ISAÍAS 62:6 - Dios Rimashcata Quillcashcami

⁶ Jerusalenlla, cambac muyundi pircapica cuidaccunatami churarcani. Paicunaca tutai punzha mana upalla cangachu. ¡Mandac Diosta yuyarishpa causaccunaca manatac samaringuichicchu!

ISAÍAS 62:6 ပူးပေါင်းရင်းမြစ်များ

GÉNESIS 32:12

Canca ñucataca: “Imapipish allicunata cushpami pushasha. Cambac huahua huahuacunataca mama cucha tiyu shina, mana yupaipactami mirachisha” nircanguimi— nishpami mañarca.

GÉNESIS 32:26

Chaimantami chai runaca: —Ñami pacarimun, cachari— nirca. Shina nicpica Jacoboca: —Ñucata mana bendiciacpica, mana cacharishachu— nirca.

2 CRÓNICAS 8:14

Chashnallatac curacunataca paipac taita David mandashca shinallatacmi imata ruhuana cashcapi churarca. Levitacunatapish paicuna imata ruhuana cashcata ruhuashpa Diosta alabachun, shinallatac curacunata ayudachunmi churarca. Shinallatac Diospac huasi pungupi cuidaccunatapish tucui pungucunapimi chullayanacushpa cuidachun churarca. Mandac Diosta servic Davidmi chashna mandarca.

SALMOS 122:7

Cambac muyundi jatun pirca ucupipish, cambac chaupipi cac mandana huasicunapipish cushilla causai tiyachun» nichicyari.

SALMOS 74:18

Mandac Dioslla, canta piñaccuna canta camishcataca amatac cungaringuichu. Imatapish mana entendic gentecunami canta camincuna.

SALMOS 74:2

Ñaupa punzhacunamanta can acllashcacuna cambac aillu cachun llaquimanta llucchishcacunata yuyariyari. Can causana Sión urcutapish yuyariyari.

CANTARES 3:3

Pueblota cuidaccunahuanmi tuparcani. Paicunataca: «¿Manachu ñuca shungu cuyashcata ricurcanguichic?» nircani.

CANTARES 5:7

Pueblota cuidaccunami ñucahuan tuparca. Paicunami ñucata macashpa chugrichirca. Pircata cuidaccunami jahua churanatapish quichurca.

ISAÍAS 43:26

Ñucata yuyachichishpa, Taripachun imata cashpapish ricuchichiclla. Cashcata ruhuashca ricuringapac cancunarac rimaichiclla.

ISAÍAS 49:16

Cantaca ñuca maquipi quillcac shinami charini. Canta jarcac muyundi pircacunatapish ricuracunimi.

ISAÍAS 52:8

¡Uyaichicyari! Torre jahuapi chapac runacunaca yallita cushicushpami, tandanacushpa caparinga. Sionman Mandac Dios cutin pushamucuctaca quiquin ñahuihuanmi ricunga.

ISAÍAS 56:10

Israelcunata chapac runacunami ñahui mana ricuccuna shina, imata mana yachaccuna can. Paicunaca mana ladranata pudic allcucuna shinami, upalla siricun. Sueñunallatami munancuna.

ISAÍAS 62:1

Sión llactata cuyashcamantaca mana upallachu casha. Jerusalenta cuyashcamantaca mana samarishachu. Cashcata ruhuana achicyachic inti shina ricuringacaman, quishpirina luzta japichishca shina, ricuringacamanmi chashna casha.

JEREMÍAS 14:21

Cambac shutita cuyashcamanta ñucanchictaca ama saquichu. Can mandashpa tiyarina sumaimanatapish, ñucanchic-huan ari nishcatapish ama yangapi churaichu. Ñucanchicta yuyariyari.

JEREMÍAS 6:17

Torre jahuapi chapaccunata churashpaca: “¡Cornetapi tocashcata uyaraichic!” nircanimi. Shina nicpipish cancunaca: “Mana uyashun ninchicchu” nircanguichicmi.

LAMENTACIONES 5:1

Mandac Dioslla, ñucanchic ima tucushcata yuyariyari. Ñucanchicta burlashpa rimacuctaca ricuiyari.

LAMENTACIONES 5:20

¿Imamantatac ñucanchictaca huiñaita cungaringui? ¿Imamantatac unaita shitashpa saquingui?

SAN LUCAS 18:39

Ñaupashpa ricuc gentecuna piñarishpa upallai nicucpipish, ashtahuan caparishpami: —Mandac Davidpac aillupuramanta Apunchic Jesús, ¡ñucataca llaquiyari!— nirca.

HECHOS 10:31

Chashna ricurishpaca: “Cornelio, can mañashcataca Diosca uyashcami. Can huacchacunaman imallata cushcatapish ricushcami.

HECHOS 10:4

Chaimanta Cornelio manchaihuan angelta ricushpaca: —Amito, ¿imatatac ningui?— nirca. Chashna nicpimi angelca: —Huacchacunaman cushcatapish, can Diosta mañashcatapish paica chasquishcami.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 TESALONICENSES 5:17

Punzhanta Diosta mañaichic.

HEBREOS 13:17

Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.