ISAÍAS 63:4 - Dios Rimashcata Quillcashcami

⁴ Paicunata llaquichina punzha chayamucuctami ñuca shungupi yuyaricurcani. Ñuca quishpichina huatami shamushca.

ISAÍAS 63:4 ပူးပေါင်းရင်းမြစ်များ

SALMOS 107:2

Mandac Dios quishpichishcacuna cancunata piñaccunapac maquimanta cacharichishcami canguichic. Chaimantami paita alabana canguichic.

ISAÍAS 1:24

Chaimantami israelcunata sinchiyachic Mandac Diosca: «¡Ña chailla! ¡Cunanca ñucata piñaccunata llaquichishpatacmi cushicusha! Ñucata mana ricunayachiccunataca paicuna mana allita ruhuashca shinallatacmi llaquichisha.

ISAÍAS 1:27

Sión llactata quishpichishpami, ñucapacman cutin cutichisha. Chaipi causaccuna ñucapacman cutirishcamantaca cashcata ruhuashpami quishpichisha.

ISAÍAS 13:6

Mandac Dios llaquichina punzhami chayamun. Chaimanta caparishpa huacaichicyari. Paica tucui poderhuanmi llaquinayaita tucuchingapac shamun.

ISAÍAS 13:9

Riquichic, Mandac Dios yallita llaquichina punzhami chayamucun. Paica nina japiric shina, piñarishpami shamunga. Chashnami cai pachata shitashca pambata shina ruhuashpa, cai pachamanta juchataca tucui tucuchinga.

ISAÍAS 34:8

Mandac Dios llaquichina punzhami chayamushca. Sionpi causaccunata llaquichishcamantami Edom llactapi causaccunata llaquichinga.

ISAÍAS 35:4

Manchaihuan causaccunataca: «¡Sinchiyaichic, ama manchaichicchu! Mandac Diosmi cancunata piñaccunata llaquichingapac shamunga. Paillatacmi quishpichingapac shamunga» ninguichic.

ISAÍAS 35:9

Chaipica leoncunapish mana tiyangachu. Chaitaca shuctac millai animalcunapish, mana huichai shamungachu. Chaipica ima animalcunapish mana tupangachu. Chaitaca quishpirishcacunallami puringa.

ISAÍAS 47:3

Churanacunata anchuchishpa lluchulla pingaihuan shayacuiyari. Can llaquichishca shinallatacmi cantapish llaquichisha. Cantaca pipish mana quishpichingachu» ninmi.

ISAÍAS 52:3

Mandac Diosca: «Cancunaca mana cullquimantachu catushca causarcanguichic. Chaimantami ñucapish ima cullquita mana cushpa, cancunataca quishpichigrini» ninmi.

ISAÍAS 61:2

Mandac Dios quishpichina huata chayamucushcatapish, ñucanchic Dios llaquichina punzha chayamucushcata huillachunpish, shinallatac llaquilla causaccunata cushichichunpishmi cacharca.

JEREMÍAS 50:15

Paicunapac muyundipi caparichic. ¡Ñamari Babilonia llactaca cumurishca! Muyundi jatun pircapish tuñirinmi. Callari rumicunapish urmanmi. Mandac Dios ñuca llaquichina punzhami chayamushca. Paicuna shuccunata llaquichishca shinallatac paicunatapish llaquichichiclla.

JEREMÍAS 51:6

¡Babilonia llactapi causaccunapac juchamanta mana huañungapac chaimanta llucshichicyari! Paicuna llaquichishca shinallatac paicunatapish Mandac Dios llaquichina punzhami chayamushca. Paicunaman cuna cashcatami cugrin.

EZEQUIEL 25:14

Edom llactataca ñuca acllashca israelcunami llaquichinga. Paicunami chai llactataca ñuca yallita piñarishpa llaquichicuc shinallatac llaquichinga. Shina ruhuacpimi, ñuca ima shina llaquichic cashcata yachangacuna.

ZACARÍAS 3:8

Curacunata mandac Josuella, canpish, cambac ñaupapi tiyacuc cambac ricsishcacunapish alli uyaichic. Retoñashca ñucata servic shamunata ricuchiccunami canguichic.

SAN LUCAS 21:22

Chai punzhacunaca, Dios quillcachishca shina llaquichina punzhacunami canga.

APOCALIPSIS 11:13

Chai pachaca allpami yallita chucchurca. Shina tucucpica chai pueblota chungapi chucpishcamanta shuc parte urmacpimi canchis huaranga gentecuna huañurca. Mana huañushca gentecunaca manchaihuanmi jahua pacha Diosta alli nircacuna.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.