ISAÍAS 62:5 - Dios Rimashcata Quillcashcami

⁵ Carihuan manarac chayarishca solterahuan, cunan huiñai moso cazarashca shinami, caipi causaccunapish, canhuan cazarashca shina causanga. Shuc cusa paipac huarmihuan cushicuc shinami, Diospish canhuan cushicunga.

ISAÍAS 62:5 ပူးပေါင်းရင်းမြစ်များ

CANTARES 3:11

¡Sionpi causac solteracunalla, jatun mandac Salomonta ricungapac llucshichicyari! Paipac shungu cushicui punzhapi, pai cazarai punzhapi, paipac mama churachishca coronata churashcami shamucun.

CANTARES 4:8

¡Líbano urcumanta ñucahuan urai jaculla! ¡Ñuca novialla, Líbano urcumanta ñucahuan jaculla! Amana urcumanta, Cenir urcumanta, Hermón urcumanta uricuiyari. Leoncuna causana jutcumanta, leopardocuna causanamanta shamuiyari.

ISAÍAS 62:4

Jaicapi mana “Shitashca llacta” ningachu. Llactatapish mana “Llaquinayaita shitashca llacta” ningachu. Ashtahuanpish Dios munashcami cangui. Cambac llactapish Dios-huan cazarashca huarmi nishcami cangui. Mandac Diospac cuyaica canhuanmi canga. Llactaca paihuan cazarashca shinami canga.

ISAÍAS 65:19

Ñucapish Jerusalenmantami cushicusha. Ñuca acllashcacunahuanmi yallita cushicusha. Jerusalenpica llaquihuan huacashcaca jaicapi mana uyaringachu.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.

OSEAS 2:19

Israel llactalla, cunanca canhuanmi huiñai huiñaipac cazarasha. Canman cashcata ruhuangapac, allita mandangapac, sumac cangapac, llaquic cangapacmi cazarasha.

OSEAS 2:21

Chai punzhapica Mandac Dios ñuca jahua pachata mañacpica, jahua pachaca cai pacha mañashcata uyangami.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

MALAQUÍAS 3:12

Chashna ruhuacpi, sumac llacta cacpimi, tucui llactapi causaccunaca: “Cushillami paicunaca causacun ningacuna” ninmi. Chaitaca tucuita Mandac Dios ñucami nini.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.