ISAÍAS 66:19 - Dios Rimashcata Quillcashcami

¹⁹ Ñucaca paicunapica shuc señaltami churasha. Chai quipami miticushpa quishpirishcacunataca shuc llactacunaman cachasha. Chashnami Tarsis llactaman, arcocunahuan macanacuc Fut, Lidia llactacunaman, Tubal, Grecia llactaman cachasha. Shinallatac ñucata mana uyac, ñuca poderta mana ricuc llactaman, mama cucha patacunapi tiyac caru llactacunamanmi cachasha. Paicunami ñuca poderyuc cashcataca shuctac llactacunapi huillanga.

ISAÍAS 66:19 ပူးပေါင်းရင်းမြစ်များ

GÉNESIS 10:13

Mizraimca Ludim, Anamim, Lehabim, Naftuhim,

GÉNESIS 10:2

Jafetpac churicunaca: Gomer, Magog, Madai, Javán, Tubal, Mesec Tirasmi carca.

GÉNESIS 10:22

Sempac churicunaca: Elam, Asur, Arfaxad, Lud, Arammi carca.

GÉNESIS 10:4

Javanpac churicunaca: Elisa, Tarsis, Quitim, Dodanimmi carca.

GÉNESIS 9:27

Diosca Jafettaca achcata mirachishpa, jatun llactata ruhuachun. Paipac aillucunaca Sem ruhuashca carpa huasicunapi causachun. Canaanca paita servic cachun» nirca.

1 CRÓNICAS 1:11

Mizraimpac huahua huahuacunaca: Ludim, Anamim, Lehabim, Naftuhim,

1 CRÓNICAS 1:7

Javanpac churicunaca: Elisa, Tarsis, Quitim, Dodanimmi carca.

1 CRÓNICAS 16:24

Pai sumaimana cashcataca, tucui llactacunapi cantaichic. Pai allicunata ruhuashcataca, tucui gentecunaman huillaichic.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

ISAÍAS 11:12

Tucui llactapi causaccuna ricuchun, shuc banderata shayachishpami, llucchishpa cachashca israelcunataca cutin tandachimunga. Caita, chaita rishca Judá aillutapish cai pacha chuscu ladomantami tandachimunga.

ISAÍAS 18:3

Tucui cai pachapi causaccuna urcucunapi banderata shayachishcata ricuichic. Cornetapi tocashcata uyaichic.

ISAÍAS 18:7

Chai punzhapi jagan nicuc manchana jatun runacunaca tucuita Mandac Diosman cungapacmi ofrendata apamunga. Paicunaca yallita llaquichishpa, llactacunata quichuc sinchi runacunami ricun. Paicunapac llacta muyunditaca jatun yacucunami. Chai llactapi causaccunami tucuita Mandac Dios ñucapac shutipi mañangapac Sión urcuman shamunga.

ISAÍAS 2:16

Tarsis llactamanta jatun barcocunata, sumacta pintashca barcocunatapish llaquichina punzhami chayamugrin.

ISAÍAS 29:24

Panda yuyaita chariccunaca alli yuyaita japingami. Juchanchiccunapish yachacungacunami» nirca.

ISAÍAS 42:12

Mandac Diosta sumaimanami cangui nichicyari. Mama cucha patacunapi huillashpa paita cushichichicyari.

ISAÍAS 42:4

Paica cashcata ruhuaccuna cai pachapi tiyangacaman manatac shaicungachu, mana samaringachu. Mama cucha patapi causaccunapish paipac mandashcatami shuyanga» nirca.

ISAÍAS 43:6

Jahua lado llactataca: «¡Paicunata cutichichic!» nishami. Ura lado llactataca: «¡Paicunata ama jarcaichicchu! Ñuca churicunataca carumanta, ñuca ushicunataca cai pacha tucurimanta pushamuichic.

ISAÍAS 49:1

¡Mama cucha patapi causaccunalla, caru llactapi causaccunalla, alli uyaichic! Mandac Diosca mamapac huicsapi cacllapitacmi ñucataca cayarca. Ñucata manarac huacharicpimi, ñuca shutitaca cayarca.

ISAÍAS 49:12

Riquichic, maijancunaca caru llactamantapish, jahua ladomantapish, inti tigrana ladomantapish, Sinim llactamantapishmi shamunga.

ISAÍAS 49:22

Mandac Diosca: «Llactacunapi causaccunataca ñucami mandasha. Tucui gentecunamanmi ñuca banderata alzashpa ricuchisha. Chashna ruhuacpimi, cambac churicunataca marcashpa, ushicunataca hombrospi apamunga.

ISAÍAS 51:5

Ñami cashcata ruhuagrini. Quishpichina punzhaca ñami callarishca. Ñuca poderhuanmi alli ricushpa, tucui llactacunata mandasha. Mama cucha patapi tiyac llactapi causaccunapish ñuca mandachun, ñuca rigrahuan ayudachunmi shuyacun.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

ISAÍAS 52:15

Chashnallatacmi quipaman paita ricushpaca, tauca llactacuna yallita mancharinga. Jatun mandaccunapish paipac ñaupapi mana imatapish rimai pudishpami upalla saquiringa. Paicunaca jaicapi pi mana ricushcata, mana uyashcatami ricunga, shinallatac entendinga.

ISAÍAS 55:5

Riqui, canca mana ricsishca runacunatami cayangui. Shinallatac canta mana ricsic runacunami cambacman callpamunga. Israelcunapac jucha illac, Mandac Diosta alli nishcamantami chashna shamunga.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

ISAÍAS 62:10

¡Llacta punguta pasaichicyari! ¡Pasaichicyari! ¡Ñuca acllashcacuna pasachun, ñanta pichaichicyari! ¡Ñanmanta rumicunata anchuchishpa, pugrullata ruhuaichicyari! ¡Tucui gentecuna ricuchun banderata shayachichicyari!

ISAÍAS 65:1

Mandac Diosca: «Manapish tapuccuna, manapish mashcaccunami ñucataca tarirca. Ñuca shutita manapish cayaccunamanmi: “¡Caipimi cani, caipimi cani!” nircani.

JEREMÍAS 46:9

Caballopi, Carretapi tiyarishpa callpaichic. Alli sinchi soldadocunaca escudota apaichic. Etiopía llacta, Put llacta soldadocunapish llucshichic. Arcohuan macanacuc Lud llactamanta soldadocunapish llucchichic.

EZEQUIEL 27:10

Cambac macanacunata alli yachac soldadocunaca Persas, Lidia llactacunamantami carca. Escudocunatapish, cascocunatapish pircapimi huarcurca. Chaicunami cantaca sumacta allichirca.

EZEQUIEL 27:13

Grecia, Tubal, Mesec llacta gentecunahuanmi randishpa, catushpa causarcangui. Paicunaca gentecunahuan, broncemanta ruhuashcacunahuanmi randic carca.

EZEQUIEL 30:5

Etiopía, Libia, Lidia llactapi causaccunapish, Arabia, Cub llactacunapi causaccunapish, Egipto llactahuan apanacuc llactacunapish jatun macanacuipimi huañunga.

EZEQUIEL 32:26

Chaillapitacmi Mesecpish, Tubalpish tucui paicunapac gentecunandi siricun. Paicunaca circuncisionta mana ruhuashcachu carca. Paicunaca cai pachapi causaccunata yalli manchachishcamantami jatun macanacuipi huañurca.

EZEQUIEL 39:1

Huañunalla runa, jatun mandac Gog llaqui tucunamanta huillashpa: “Mandac Diosca: Mesec, Tubal llactacunata jatun mandac Goglla, canhuanca piñarishcami cani.

EZEQUIEL 39:6

Magog llactatapish, mama cucha ladopi causac gentecunatapish ninata churashpami tucuchisha. Shina ruhuacpimi, ñucataca Mandac Dios cashcata yachangacuna.

DANIEL 11:18

Chai quipaca mama cucha patacunapi tiyac llactacunatami japinga. Chashna cacpipish, shuctac mandac llucshishpami mana pai munashcata ruhuachun saquinga. Pai ima shinami burlashpa llaquichicuc shinallatacmi paitapish llaquichinga.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

SOFONÍAS 3:10

Etiopía llacta yacu ladopi causaccunami ñucata mañanga. Caita chaita rishpa causacushpapish ofrendata apamungami.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

SAN MATEO 28:19

Chaimanta tucui cai pacha llactacunaman rishpa, ñuca yachacuccunata ruhuaichic. Paicunataca Taitapac, Churipac, Espiritupac shutipi bautizanguichic.

MARCOS 16:15

Shinallatac paicunataca: —Tucui pachata rishpa, alli huillaita tucui gentecunaman huillagrichic.

SAN LUCAS 2:34

Simeonca paicunata Dios bendiciachun nishca quipa, Mariataca: —Riqui, cai huahuataca achcacuna quishpirichun, cutin maijancunaca chingarichunmi Diosca Israelpi churashca. Pai Diospac munaita ricuchicpimi, yallita piñanga.

ROMANOS 15:21

Chaipac randica, Dios quillcachishcapi: «Jaicapi paimanta mana uyaccunaracmi paita ricungacuna. Paimanta jaicapi mana uyaccunami entendingacuna» nishca shinami ruhuarcani.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.