ISAÍAS 64:7 - Dios Rimashcata Quillcashcami

⁷ ¡Cambac shutita mañacca pipish mana tiyanchu! ¡Pipish canhuan cangapac mana sinchiyanchu! Chaimantami cambac ñahuitaca ñucanchicmanta pacarcangui. Ñucanchic mana allicunata ruhuashcacunallatac mandac shina, charicucpimi, anguyac shina, llaquita apachun saquircangui.

ISAÍAS 64:7 ပူးပေါင်းရင်းမြစ်များ

JOB 10:9

Ñucata allpamanta ruhuashcataca yuyariyari. ¿Ñuto allpallamantacchu tigrachigringui?

JOB 8:4

Cambac huahuacunami, paita mana cazushpa juchallishca. Chaimantami paicuna japina cashca shinallatac llaquichishca.

SALMOS 100:3

Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

SALMOS 14:4

Mandac Diosta mana mañac, millai gentecunaca, ima allitaca mana entendincunachu Ñuca acllashcacunataca tandata micuc shinami tucuchincuna.

ÉXODO 32:12

Egipto runacunaca: “Israelcunapac Diosca urcucunapi huañuchishpa, cai pachamanta chingachingapacmi israelcunataca llucchishca” ningacunamari. Chaimanta ama ña ashtahuan piñarichu. Paicunata llaquichinataca cungarilla.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

ISAÍAS 27:5

Maijanpish ñucahuan alli tucusha niccunallami saquiringa. ¡Ari, ñucahuan alli tucusha niccunaca alli tucuchunlla!» nisha.

ISAÍAS 45:9

¡Aij manga callana shina cashpapish ñucata piñachiccunalla! Callanata ruhuana allpaca paita ruhuactaca: “¿Imatatac ruhuangui” ningachu? ¿Imata pai ruhuashcaca: “Canca maqui illacmi cangui” ningachu?

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

ISAÍAS 54:8

Ñucaca piñarishca cashpami, asha punzhacunata canta mana ricurcani. Shina cashpapish huiñai huiñaita llaquishpami cantaca cuyasha. Chaitaca canta quishpichic Mandac Dios ñucami nini.

ISAÍAS 56:4

Chaica, Mandac Diosca: «Eunuco runa ñuca chicanyachishca samana punzhacunata huacaichishpa, ñuca munashcata ruhuashpa, ñucahuan ari nishcata ucllaric shina, chai yuyailla causacpica,

ISAÍAS 57:17

Imatapish yallita munashpa, millaita ruhuashcamantami yallita piñarishpa llaquichircani. Chaimantami tigrarishpallapish mana ricurcani. Shina cacpipish, paicunaca mana cazushpami shungu munashcata ruhuashpa catirca.

ISAÍAS 59:16

Mandac Diosca chashna millaita ruhuashpa causacucta ricurcami. Chashna ruhuacucpipish, pi mana ayudac tiyacpimi, yallita llaquirirca. Chaimantami paipac poderhuan quishpichirca. Shinami cashcata ruhuac cashcata ricuchirca.

ISAÍAS 59:2

Ashtahuanpish cancuna mana allita ruhuashcallatacmi Diosmanta caruyachishca. Cancunapac juchallatacmi cancuna mañashcata uyanata jarcashca. Chaimantami paipac ñahuita pacashca.

ISAÍAS 59:4

Cashcata ruhuachun caparishpa mañacca pipish mana tiyanchu. Pipish mana cashcata ruhuangapac juezpacman rinchu. Ashtahuanpish yanga juchanchishpa, rimangapacllami rin. Millaita huicsayuc shina tucushpaca, imatapish mana allitami sajuarin.

ISAÍAS 63:16

Abraham ñucanchicta mana yuyaricpipish, taita Israel ñucanchicta cungaricpipish canmi ñucanchic taita cangui. Mandac Dioslla, huiñaita ñucanchicta quishpichicmi cangui.

JEREMÍAS 9:7

Chaimantami tucuita Mandac Diosca: «Ñuca llactapi causaccunataca, ¿imatatac ashtahuan ruhuasha? Curita ninapi rupachishpa chuyayachic shinami, paicuna ima shina cacta ricugrini.

EZEQUIEL 22:30

Chai llactata mana llaquichisha nishpami, ñucaca maijan cai llactamanta ñucahuan rimachun, shuc runata mashcarcani. Shina mashcashpapish mana tarircanichu.

EZEQUIEL 24:11

Chushaclla mangataca nina jahuapi churashpami, chai mangapi tiyac mapatapish, yanayashcatapish rupachisha.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.

OSEAS 7:14

Paicunaca camapi caparicushpapish, mana ñucatachu tucui shunguhuan mañarca. Trigota, llullu vinota tandachingapac chugririshpapish, ñucatami piñachirca.

OSEAS 7:7

Tucui paicunami rupacuc horno shina, paicunapac juezcunataca tucuchirca. Jatun mandaccunapish tucuimi huañurca. Paicunapurapica shucllapish ñucata mañacca mana tiyanchu.

MALAQUÍAS 1:6

Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

MALAQUÍAS 2:10

¿Manachu tucui ñucanchicca shuclla taitata charinchic? ¿Manachu shuclla Dios ruhuashca canchic? Chashna cashpaca, ¿ima nishpatac ñucanchicca caishuc chaishuc mana cazunacushpa, ñaupa taitacunahuan ari nishcataca yangapi churanchic?