ISAÍAS 8:9 - Dios Rimashcata Quillcashcami

⁹ Caru llactapi causaccunalla, tucui cai pachapi causaccunalla, tandanacuichicyari. ¡Alli chumbillirishpa shayacuichic, llaquichishcami canguichic! ¡Allichirishca shuyacuichic, llaquichishcami cagringuichic!

ISAÍAS 8:9 ပူးပေါင်းရင်းမြစ်များ

1 REYES 20:11

Shina nicpimi, Israel llactata jatun mandacca: «Manarac macanacuiman llucshishpa, ña macanacuita atishca shinaca ama jatun tucushca caichu nigrichic» nirca.

PROVERBIOS 11:21

Mana allita ruhuac runaca llaquichishcatacmi canga. Ashtahuanpish cashcata ruhuac runaca huahua huahuacamanmi quishpichishca canga.

ISAÍAS 28:13

Chaimantami Mandac Diosca chai mandashcallatatac, chai shimicunallatatac, chai yachaicunallatatac, maijan quillcashcacunallatatac cutin cutin yachachinga. Ashataca caimanta, ashataca chaimantami paicuna llaqui tucungacaman, prezuringacaman rimacungalla.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 54:15

Llaquichiccuna shamushpapish mana ñuca cachacpichu shamunga. Canta llaquichingapac pacalla jatariccunaca cambac ñaupapimi urmanga.

JEREMÍAS 42:11

Cancuna manchana Babilonia llactata jatun mandactaca ama manchaichicchu. Paipac maquimanta cacharichishpa, quishpichingapacca ñucami cancunahuan casha. Paitaca ama manchaichicchu.

JEREMÍAS 46:3

«Uchilla escudocunata apashpa macanacuiman shamuichic.

JEREMÍAS 46:4

¡Carretacunata caballopi huataichic! ¡Caballocunapi montaichic! ¡Fierro cascota churarichic! ¡Lanzacunatapish mulaichic! ¡Shunguta pacac fierro churanata churarichic!

JEREMÍAS 51:20

Babilonia llactalla, ñuca llaquichina martillo shina, ima shuctac macanacuna shinami canguichic. Cancunahuanmi llactacunata urmachisha.

EZEQUIEL 38:7

Canpish, canhuan tandanacushca soldadocunapish allichirichic. Canmi paicunataca pushangui.

EZEQUIEL 38:8

Achca punzhacuna quipaca Israel llacta urcucunaman richunmi mandasha. Chai llactaca unai huatacuna quipami llaquimanta quishpiringa. Chai llactamanmi tandanacushpa ringui. Israel llacta urcucunaman shamungui. Chaipi causaccunaca llaquinayaita tucuchishcami carca. Shina cashpapish, cunanca shuctac llactacunamanta llucshimushpami, imata mana manchashpa causan.

JOSUÉ 11:5

Tucui chai jatun mandaccunami tandanacushpa israelcunahuan macanacungapac Merom yacu ladopi carpa huasicunata shayachishpa tiyarirca.