ISAÍAS 66:22 - Dios Rimashcata Quillcashcami

²² Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

ISAÍAS 66:22 ပူးပေါင်းရင်းမြစ်များ

ISAÍAS 48:19

Cancunapac huahua huahuacunaca tiyu shina achcami canman carca. Cambac huahua huahuacunaca ñuto allpa shina achcami canman carca. Cancunapac shutitaca manatac chingachinmanchu carcani. Ñuca ñaupamantapish mana anchuchimanchu carcani.

ISAÍAS 51:16

Cancunapac shimipimi ñuca rimashcata churashpa, cancunataca maquihuan llanduc shina cuidani. Ñucami jahua pachatapish ruhuarcani. Cai pacha callari rumitapish ñucami churarcani. Shinallatac Sión llactapi causaccunataca: “Cancunaca ñuca acllashcacunami canguichic” ningui» nirca.

ISAÍAS 53:10

Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

ISAÍAS 56:5

ñuca huasi pircapimi paipac shutita quillcasha. Chaimi churicunatapish, ushicunatapish yalli alli canga. Chai shutitaca tucui causaipimi jaicapi mana cungaringa.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

ISAÍAS 61:8

Mandac Diosca: «Ñucaca cashcata ruhuachunmi munani. Shuhuashpa, ñucaman cushpa, tucui rupachiccunataca mana ricunayachinichu. Allita ruhuaccunamanca allitami cusha. Paicunahuanca huiñaipacmi ari ninacusha.

ISAÍAS 61:9

Paicunapac huahua huahuacunapish, retoñac shina llucshishca huahuacunapish llactacunapac ricsiscami canga. Paicunata ricuccunaca “Mandac Dios ñuca bendiciashca huahua huahuacunami” ningacunami» ninmi.

ISAÍAS 65:17

Ñucami jahua pachatapish, cai pachatapish mushucta ruhuasha. Utcapi ima tucushcataca cungaringami. Shungullapipish mana yuyaringachu.

ISAÍAS 65:22

Mana shuccuna causachun huasita shayachingachu. Shuccuna micuchunpish mana tarpungachu. Ñuca acllashcacunaca yuracuna shinami unaita causanga. Ñuca acllashcacunaca paicunapac maquihuan ruhuashcahuanmi cushicunga.

ISAÍAS 65:23

Mana yanga trabajangachu. Huahuacunapish mana llaqui tucungapacchu huacharinga. Paicunapish, paicunapac huahua huahuacunapish Mandac Dios bendiciashcami canga.

JEREMÍAS 33:20

«Ñucaca: Punzhataca punzha cachun, tutataca tuta cachun mandashpa churashcata cancuna yangapi churashpa, punzhataca tuta cachun, tutataca punzha cachun churacpica,

JEREMÍAS 33:21

ñucata servic Davidhuan ari nishcapish yangami canga. Pai mandashpa tiyarinapi mandashpa tiyarichunca huahuata mana cushachu. Shinallatac curacunahuan, levitacunahuan ñucata servichun ari nishcapish yangami canga.

SOFONÍAS 3:20

Cancuna ricucucpi, prezumanta llucchimushpaca, tucui cai pacha llactacunapi causaccunapac ricsishca, alli nishca cachunmi ruhuasha» ninmi. Chaitaca Mandac Diosmi nin.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

2 PEDRO 3:13

Shina cashpapish ñucanchicca Dios cusha nishca mushuc jahua pachata, mushuc cai pachatami shuyacunchic. Chaipimi imapish cashcatac ruhuashpa causashun.

APOCALIPSIS 21:1

Chai quipaca ñaupaman cac jahua pachapish, cai pachapish shinallatac mama cucha yacupish chingaricpica, jahua pachatapish, cai pachatapish mushuc cashcatami ricurcani.