ISAÍAS 64:10 - Dios Rimashcata Quillcashcami

¹⁰ Cambaclla acllashca llactaca shitashcami siricun. Sión urcupish, Jerusalén llactapish shitashca pambami siricun.

ISAÍAS 64:10 ပူးပေါင်းရင်းမြစ်များ

2 REYES 25:9

Chashna shamushpami, Mandac Diospac huasitapish, mandana huasitapish, Jerusalenpi tucui huasicunatapish, mandaccunapac tucui huasicunatapish rupachirca.

1 CRÓNICAS 23:5

Chuscu huaranga runacunaca Diospac huasi punguta cuidaccunami carca. Cutin chuscu huaranga runacunaca Mandac Diosta alli ningapac ruhuachishca tocanacunapi tocaccunami carca.

ISAÍAS 1:7

Cancunapac llactaca shitashcami. Pueblocunapish rupachishcami. Pambacunapi pucushcacunatapish shuctac llacta gentecunami cancunapac ñaupallapitac micushca. Shuctac llacta gentecunami shitashca pambata saquishca.

ISAÍAS 48:2

Shina cashpapish: “Jucha illac llactamantami canchic. Israelcunapac Diosta yuyarishpami causanchic. Paipac shutica tucuita Mandac Diosmi” ninguichicmi.

ISAÍAS 52:1

¡Sión llactalla, ricchariyari! ¡Sinchiyaiyari! Diospaclla llacta Jerusalenlla, sumac churanata churariyari. Circuncisionta mana ruhuashca runapish, mapa runapish mana cutin yaicungachu.

ISAÍAS 6:11

Shina nicpimi ñucaca: —Mandac Dioslla, ¿ima horacamantac chashna canguiyari?— nircani. Shina nicpimi paica: —Tucui llacta tucuricpi, shucllapish mana saquiringacaman, huasicunapi shuc runallapish mana tiyangacaman, allpacunapish shitashca saquiringacaman,

ISAÍAS 63:18

Asha huatacunallatami cambac acllashcacunaca cambaclla huasipica causarcanchic. Ashtahuanpish cunanca ñucanchicta piñaccunami cambaclla huasipica sarucun.

JEREMÍAS 52:13

Chashna rishpami, Mandac Diospac huasitapish, jatun mandacpac huasitapish, Jerusalenpi tiyac huasicunatapish, jatun huasicunatapish tucui rupachirca.

LAMENTACIONES 1:10

Sumac charishcacunataca paita piñaccunami quichu rirca. Shuctac llacta gentecuna Diospac huasiman yaicuctapish ricurcami. Diosca chai tandanacuna huasiman ama yaicuchunmi mandarca.

LAMENTACIONES 1:7

Jerusalenpi causaccunata prezu apacucpi mana ayudarcachu. Chaimantami ñaupa punzhacunapi sumacta causacushcata yuyarishpa, llaquilla tucuncuna. Chaita paicunata piñaccuna ricushpaca asircacunami.

LAMENTACIONES 5:18

Sión urcuca llaquinayaita shitashca urcumi tucushca. Chacal animalcunami puricun.

DANIEL 12:7

Shina nicpimi, jatun yacu jahuapi lino churanata churashca shayacuc runaca alli maquitapish, lluqui maquitapish alzashpa huiñaita causac Diospac shutipi rimashpaca: “Quimsa huata chaupipimi chaica canga. Tucui caicunaca Diospaclla causaccuna mana ashtahuan llaquichishca cacpimi pactanga” nirca.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

HAGEO 2:3

Ñuca huasi utcapi sumaimana cashcata ricuccunaca, ¿maijan causacunguichicchu? ¿Cunanca ima shinatac ricurin? ¿Manachu cai huasica utcapi ima shina cashcahuan ricucpica yangalla?

SAN LUCAS 21:21

Judea llactapi caccunaca urcucunapi miticugrichun. Jerusalenpi caccunapish llucshishpa richun. Chagrapi caccunapish ama cutichun.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.