ISAÍAS 65:13 - Dios Rimashcata Quillcashcami

¹³ Chaimantami Mandac Diosca: «Ñucata serviccunaca yallita micucungami, ashtahuanpish cancunaca yarcaihuanmi canguichic. Ñucata serviccunaca yacuta ubiacungami, ashtahuanpish cancunaca yacunayaihuanmi canguichic. Ñucata serviccunaca cushicungami, ashtahuanpish cancunaca pingaihuanmi canguichic.

ISAÍAS 65:13 ပူးပေါင်းရင်းမြစ်များ

SALMOS 34:10

Leoncunaca micunata mana charishpaca llaquillami purincuna. Ashtahuanpish Mandac Diosta mashcaccunaca ima illac mana causangachu. Tucui allitami charingacuna.

PROVERBIOS 13:25

Cashcata ruhuac runaca huicsa pactatami micun. Ashtahuanpish Diosta mana manchaccunaca chushac huicsami puringacuna.

ISAÍAS 1:19

Ñuca rimashcata cancuna uyashpaca, cai allpapi sumac pucushca granocunatami micunguichic.

ISAÍAS 41:17

Huacchacunapish, imata mana chariccunapish yacuta mashcashpaca mana tarinchu. Shinami yacunayaihuan paicunapac calluca chaquishca. Ñucami paicuna mañashcata uyasha. Israelcunapac Dios ñucaca, manatac saquishachu.

ISAÍAS 41:18

Urcucunamantami jatun yacucunata llucchisha. Pugru pambacunapimi yacu junducunata ruhuasha. Shitashca pambacunataca yacu cuchacunata, chaquishca pambacunataca yacucuna llucshicuctami ruhuasha.

ISAÍAS 42:17

Ruhuashcalla dioscunata yuyarishpa causaccunaca yallita pingai tucushpami, huashaiman cutinga. Paicunaca yacuyachishpa, imamanpish ricchata ruhuashcataca: «Ñucanchic dioscunami canguichic» nincunami.

ISAÍAS 44:11

Chai dioscunata ruhuaccunaca runacunallami. Chaimanta tucui chai dioscunata caticcunaca pingaichishcami canga. Paicuna Diospac ñaupaman tandanacumushpaca, pingaichishca cashpami, manchaihuan canga.

ISAÍAS 44:9

Caspimanta imaman riccha dioscunata ruhuaccunaca yangallami. Paicuna ruhuashca sumac dioscunapish imapac mana valinchu. Chai yanga dioscunata alli niccunaca yuyai illac, imata mana yachaccunami. Chaimantami pingaichishca canga.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 5:13

Ñuca acllashcacunaca ñucata mana ricsishcamantami prezu apashca carca. Chaipimi paicunapac alli nishca runacunaca yarcaihuan huañurca. Shinallatac achcacunami yacunayaihuan chaquishpa huañurca.

ISAÍAS 50:11

Tucui cancunami ninatapish, antorchatapish japichinguichic. ¡Shina cashpaca, chai nina achicllapitac, antorcha achicyachishcallapitac puricuichiclla! ¡Chaica ñucami llaquichini! Cancunaca llaquinayaita huañushpami tucuringuichic.

ISAÍAS 61:7

Yallita pingaichishca, mana alli nishca canapac randica, ishcai cutin yalli herenciatami japinguichic. Pingaichishca canapac randica, chai herenciamantami yallita cushicunguichic. Cancunapac llactapica chai herenciatapish japishpami, huiñaita cushilla canguichic.

ISAÍAS 62:9

Ashtahuanpish cancunallatac cosechashpa micushpami, Mandac Dios ñucataca alli ninguichic. Uvasta pallaccunami ñuca huasi canzha pambapi vinota ubianga» nirca.

ISAÍAS 66:14

Cancunaca chaita ricushpami, tucui shunguhuan cushicunguichic. Cancunapac tullucunapish quihua sisac shinami mushucyanga. Mandac Diosca paipac poderta paita serviccunaman ricsichingami. Ashtahuanpish paita piñaccunataca piñangami.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

ISAÍAS 8:21

Paicunaca yallita shaicushpa, yarcaihuanmi cai pachapica puringa. Chashna yarcaihuan cashcamanta piñarishpami, huichaita ricushpa, paicunata jatun mandactapish, paicunapac Diostapish mana alli ninga.

JEREMÍAS 22:22

Cambac michiccunataca huairami apanga. Cambac cuyashcacunataca prezumi apanga. Shina tucucpica, can mana allita ruhuashpa causashcamantaca yallita pingaichishca, llaquichishcami cangui.

DANIEL 12:2

Huañushpa allpapi samariccunaca shuccunaca huiñaita causangapac, cutin shuccunaca huiñaita pingaichishca llaquita apangapacllami causaringa.

OSEAS 4:10

Mandac Dios ñucata saquishcamantami micushpapish mana sacsanga. Huahuata charinata munashpapish mana chari pudingachu.

MALAQUÍAS 3:18

Chashna ruhuacpimi, cashcata ruhuac-huan, juchayuc-huan chican cashcata, shinallatac Mandac Dios ñucata servic-huan, mana servic-huan chican cashcata yachanguichic» ninmi.