ISAÍAS 65:14 - Dios Rimashcata Quillcashcami

¹⁴ Ñucata serviccunaca tucui shunguhuanmi yallita cushicushpa cantanga. Ashtahuanpish cancunaca shungu nanaihuanmi caparinguichic. Cancunapac shungu paquirishpami, yallita llaquiringuichic.

ISAÍAS 65:14 ပူးပေါင်းရင်းမြစ်များ

JOB 29:13

Ña huañugricucca paita ayudashcamantami ñucata bendiciarca. Viuda huarmi huacacucpipish cushichircanimi.

SALMOS 109:28

Paicuna maldiciacpipish, canca bendiciaiyari. Paicuna ñucata llaquichingapac jataricpipish pingaichishca cachun. Shina cacpipish, canta servicca cushilla cachun.

SALMOS 66:4

¡Tucui cai pachapi causaccunami cantaca alli nishpa cantangacuna! ¡Cambac shutitami cantangacuna!» nichicyari.

ISAÍAS 13:6

Mandac Dios llaquichina punzhami chayamun. Chaimanta caparishpa huacaichicyari. Paica tucui poderhuanmi llaquinayaita tucuchingapac shamun.

ISAÍAS 24:14

Chai saquirishcacunami Mandac Dios jatun cacta ricushpa, yallita cushicushpa cantanga. Yacu chaupipi tiyac llactacunapi causaccunapish alli ningacunami.

ISAÍAS 50:11

Tucui cancunami ninatapish, antorchatapish japichinguichic. ¡Shina cashpaca, chai nina achicllapitac, antorcha achicyachishcallapitac puricuichiclla! ¡Chaica ñucami llaquichini! Cancunaca llaquinayaita huañushpami tucuringuichic.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 66:14

Cancunaca chaita ricushpami, tucui shunguhuan cushicunguichic. Cancunapac tullucunapish quihua sisac shinami mushucyanga. Mandac Diosca paipac poderta paita serviccunaman ricsichingami. Ashtahuanpish paita piñaccunataca piñangami.

ISAÍAS 9:3

Can Mandac Diosllatacmi paicunataca achcata mirachishpa, yallita cushichircangui. Cosechapi cushicuc shina, macanacuipi quichushcacunata chaupishpa cushicuc shinami, cambac ñaupapica yallita cushicun.

JEREMÍAS 31:7

Mandac Diosca: «Jacobomanta cushicushpa caparichicyari. Llactacunapac uma shina llactata alli nichicyari. Sinchita caparishpa: “¡Mandac Dioslla, can acllashcapuramanta saquirishca israelcunata quishpichiyari!” nichicyari.

SAN MATEO 13:42

Chashna tandachishpami nina hornopi shitanga. Chaipimi huacaihuan quiru caniringa.

SAN MATEO 22:13

Chaimantami jatun mandacca serviccunataca: “Cai runataca chaqui maquita huatashpa, canzha puraman shitaichic. Chaipica huacaihuan quiru canirinami tiyan” nirca.

SAN MATEO 8:12

Ashtahuanpish Dios mandacucman yaicungapac caccunaca, canzhapimi, purapi huacaihuan quiru caniringa— nirca.

SAN LUCAS 13:28

Taita Abrahamtapish, Isaactapish, Jacobotapish, Dios ima nishcata huillaccunatapish Dios maipi mandacucpi tiyacucta ricushpa, cancuna canzhaman shitashca cashpaca, quirucuna canirishpami huacacunguichic.

SANTIAGO 5:1

Chayuccuna, caita uyaichic: ¡Cancunataca jatun llaquicunami japinga! ¡Chaimanta caparishpa huacaichic!

SANTIAGO 5:13

Cancunapuramanta maijanpish llaquilla cashpaca, Diosta mañachun. Maijanpish cushilla cashpaca, Diosta alli nishpa cantachun.