ISAÍAS 63:1 - Dios Rimashcata Quillcashcami

¹ ¿Pitac chai Edom llactamanta, Bosra llactamanta puca churanata churarishca shamucun? ¿Pitac jagan nicuc churanata churarishca jatun poderhuan shamucun? Quishpichingapac jatun poderyuc, cashcata rimac Diosmi cani.

ISAÍAS 63:1 ပူးပေါင်းရင်းမြစ်များ

GÉNESIS 36:33

Bela huañucpica, Bosramanta Zerapac churi Jobabmi paipac randi mandacurca.

GÉNESIS 49:11

Mama burropac huahua cari burrotaca uvas chagrapimi huatanga. Paipac churanataca vinopimi tacshanga. Pucanlla uvasta capishca yacupimi jahualla churanataca tacshanga.

1 CRÓNICAS 1:44

Bela huañucpica, Bosra pueblomanta Zerapac churi Jobabmi paipac randi mandarca.

SALMOS 108:13

Dios-huanca jatun mancharinacunatami ruhuashun. Paimi ñucanchicta piñaccunata sarunga.

SALMOS 137:7

Mandac Dioslla, edomitacunata yuyariyari. Jerusalenta llaquichicuc punzhapica paicunaca: «Urmachichic. Callari rumicunatapish ama saquishpa urmachichic» nircacunami.

SALMOS 65:6

Canmi urcucunataca cambac poderhuan sinchita ruhuashcangui. Podertaca chumbillirishca shinami charingui.

CANTARES 3:6

¿Pi huarmitac chai pambata tucuilaya ashnacuc polvohuanpish, inciensohuanpish, mirrahuanpish cahuirishpa mishquilla ashnacuc puyu shina shamucunyari?

CANTARES 6:10

«¿Pitac achicyachic shina ricuric, sumac quilla shina, inti achicyachic shina, macanacuita mishac soldadocuna shina llucshic huarmica?» nircacuna.

CANTARES 8:5

¿Pitac shitashca pambamanta cuyashcapac rigra jahuapi huichai shamucun? Manzana yura ucupimi ricchachircani. Chaipimi cambac mamataca sajuarina nanai japirca. Chaipimi cambac mamaca canta sajuarirca.

ISAÍAS 11:14

Ashtahuanpish ishcai tucushpami, inti tigrana ladopi causac filisteocunataca urmachinga. Inti llucshina ladopi causaccunapac charishcacunatapish tucuimi quichungacuna. Edom, Moab llactapi causaccunaca paicunatami servinga. Amonitacunapish paicunatami cazunga.

ISAÍAS 34:1

¡Tucui llactacunapi causaccuna ñucata uyangapac tandanacuichicyari! ¡Tucui gentecuna alli uyaichicyari! Cai allpapish, chaipi ima tiyaccunapish, cai pachapish, chaipi ima tiyaccunapish uyaichicyari.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

ISAÍAS 42:3

Chictarishca carrizotapish mana paquingachu. Huañugricuc lamparatapish mana huañuchingachu. Imatapish cashcatami ruhuanga.

ISAÍAS 45:19

Ñucaca cai pachapica mana pacalla amsapichu rimarircani. Jacobopac huahua huahuacunataca: “Ñucataca yangami mashcanguichic” mana nircanichu. Ñucaca cashcata, allita rimac Mandac Diosmi cani.

ISAÍAS 45:23

Ñucaca cashcata ruhuanatami rimani. Ñucaca: “Tucui mashnami ñuca ñaupapi cungurishpa, tucui rimaipi ari ninga” nishpami, ñuca shutipi ari nini.

ISAÍAS 9:5

Jatun macanacuipi soldadocuna chaquipi churarishcacunapish, yahuarpi cahuirishca churanacunapish tamo shinami rupanga.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 48:24

Queriot, Bosra, Moab llacta llactacunatapish, carupi, cuchullapi cac llactacunatapish taripashpa llaquichina punzhami shamushca.

JEREMÍAS 49:13

Bosra llactaca tucui urmachishca, mana alli nishca, shitashca pambami saquinga. Shinallatac muyundi caishuc llactacunapish chashnami huiñaita urmachishca canga. Mandac Dios ñucapac shutipimi nini» ninmi.

EZEQUIEL 25:12

Mandac Diosca: Edom llactapi causaccunaca Judá llactapi causaccunata yallita llaquichishpami juchallishca.

EZEQUIEL 35:1

Mandac Dios ñucata rimashpaca:

EZEQUIEL 38:17

Mandac Diosca: Ñaupa huatacunamanta canmanta ñucata serviccunata Israel huillaccunata huillachircani. Chai huillaccunami israelcunata ñuca llaquichinamanta huillarca. Chaitaca pactachishatacmi.

ABDÍAS 1:1

Mandac Diosmi Abdiasman muscuipi shina ricurishpa, Edom llactapi causaccuna ima tucunamanta huillashpaca: «Mandac Dios ñuca shuc huillac tucui llactacunaman cachashpaca: “¡Edom llactapi causaccunahuan macanacungapac jatarichic, tucui jatarishunchic!” ningui nircani.

ABDÍAS 1:9

Temán llactalla, cambac sinchi soldadocunapish chucchungami. Esaupac urcupi causaccunapish yallita llaqui tucushpami huañunga.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

MALAQUÍAS 1:2

Mandac Dios israelcunataca: «Ñucaca cancunata cuyarcanimi. Chashna cuyacpipish cancunaca: “¿Ima shinatac ñucanchictaca cuyarcangui?” nircanguichicmi. ¿Manachu Esauca Jacobopac huauqui carca? Chashna cacpipish, Jacobollatami cuyarcani. Chaitaca Mandac Dios ñucami nini.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

SAN MATEO 21:10

Jesús Jerusalenman yaicucpi, tauca gentecuna mancharinacushpaca: —¿Pitac caica?— nishpa tapurca.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

APOCALIPSIS 19:13

Paica yahuarpi tiñishca churana churashcami carca. Shinallatac paipac shutica Dios Rimashca Shimimi carca.