ISAÍAS 66:15 - Dios Rimashcata Quillcashcami

¹⁵ Mandac Diosca yallita piñarishpa, ninahuan jarcashpa yallita llaquichingapacmi rupacuc nina chaupipi, jatun acapana huaira shina, callpac carretacunahuan shamunga.

ISAÍAS 66:15 ပူးပေါင်းရင်းမြစ်များ

SALMOS 11:6

Mandac Diosca millaicunapac jahuapica ninatapish, rupacuc azufretapish tamyachingami. Tucuita tucuchic tamya huairatapish cachangami. Tucui caicunami copamanta ubiana llaquicuna shina canga.

SALMOS 18:9

Jahua pachata pascashpami urai shamurca. Paipac chaqui ucupica amsa puyumi tiyarca.

SALMOS 21:9

Can piñarishpaca nina japiricuc hornopi churac shinami paicunataca llaquichingui. Mandac Dios piñarishpami paicunataca nina rupachic shina tucui tucuchinga.

SALMOS 50:3

Ñucanchic Diosca mana upalla shamungachu. Paipac ñaupataca tucuchic ninahuan, paipac muyunditaca acapana huairahuanmi shamunga.

SALMOS 68:17

Diospac macanacuna carretacunaca huaranga huarangami. Chaicunahuanmi Sinaí urcumantaca huasiman shamurca.

SALMOS 97:3

Paipac ñaupataca ninami ringa. Chai ninami paita piñaccunataca muyushpa tucuchinga.

ISAÍAS 10:17

Israelcunapac luzca ninami tucunga. Jucha illac Diosca rupacuc ninami tucunga. Chashnami shuc punzhallapi cardoscunata, cashacunata rupachic shina tucuchinga.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

ISAÍAS 30:33

Asiria llacta jatun mandacta llaquichingapacca utcamanta pachami Tofet jatun hornota huacaichishpa charicun. Chai jatun hornoca achca yantahuanmi rupacyachicun. Mandac Dios chai hornota pucucpica, azufre rupacuc shina culun ningami.

ISAÍAS 31:9

Paicunaca manchaihuanmi irquiyashca saquiringa. Mandaccunapish yallita mancharishpami, paicunapac banderacunata shitashpa callpanga. Sión urcupica ninata japichishpami shuyacun. Jerusalenpica hornota rupacyachishpami shuyacun. Chaitaca Mandac Diosca ñucami nini.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

ISAÍAS 5:28

Paicunapac flechacunapish alli mulashcami canga. Arcocunapish allichishcami canga. Caballocunapac shillucunaca yacu rumi shina sinchimi canga. Carretacunapac ruedacunaca acapana huaira shinami callpanga.

ISAÍAS 51:20

Cambac churicunaca linchipi churarishca taruga shinami, tucui ñancunapi huañunalla siricurca. Mandac Dios yallita piñarishpa llaquichicpimi, chashnaca tucurca.

JEREMÍAS 25:37

Mandac Dios yallita piñarishpami, sumac michina pambacunataca tucuchinga.

JEREMÍAS 4:13

Piñac runacunaca puyu huichai shamuc shina, carretacunaca acapana huaira shinami shamun. Caballocunaca angata yallimi callpan. Chashna shamucpica cancunaca: “¡Aij, ñucanchiclla, imachari tucushun!” ninguichicmi.

JEREMÍAS 4:3

Mandac Dios ñuca Judá llactapi causaccunatapish, Jerusalenpi causaccunatapish rimashpaca: Samarishca allpata yapuichic. Casha chaupicunapica ama tarpuichicchu.

JEREMÍAS 46:15

¿Ima nishpatac Apis nishca dios huagraca tucurishca? Mandac Dios urmachicpimi, Apis nishca dios huagraca urmarca.

EZEQUIEL 38:17

Mandac Diosca: Ñaupa huatacunamanta canmanta ñucata serviccunata Israel huillaccunata huillachircani. Chai huillaccunami israelcunata ñuca llaquichinamanta huillarca. Chaitaca pactachishatacmi.

EZEQUIEL 5:15

Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

DANIEL 11:40

Ashtahuanpish tucuri punzhacunaca ura llacta jatun mandacmi paihuan macanacungapac shamunga. Chashna shamucpimi, jahua llacta jatun mandacca carretacunahuan, caballopi ric soldadocunahuan, barcocunahuan yacu jundamuc shina macanacungapac shamunga. Chashna yacu jundamuc shina shamushpami, llactacunaman yaicushpa tucuchinga.

DANIEL 7:10

Paipac ñaupamantaca yacu shinami nina llucshicurca. Paipac ñaupapica huaranga huarangacunami servicurca. Maita mana yupaipacmi paipac ñaupapi shayacurca. Juezcuna tiyaricpica, librotami pascarca.

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.

AMÓS 7:4

Mandac Diosca caitapish ricuchircami. Mandac Dios ninahuan llaquichishpa, taripangapac tandachicuctami ricurcani. Chai ninami mama cuchatapish, llacta achca allpatapish rupachircani.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

HABACUC 3:8

Mandac Dioslla, ¿callpac yacucunahuanchu piñarircangui? ¿Canca jatun yacuhuanchu nina japiric shina piñarircangui? ¿Cambac caballocunapi, cambac mishana carretacunapi tiyarishpaca, mama cuchatachu llaquichigringui?

ZACARÍAS 6:1

Cutinllatac huichai ricushpaca, ishcai urcu chaupimanta chuscu carretacuna llucshimuctami ricurcani. Chai urcucunaca bronce urcucunami carca.

SAN MATEO 22:7

Chashna ruhuacpimi, jatun mandacca yallita piñarishpa, chai huañuchic runacunataca huañuchishpa, chai pueblotapish rupachichun soldadocunata mandarca.

DEUTERONOMIO 28:20

Mandac Diosmi tucui cancunapac maquihuan ruhuashcacunataca maldicianga. Chaimantami manchaitapish, llaquicunatapish cachanga. Cashnami mana allita ruhuashpa, Diosmanta caruyashcamantaca tucui cancuna tucuringacaman llaquihuan canguichic.

2 PEDRO 3:7

Shina cashpapish jahua pachapi, cai pachapi cunan ima tiyashcacunataca, chai rimashcallahuantacmi ninahuan tucuchingapac Diosca huacaichishpa charicun. Chai ninaca Dios taripashpa millaicunata llaquichina punzhapimi, rupachishpa tucuchinga.