shimica llullallatami riman. Cancunapac calluca mana allillatami parlan.

ISAÍAS 59:4

Cashcata ruhuachun caparishpa mañacca pipish mana tiyanchu. Pipish mana cashcata ruhuangapac juezpacman rinchu. Ashtahuanpish yanga juchanchishpa, rimangapacllami rin. Millaita huicsayuc shina tucushpaca, imatapish mana allitami sajuarin.

JEREMÍAS 23:32

Muscushcata llullashpa huillaccunahuanca piñarishcami cani. Paicunaca uyanalla shimicunata parlashpami, ñuca acllashcacunataca pandachin. Ñucaca paicunataca mana huillachun cacharcanichu. Cai gentecunamanca ima allitapish mana ruhuancunachu. Chaitaca Mandac Dios ñucami nini.

JEREMÍAS 23:9

Jeremiasca: «Llullashpa huillaccunamantaca shungu nanarishpa, yallita llaquirishpami tucui ñuca tullucunacaman chucchucuni. Jucha illac Mandac Dios rimashcata uyashpaca, paipac ñaupapi yuyai chingaricta vinota ubiashca runa shinami tucuni.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

EZEQUIEL 13:19

Cancunaca puñado cebadamanta, pedazo tandamantami ñuca acllashcacuna chaupipi manapish huañuna cashcacunata huañuchishpa, huañuna cashcacunataca mana huañuchishpa mapayashcanguichic. Chashnami, ñucataca yangapi churashpa, llullashcata uyac, ñuca acllashcacunataca crichircanguichic” ninmi.

EZEQUIEL 13:22

Ñuca manapish llaquichishca, cashcata ruhuac runatami llullashpa llaquichircanguichic. Ñucata mana manchac runacuna millaita ruhuanata ama saquichunmi yuyaita cushpa, sinchiyachircanguichic.

OSEAS 9:8

Diosca Efraín ailluta chapachunmi, pai ima nishcata huillacta churashca. Shina cacpipish, cancunaca paita urmachingapacmi tucllata churanguichic. Diospac huasipica mana ricusha ninguichicchu.

AMÓS 2:4

Mandac Diosca: «Judá llactapi causaccunataca, paicuna catipi quimsa cutin, chuscu cutin juchallishcamanta llaquichinata manatac saquishachu. Paicunaca Mandac Dios ñuca mandashcata yangami churashpami, pai yachachishcacunatapish mana cazurca. Paicunapac ñaupa taitacunapac dioscunata catishpami pandarirca.

MIQUEAS 3:5

Mandac Diosca llactacunata pandachishpa huillaccunata rimashpaca: «Paicunaca: “Micuna tiyacpica, cushi causaimi tiyanga. Ashtahuanpish micuna mana tiyacpica, macanacuimi tiyanga” nincunami.

MALAQUÍAS 2:9

Cancunaca ñuca yachachishcataca mana cazurcanguichicchu. Ñuca mandashcacunataca ñahuita ricushpallami yachachircanguichic. Chaimantami cancunataca tucui llactacunapurapi millanga, shinallatac yangalla canguichic» ninmi.

SAN MATEO 24:24

Llullac cristocunapish, llullac huillaccunapish ricuringami. Paicunaca milagrocunatapish, mancharinacunatapish ruhuashpa ricuchingami. Chashnami Dios acllashcacunatapish pandachinga.

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

1 JUAN 4:1

Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

1 SAMUEL 9:6

Shina nicpimi, chai runaca: —Riqui, cai pueblopica Diospaclla cac runami tiyan. Paitaca tucuimi alli nincuna. Pai ima nishcaca chashnatacmi pactanlla. Chashna cashcamanta paiman tapungapac jacu. Ñucanchic maita rishpa mashcanatapish huillangapishchari— nirca.