ISAÍAS 7:15 - Dios Rimashcata Quillcashcami

¹⁵ Chai huahuaca ima alli cacta, mana alli cacta yachangacamanmi mantequillata, abeja mishquillata micushpa causanga.

ISAÍAS 7:15 ပူးပေါင်းရင်းမြစ်များ

GÉNESIS 18:8

Abrahamca lechetapish, mantequitapish, yanushca beci aichatapish apamurcami. Abrahamca paicuna micungacamanca yura ladopimi shayacurca.

SALMOS 51:5

Ñuca mamapac huicsamanta pachami juchayuc cashcani. Ñuca mamaca juchayuctami huicsayuc tucushca.

ISAÍAS 7:22

Chai animalcuna achca lecheta cucpimi, mantequillata micushpa causanga. Cai llactapi tucui saquirishcacunami mantequillata, abeja mishquita micushpa causanga.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

SAN MATEO 3:4

Juanca camello millmamanta ruhuashca churanatami churashca, cara chumbihuanmi chumbillishcami carca. Paica langostacunata, shinallatac abeja mishquitami micuc carca.

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

SAN LUCAS 2:40

Huahuaca huiñashpa, sinchiyashpa, ashtahuan yachac tucushpami catirca. Diosca yallitami paita cuyarca.

SAN LUCAS 2:52

Jesusca huiñashpa, ashtahuan yachac tucushpami catirca. Diospacpish, gentecunapacpish cuyashcami carca.

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

DEUTERONOMIO 1:39

Cancunaca: ‘Ñucanchic huahuacunata macashpa quichungacunami’ nircanguichicmi. Ashtahuanpish allitapish, mana allitapish manarac yachac cambac churicunami chaimanca yaicunga. Paicunamanmi chai llactataca cusha. Chai llactapimi causanga.