ISAÍAS 66:24 - Dios Rimashcata Quillcashcami

²⁴ Ñuca ñaupamanta llucshishpa cachashca, ñucata mana cazushpa cariyaccuna huañushpa, siricuctami ricunga. Paicunata micuc curucunaca manatac huañungachu. Paicunata rupachic ninaca manatac huañungachu. Paicunaca tucui gentecunapac ñaupapimi millanayachishca canga» ninmi.

ISAÍAS 66:24 ပူးပေါင်းရင်းမြစ်များ

SALMOS 110:6

Paimi llactacunapi causaccuna imalla ruhuashcataca taripanga. Llactacunapica yalli huañuimi tiyanga. Tauca llactacunapimi jatun mandaccunata tucuchinga.

ISAÍAS 1:28

Ashtahuanpish cariyashpa, mana cazuc juchasapacunataca tandachishpami tucuchisha. Mandac Dios ñucata cungariccunaca tucuimi tucuchishca canga.

ISAÍAS 1:31

Sinchi runapish tamo shinami tucunga. Pai imata ruhuashcaca uchupa shinami tucunga. Ishcaitatacmi rupachishca canga. Chai ninataca pi mana huañuchi pudingachu» ninmi.

ISAÍAS 14:11

Canca alli nishca cashpapish, arpacunapi tocac cashpapish Seolmanmi urai shamushcangui. Caipica cambac cama shinaca curucunami. Cutin cata shinaca cuicacunami.

ISAÍAS 24:20

Cai pachaca machashca runa shinami, sansa nicunga. Chuclla shinami yallita cuyuringa. Cai pachapica jucha yallita miracpimi, tucui urmashpa manatac jataringa.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

ISAÍAS 34:10

Chashnami punzhapish, tutapish mana chiriyashpa cushnicungalla. Huiñaitami shitashca pamba saquiringa. Chaitaca pi mana puringachu.

ISAÍAS 34:3

Chai huañushca cuerpocunataca shitashpami saquinga. Chai cuerpocunaca yallitami ashnanga. Paicunapac yahuarhuanmi urcucunaca yacuyanga.

ISAÍAS 48:22

Mandac Diosca: «Millaicunamanca mana cushi causaica tiyanchu» ninmi.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

ISAÍAS 51:8

Polilla churanata micuc shinami paicunata tucuchinga. Curu millmata micuc shinami, chingachinga. Ashtahuanpish ñuca cashcata ruhuanapish, quishpirinapish huiñai huiñaitami canga» ninmi.

ISAÍAS 65:15

Ñucata serviccunataca mushuc shutipimi cayasha. Ashtahuanpish cancunapac shutitaca shuctac runacunata maldiciangapacmi cayangacuna. Mandac Dios ñucami cancunataca huañuchisha.

ISAÍAS 66:16

Mandac Diosca tucui gentecunatami ninahuan, espadahuan llaquichishpa taripanga. Mandac Dios huañuchishcacunaca achcami canga.

DANIEL 12:2

Huañushpa allpapi samariccunaca shuccunaca huiñaita causangapac, cutin shuccunaca huiñaita pingaichishca llaquita apangapacllami causaringa.

ZACARÍAS 14:12

Mandac Diosca Jerusalenpi causaccunahuan macanacuc gentecunataca cai ungüihuanmi llaquichinga. Paicuna causacucllapitacmi paicunapac aichaca ismunga. Ñahui murucunapish chaillapitacmi chaquinga. Callupish shimillapitacmi tucuringa.

SAN MATEO 3:12

Paica huairachinahuanmi trigota tamomanta chicanyachic shina ñalla chicanyachinga. Granotaca huacaichinapimi huacaichinga. Cutin tamotaca jaicapi mana huañuc ninapimi rupachinga» nirca.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.