ISAÍAS 66:2 - Dios Rimashcata Quillcashcami

² Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

ISAÍAS 66:2 ပူးပေါင်းရင်းမြစ်များ

1 REYES 21:29

«¿Acab ñucapac ñaupapi mai llaquilla tucushcataca ricunguichu? Pai chashna mai llaquilla tucushcamantami pai causacui punzhapica mana llaquichishpa, ashtahuanpish paipac churi mandacui punzhacunapi paipac familiataca llaquichigrini» nirca.

2 REYES 22:10

Shinallatac quillcac Safanca: «Hilcías curami shuc librota curca» nishpami jatun mandacman huillarca. Shina nishpami jatun mandacpac ñaupapi rezarca.

2 REYES 22:11

Chai libropi cac mandashpa quillcashca shimicunata rezashcata uyashpami, jatun mandacca paipac churanata lliquirca.

ESDRAS 10:3

Chaimanta cunanca, Dios mandashcata manchaccuna yuyashca shina, mandashcapi nishca shina tucui mana Israel huarmicunatapish, paicunapac huahuacunatapish llucchishpa cachangapac ñucanchic Dios-huan ari ninacushun.

ESDRAS 9:4

Prezushcamanta cutimushca gentecuna mana cazushcamantami israelcunapac Dios huillachishca shimicunata manchaccunaca tucui mashna ñucahuan tandanacungapac shamurca. Ashtahuanpish ñucaca chishita animalta Diosman cushpa rupachina horascamanmi yallita llaquirishpa tiyacurcani.

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

SALMOS 119:161

Mandaccuna yanga ñucata llaquichicpipish, ñuca shunguca cambac rimashcacunata mancharcami.

SALMOS 138:6

Mandac Diosca jatun cashpapish, yangalla runacuna mañashcataca uyaracunmi. Ashtahuanpish jatun tucushcacunataca carumantami ricucun.

SALMOS 34:18

Mandac Diosca shungu nanarishcacunapac cuchullapimi. Llaquihuan caccunatapish quishpichingami.

SALMOS 51:17

Can Diosca animalta chasquinapac randica shungu paquirishcatami chasquingui. Dioslla, shungumanta llaquirishpa cambacman cuchuyactaca mana piñanguichu.

SALMOS 51:19

Chashna tucui allichishca cacpimi, animalta cushpa huañuchicpipish, canman alli cacpi chasquingui. Animalta cushpa tucui rupachicpipish chasquinguimi. Cambac altarpimi becicunata cushpa rupachishun.

PROVERBIOS 28:14

Tucui causaipi Diosta manchacca yallitami cushicun. Ashtahuanpish paipac shunguta sinchiyachicca llaquipimi urmanga.

PROVERBIOS 29:23

Jatun tucuc runataca llaquimi japinga. Ashtahuanpish shungupi yangalla cac runaca alli nishcami canga.

ISAÍAS 40:26

Cai tucuita ruhuashcata cancunapac ñahuita alzashpa ricuichic. Paimi tucui ima tiyashcatapish yupashpa yachan. Paimi tucuita shutipi cayan. Pai cayacpica, shucllapish mana illangachu. Paica, chashna tucuita ruhuai pudic cashpami, tucuita mandan.

ISAÍAS 41:20

Israelcunapac jucha illac Mandac Dios ñuca maquihuan ruhuacta tucui mashna ricushpa entendichunmi chashnaca ruhuasha» ninmi.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.

SAN MATEO 12:6

Chaica, Diosta mañana huasitapish yallimi caipi can ninimi.

HECHOS 7:50

Ñucallatacmi tucui tiyashcatapish ruhuarcani” ninmi.

HECHOS 9:6

Chaimanta Saulo manchaihuan chucchushpaca: —Cunanca, ¿imatatac ruhuachun ningui?— nirca. Shina nicpimi, Apunchic Jesusca: —Jatarishpa, Damasco pueblollamantac ri. Chaipimi can imata ruhuana cashcataca huillanga— nirca.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

COLOSENSES 1:17

Imapish manarac tiyacpimi, Cristoca ña tiyarca. Paillatacmi imatapish maipi cana cashcapi churarca.