ISAÍAS 65:9 - Dios Rimashcata Quillcashcami

⁹ Jacobomantaca huahua huahuacunata mirachishami. Ñuca urcucunataca Judapac huahua huahuacunami japinga. Ñuca acllashcacunami llactataca paicuna causangapac japinga. Chaipica ñucata serviccunami causanga.

ISAÍAS 65:9 ပူးပေါင်းရင်းမြစ်များ

ISAÍAS 27:6

Jacobopac huahua huahuacuna yura shina sapiyana punzhami shamunga. Israelcunaca sisac shinami sisanga. Chashnami paicunaca cai pachapi achca grano pucushca shina jundanga.

ISAÍAS 30:19

Sión urcupi tiyac Jerusalenpi causaccunalla, mana ashtahuan huacanguichicchu. Cancunata llaquic Mandac Diosca cancuna caparishpa huacashcata uyashpami, cancuna mañashcata uyanga.

ISAÍAS 32:18

Ñuca acllashcacunaca cushilla llactapimi causanga. Ima llaquipish illac huasipimi cushilla samaringa.

ISAÍAS 45:19

Ñucaca cai pachapica mana pacalla amsapichu rimarircani. Jacobopac huahua huahuacunataca: “Ñucataca yangami mashcanguichic” mana nircanichu. Ñucaca cashcata, allita rimac Mandac Diosmi cani.

ISAÍAS 45:25

Mandac Dios ñucahuanmi israelcunaca atinga. Huahua huahuacunapish alli nishcami canga» ninmi.

ISAÍAS 49:8

Mandac Diosca: «Mañashcata uyana punzhami cantaca uyarcani. Quishpirina punzhami cantaca ayudarcani. Cai llactata cutin allichishpa, shitashca pambata cutin japichunmi cantaca huacaichishpa, israelcunahuan ari ninacusha.

ISAÍAS 57:13

¡Can mañacpica, ruhuashcalla dioscuna quishpichichun! Tucui chaicunatami huaira shamushpa apanga. Ashtahuanpish ñucapi miticurishpa causacca llactata japingami. Ñucapaclla urcupimi causanga.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 65:15

Ñucata serviccunataca mushuc shutipimi cayasha. Ashtahuanpish cancunapac shutitaca shuctac runacunata maldiciangapacmi cayangacuna. Mandac Dios ñucami cancunataca huañuchisha.

ISAÍAS 65:22

Mana shuccuna causachun huasita shayachingachu. Shuccuna micuchunpish mana tarpungachu. Ñuca acllashcacunaca yuracuna shinami unaita causanga. Ñuca acllashcacunaca paicunapac maquihuan ruhuashcahuanmi cushicunga.

EZEQUIEL 36:24

Cancunataca ñucami shuctac llactacunamanta, shinallatac tucui llactacunamanta tandachishpa, cancunapac llactaman pushamusha.

SOFONÍAS 3:20

Cancuna ricucucpi, prezumanta llucchimushpaca, tucui cai pacha llactacunapi causaccunapac ricsishca, alli nishca cachunmi ruhuasha» ninmi. Chaitaca Mandac Diosmi nin.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

ROMANOS 11:28

Mana israelcunapac allipacmi, israelcunaca alli huillaita mana cazushpa, Dios piñashca tucushcacuna. Shina cacpipish, Diosca paicunapac ñaupa taitacunata acllashcamantami cuyacun.