ISAÍAS 60:2 - Dios Rimashcata Quillcashcami

² Riquichic, cai pachataca pura tutami tapanga. Llactacunapica amsayangami. Shina cacpipish, Mandac Diospac sumaimana achicmi cambac jahuapica achicyachishpa ricuringa.

ISAÍAS 60:2 ပူးပေါင်းရင်းမြစ်များ

1 REYES 8:11

Puyu jundashca cacpimi, curacunaca Diospacta ruhuanata mana pudircacuna. Mandac Diospac sumaimana achicmi, chai huasipica jundarca.

SALMOS 102:16

Mandac Diosmi Siontaca shayachinga. Paipac sumaimanami ricuringa.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

ISAÍAS 2:5

¡Jacobopac huasi ucupuracuna shamuichic! ¡Mandac Diospac luzpi purishunchic!

ISAÍAS 4:5

Chai quipami Mandac Diosca punzhaca yana puyuta, tutaca rupacuc achicyachic ninata Sión urcupi tiyac tucui huasicunapac jahuapi churanga. Diosca paicunataca sumaimana achic nicuc-huan shinami tapanga.

ISAÍAS 58:10

yarcaihuan caccunaman caracpi, shungupi llaquilla causaccunata cushichicpica, pura tuta cashpapish achicyangami. Pura tutaca chaupi punzha shinami canga.

ISAÍAS 58:8

Chaita ruhuacpica, inti llucshic shinami achicyachinga. Shinallatac utcami alli tucunguichic. Cashcata ruhuashcami cancunapac ñaupata ringa. Mandac Dios ñucapac achic nicucmi huashata cuidashpa catinga.

ISAÍAS 62:1

Sión llactata cuyashcamantaca mana upallachu casha. Jerusalenta cuyashcamantaca mana samarishachu. Cashcata ruhuana achicyachic inti shina ricuringacaman, quishpirina luzta japichishca shina, ricuringacamanmi chashna casha.

ISAÍAS 66:11

Mana nicta chuchuc shinami, yallita cushicunga. Chashnami leche jundashcata chuchushpa cushicunguichic» ninmi.

ISAÍAS 8:22

Shinallatac cai pachata urai ricushpapish mancharina purata, mancharina llaquillatami ricunga. Paicunaca maita mana llucshipac jutcupi shitashcami canga» nirca.

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

EZEQUIEL 10:4

Mandac Diospac sumaimana achic nicucca querubincunapac jahuamantaca pungupimi tiyaringapac huichai rirca. Diospac huasipica puyu, cutin ucupi tiyac canzha pambapica Mandac Diospac sumaimana achic nicucmi jundarca.

LEVÍTICO 9:23

Chai quipaca Dios-huan tupana huasi ucumanmi Moisespish, Aaronpish yaicurca. Chaimanta llucshishpa, israelcunata bendiciacpimi, Mandac Diospac sumaimana achiclla ricurirca.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

NÚMEROS 16:19

Coreca Moisestapish, Aarontapish llaquichishpami tucui israelcunata Mandac Dios-huan tupana huasi yaicunaman tandachirca. Shina cacpica, Mandac Diospac sumaimana achicca tucui israelcunapac ñaupapimi ricurirca.

SAN MATEO 15:14

Ñahui mana ricuc shina pushaccunataca saquichiclla. Ñahui mana ricucpura pushanacushpaca, ishcaitacmi jutcupi urmanga— nirca.

SAN MATEO 23:19

¡Ñahui mana ricuc, yuyai illaccunalla! ¿Maijantac ashtahuan alli? ¿Ofrenda, mana cashpaca ofrendata Diospacllata ruhuac altar?

SAN MATEO 23:24

¡Ñahui mana ricuc pushaccunalla! Cancunaca micunamanta chuspita anchuchishpa micushpapish, camellotaca mana anchuchishpami micunguichic.

SAN JUAN 1:1

Callarillapitacmi, Rimashca Shimica ña tiyarca. Rimashca Shimica Dios-huanmi carca. Shinallatac Rimashca Shimica Diosllatacmi carca.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 1:18

Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.

SAN JUAN 8:55

Cancunaca paitaca mana ricsinguichicchu. Ñucaca ricsinimi. Ñuca “mana ricsinichu” nishpaca, cancuna shinallatac llullacmi caiman. Ñucaca ricsinitacmi. Chaimantami pai ima nishcataca cazuni.

HECHOS 14:16

Paica ñaupaca tucui gentecuna quiquin munashca shina causachunmi saquirca.

HECHOS 17:23

Cai pueblopi puricushpaca, cancunapac dioscunata yuyarina huasicunatami ricurcani. Shinallatac shuc altarpica: “Mana Ricsishca Diospac altarmi” nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi huillacuni.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.

COLOSENSES 1:13

Diosmi amsa millai yuyaicuna mandashpa huatashca shina charicucmanta, paipac cuyashca Churi mandacucman aparca.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.