ISAÍAS 8:13 - Dios Rimashcata Quillcashcami

¹³ Tucuita Mandac Dios ñucallata jatunyachichic. Ñucallata manchashpa chucchuichic.

ISAÍAS 8:13 ပူးပေါင်းရင်းမြစ်များ

GÉNESIS 31:53

Cambac taita Abrahampac, ñuca taita Nacorpac, shinallatac paicunapac Dios ñucanchicta ricuchun— nirca. Shina nicpi, Jacoboca paipac taita Isaacpac manchana Diospac shutipi ari nirca.

SALMOS 76:7

Canca manchana Diosmi cangui. Can piñaricpica, ¿pitac cambac ñaupapi tiyacui pudingayari?

ÉXODO 20:20

Shina nicpimi Moisesca: —Ama manchaichicchu. Diosca cancuna paita manchac cashcata ricungapacmi shamurca. Paica cancuna punzhanta paita manchashpa, ama juchallichunmi munan— nirca.

ISAÍAS 29:23

Chaica, paicunapac chaupipi ñuca mancharinacunata ruhuashcata ricushpami, ñuca shutitaca jucha illacmi ninga. Israelcunapac Diostami alli ninga.

ISAÍAS 5:16

Tucuita Mandac Diosca pai allita Mandac cashcamantami jatunyachishca canga. Jucha illac Diosca cashcata ruhuac cashcamantami “Jucha illacmi cangui” nishca canga.

EZEQUIEL 38:16

Puyu shina rishpa, ñuca acllashcacunata tucuita tapashpa llaquichingui. Jatun mandac Goglla, quipa punzhacunapimi shuctac llactacunapi causaccunapac ñaupapi ñuca jucha illac cashcata ricuchichun, ñuca acllashcacunata llaquichichun cantaca ñucallatac cachasha.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

LEVÍTICO 22:32

Jucha illac Mandac Dios ñucapac shutitaca ama yangapi churanguichicchu. Israelcunapac chaupipica ñucaca jucha illac cashcatami ricuchina canguichic. Ñucami cancunataca jucha illacta ruhuac Mandac Dios cani.

MALAQUÍAS 2:5

Ñucaca causaimanta, cushi causaimantami paicunahuan ari ninacurcani. Chaicunataca ñucata manchashpa causachunmi curcani. Chaita cucpimi, ñuca shutita alli nishpa, ñuca ñaupapi cumurirca.

NÚMEROS 27:14

Cancunaca Zin shitashca pambapi cashpa, yacu mana tiyacpi, israelcuna ñucata llaquichicpica, ñucata mana cazurcanguichicchu. Meriba yacupica ñuca jucha illac cashcataca mana paicunapac ñaupapi ricuchircanguichicchu— nirca. Yacumantami Cades ladopi tiyac shitashca pamba Zinpi piñarirca.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

SAN LUCAS 12:5

Cancuna pita manchana cashcatami yachachigrini: Huañushca quipa, ucu pachaman cachac Diosta manchaichic. Ari, paillatami manchana canguichic.

ROMANOS 4:20

Dios cusha nishcataca chasquina yuyaillami carca. Chashnami Diosta “allimari cangui” nishpa, crishpa shuyacurca.

DEUTERONOMIO 14:23

Mandac Dios paipac shutita causachun acllashca pushtupi, Mandac Diospac ñaupapi chungamanta shucta cushca huagrata, mushuc vinota, aceiteta, punta huacharishca huagrata, ovejata micunguichic. Chashnami Mandac Diostaca tucui punzhacuna manchana canguichic.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

1 SAMUEL 11:7

Shina piñarishpami ishcai huagracunata japishpa, pitinacushpa tucui Israel llactapi causaccunaman ricuchichun huillaccunata cacharca. Paicunataca: «Maijanpish Saulhuan Samuelhuan tandanacungapac mana llucshic runacunapac huagracunatapish, chashnallatacmi ruhuanga» nichun cacharca. Shina cachacpimi, Mandac Dios cachashca manchaica chai gentecunapac jahuapi urmarca. Chaimantami paicunaca shuc shinalla tandanacushpa llucshirca.