ISAÍAS 60:8 - Dios Rimashcata Quillcashcami

⁸ ¿Pitac puyu shina volashpa shamucun? ¿Picunatac palomacuna ventanaman yaicuc shina yaicumun?

ISAÍAS 60:8 ပူးပေါင်းရင်းမြစ်များ

ISAÍAS 45:22

¡Tucui cai pachapi tiyac llactacunapi causaccuna ñucata catichicyari, quishpiringuichicmi! ¡Ñucami Diosca cani, ashtahuan shucca mana tiyanchu!

ISAÍAS 49:21

Chashna nicpi, cambac shungupica: “¿Pitac cai huahuacunataca ñucaman sajuarirca? Ñucaca huahuacunata mana chari pudic sapallami carcani. Llactacunamanta llucchishpa cachashca ñucallami carcani. ¿Maimantatac cai huahuacunaca ricurirca? ¿Pitac cai huahuacunataca huiñachirca?” ninguimi» ninmi.

ISAÍAS 60:4

Alzarishpa muyundita ricuiyari. Tucui paicunami tandanacushpa, cambacman shamunga. Cambac churicunaca carumantami shamunga. Cutin ushicunataca marcashpami apamunga.

OSEAS 11:11

Egiptomanca volac animalcuna shinami, chucchushpa ñucapacman shamunga. Asiria llactamantaca paloma shinami shamunga. Paicunataca, paicunapac huasicunallapitacmi causachun saquisha» ninmi. Chaitaca Mandac Diosmi nin.

SAN LUCAS 13:29

Dios maipi mandacucpi micungapac, tiyaringapacmi tucui llactacunamanta tandanacunga.

HEBREOS 12:1

Chaimanta ñucanchic muyundipi crinamanta huillaccuna puyu shina tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcaman cushicushpa rishunchiclla.

APOCALIPSIS 7:9

Chai quipaca mana yupaipac tucuilaya gentecuna tucui llactacunamanta, tucui aillucunamanta, tucuilaya rimaita rimac gentecunatami ricurcani. Paicunaca mandashpa tiyarinapac ñaupapi, Pactalla Ovejapac ñaupapi yuranlla churanata churarishca, maquipica ramoscunahuan shayacuctami ricurcani.