ISAÍAS 7:9 - Dios Rimashcata Quillcashcami

⁹ Efrainpac llactata mandacca Samaria llactami. Samaria llactapac mandacca Remaliasmi. Cancuna mana ñucata alli crishpaca, tucuringuichicmi” nishpa huillai» nirca.

ISAÍAS 7:9 ပူးပေါင်းရင်းမြစ်များ

2 REYES 15:27

Judá llactata jatun mandac Azarías pichca chunga ishcai huatata mandacucpimi, Remaliaspac churi Pekaca Israel llactata mandai callarirca. Paica ishcai chunga huatatami Samaria pueblopi mandarca.

2 CRÓNICAS 20:20

Paicunaca tutamanta utca jatarishpami, shitashca pamba Tecoaman llucshircacuna. Chaiman llucshicushpami Josafatca: «Judá llactapi, Jerusalenpi causaccuna uyaichic. Cancunata Mandac Diospi shunguta churaichic. Shina ruhuacpica, ima llaquipish mana japingachu. Dios ima nishcata huillaccuna huillashcapipish shunguta churaichic. Shina ruhuacpica, tucuimi alli llucshinga» nirca.

ISAÍAS 28:1

¡Aij, machashpalla causac jatun tucushca Efraín aillulla! Sumac chagra pambamanta jahua uma quingraipi tiyac corona shinami. Vinota ubiashpallami causan. Paicunaca anguyaclla sisa shinami.

ISAÍAS 5:24

Chaimantami paicunataca nina japirishpa, ucsha, rastrojo shina rupashpa tucuringa. Chashnami sapi ismushca yura shina canga. Sumac sisacuna shina cashpapish, ñuto allpata huaira apashca shinami canga. Chaica paicunallatac tucuita Mandac Dios mandashcata piñashpa, israelcunapac jucha illac Diospac shimita millanayachishcamantami chashnaca tucunga.

ISAÍAS 7:10

Mandac Diosca Acazman huillachun cachashpaca:

ISAÍAS 7:4

Acaztaca: “Siria llactamanta Rezinhuan, Remalias-huanmi piña shamucun. Shina cacpipish, canca alli yuyaihuan, mana manchashpa shuyailla. Paicunaca nina chiriyashca, ishcai cushnicuc caspi shinami.

ISAÍAS 8:4

Chai huahuaca: “Ñuca taitito, ñuca mamita” ninata manarac yachacushpami, Damascopi, Samaria llactapi causaccuna ima charishcacunata quichushpa, Asiria llactata jatun mandacman cunga» nirca.

ISAÍAS 9:9

Chaitaca Efrainpac huahua huahuacunapish, Samaria llactapi causaccunapish, tucui gentecunapish yachanmi. Paicuna shungupi jatun tucushpaca:

JEREMÍAS 43:2

Asaiaspac churi Azariaspish, Careapac churi Johananpish, jatun tucushca runacunapish, Jeremiastaca: «¡Canca llullacunguimi! Mana Mandac Dioschu: “Ama Egiptopi causagrichu” nichun cachashca canga.

MIQUEAS 1:5

Tucui cai llaquicunaca Jacobopac, Israelpac huahuacunapish mana cazushpa juchallishcamantami japinga. Jacobopac huahuacunaca, ¿ima juchacunatatac ruhuarcayari? ¿Manachu Samaria llactapi ruhuashca juchacuna canga? Judá llactapi causaccunaca, ¿ima juchacunatatac ruhuashcayari? ¿Manachu Jerusalenpi ruhuashca juchacuna canga?

HECHOS 27:11

Patsac soldadocunata mandacca Pablo nishcata mana uyarcachu, ashtahuanpish barcota purichic, barcoyuc nishcatami ashtahuan cazurca.

HECHOS 27:25

Dios angelman huillachishca pactanata crinimi. Chaimanta ama manchaichicchu.

ROMANOS 11:20

Ari, chai israelcunaca mana crishcamantami, pitishca shina tucurcacuna. Ashtahuanpish canca crishcallamantami chai yurapi huiñashca cangui. Chaimanta ama canllatac “allimi cani” nirichu, ashtahuanpish Diosta manchai.

HEBREOS 11:6

Diosman cuchuyangapacca, pai tiyashcatapish, pai ima mañashcata cuc cashcatapish crinami can. Mana crishpaca, Diospac munaita mana ruhuai pudinchu.

1 JUAN 5:10

Maijanpish Diospac Churita cricca, Diosllatac huillashcatami paipac shungupi charin. Maijanpish Diosta mana cricca, Diosllatac paipac Churimanta huillashcata mana crishcamantami, Diosta llullapi churan.