ISAÍAS 66:14 - Dios Rimashcata Quillcashcami

¹⁴ Cancunaca chaita ricushpami, tucui shunguhuan cushicunguichic. Cancunapac tullucunapish quihua sisac shinami mushucyanga. Mandac Diosca paipac poderta paita serviccunaman ricsichingami. Ashtahuanpish paita piñaccunataca piñangami.

ISAÍAS 66:14 ပူးပေါင်းရင်းမြစ်များ

ESDRAS 7:9

Paicunaca callari quilla, callari punzhapimi Babiloniamanta llucshircacuna. Chai huata, pichca quilla callari punzhapimi Esdrasca Jerusalenman chayamurca. Diospac maquica paihuanmi carca.

ESDRAS 8:18

Ñucanchicta ayudac Dios ayudacpimi, shuc alli yachac runata pushamurca. Paica Israelpac churi Levipac nieto Mahlipac huahuapuramanta Serebías levitami carca. Paipac churicunandi, huauquicunandica chunga pusacmi shamurca.

ESDRAS 8:22

Utcapi ñucanchicca jatun mandactaca: «Ñucanchic Diosca paita tucui shunguhuan caticcunataca imamantapish cuidanmi. Ashtahuanpish paimanta caruyaccunataca yallita piñashpa, paipac poderhuan llaquichinmi» nircanchic. Chaimantami ñucanchicta ñanpi cuidachun soldadocunata, caballopi ric soldadocunata jatun mandacman mañanataca pinganayarca.

ESDRAS 8:31

Huata callari chunga ishcai punzhapimi Ahava jatun yacu ladomanta Jerusalenman ringapac llucshi callarircanchic. Chai ñantaca ñucanchic Diosmi ñucanchicta piñaccunamantapish, ñanpi chapac shuhuaccunamantapish cuidashpa pushamurca.

SALMOS 107:42

Allita ruhuaccuna chaita ricushpa cushicuichicyari. Ashtahuanpish mapata tucui ruhuaccunaca upallachishcami canga.

PROVERBIOS 17:22

Cushilla shunguhuan causanaca cuerpopac jambimi. Ashtahuanpish llaquilla shungu causaica tullutami chaquichin.

PROVERBIOS 3:8

Shina ruhuacpica, cambac cuerpopacca jambic, cutin tullucunapacca sinchiyachicmi canga.

ISAÍAS 10:5

Mandac Diosca: «¡Asiria llactata jatun mandaclla, ñuca yallita piñarishpa macana varami cangui! Ñuca yallita piñarishpa macana caspica cambac maquipimi.

ISAÍAS 13:5

Mandac Diosca caru llactamanta, jahua pacha tucurimantami yallita piñarishpa, tucui cai pachata tucuchingapac paita servic soldadocunahuan shamun.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

ISAÍAS 26:20

Ñuca llactapi causaccunalla, ucucunaman yaicushpa pungucunata huichcarichic. Dios piñarishca pasaringacaman ashata miticuichic.

ISAÍAS 30:27

¡Riquichic, Mandac Diospac shutica carumantami shamun! Paipac ñahuipish nina japirishpa cushnicuc shinami tucushca. Paipac callupish yallita piñarishcami. Paipac shimipish tucuchic nina shinami.

ISAÍAS 33:20

Jatun fiestacunata ruhuac ñucanchic Sión llactata ricuichic. Jerusalenpica mana manchashpa causacuctapish, mana pascaipac carpa huasicunatapish ricunguimi. Carpacunata charicuc ishtacacunatapish pi mana llucchingachu. Carpacuna huatashca huascacunataca shucllatapish mana pitingachu.

ISAÍAS 34:2

Mandac Diosca tucui llactapi causaccunahuan, chai llacta soldadocunahuanmi yallita piñarishca. Paicunataca huañuchiccunapac maquipi churashpami tucuchinga.

ISAÍAS 35:2

Chashna sisashpami cushicushpa cantanga. Líbano urcuta shina, Carmelo urcuta shina, Sarón pambata shinami Mandac Diosca sumacta ruhuanga. Paicunaca Mandac Dios sumaimana cashcatapish, paipac achic nicuctami ricunga.

ISAÍAS 41:20

Israelcunapac jucha illac Mandac Dios ñuca maquihuan ruhuacta tucui mashna ricushpa entendichunmi chashnaca ruhuasha» ninmi.

ISAÍAS 42:13

Mandac Diosca sinchita macanacuc jatun soldado shinami, tucuchina yuyaihuan shayaringa. Paita piñaccunahuanca caparishpa, sinchita rimashpami manchachishpa mishanga.

ISAÍAS 58:11

Mandac Dios ñucami tucui causaipi michishpa, chaquishca pambapipish, cancuna mañashcata carasha. Cancunapac tullucunatapish sinchiyachishami. Alli parcushca huerta shina, huiñaita tucyacuc yacu shinami canguichic.

ISAÍAS 59:18

Paita piñaccunataca llaquichina cashca shinallatacmi llaquichinga. Paita mana ricunayachiccunatapish, paita piñaccunatapish yallita piñarishpami llaquichinga. Mama cucha patapi causaccunatapish paicuna piñashca shinallatacmi llaquichinga.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

ZACARÍAS 10:7

Efraín ailluca yallita sinchi runacuna shinami canga. Vinota ubiashpa cushicuc shinami shungupi yallita cushicunga. Paicunapac churicunaca chaita ricushpami, Mandac Diosmanta tucui shunguhuan cushicunga.

MALAQUÍAS 3:18

Chashna ruhuacpimi, cashcata ruhuac-huan, juchayuc-huan chican cashcata, shinallatac Mandac Dios ñucata servic-huan, mana servic-huan chican cashcata yachanguichic» ninmi.

SAN JUAN 16:22

Shinallatacmi cancunaca llaquiringuichic. Shina cashpapish, ñuca cutimucpica, cancunapac shungupi yallitami cushicunguichic. Chai cushicuitaca pi mana quichungachu.

HEBREOS 10:27

Ashtahuanpish manchana taripana punzha, rupachishpa chingachic ninallami shuyacun. Chai ninaca Diosta mana cazuccunatami tucuchinga.