ISAÍAS 60:19 - Dios Rimashcata Quillcashcami

¹⁹ Punzhaca mana intichu cantaca achicyachinga. Tutaca mana quillachu cantaca achicyachinga. Ashtahuanpish Mandac Dios ñucami huiñai huiñaita achicyachisha. Cambac Dios ñucami cambac sumaimana achicyachic casha.

ISAÍAS 60:19 ပူးပေါင်းရင်းမြစ်များ

SALMOS 3:3

Ashtahuanpish Mandac Dioslla, escudo shinami ñuca muyundita jarcangui. Canca sumaimana cushichicmi cangui. Ñuca umata alzachishpa sinchiyachicmi cangui.

SALMOS 36:9

Canllami causaita cuc yacutaca charingui. Can achicyachicpimi achicta ricui pudinchic.

SALMOS 4:2

Huañuclla runacunalla, ¿ima horascamantac imapish yanga llulla dioscunata mashcashpa, ñucata yangapi churanguichiclla? ¿Maicamantac yanga causaillata, llullanallata mashcanguichic?

SALMOS 62:7

Diosca ñuca quishpichic, sumaimana achiclla Diosmi. Diosca ñuca miticuna sinchi rumimi.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

SALMOS 84:12

¡Tucuita Mandac Dioslla, canpi shunguta churaccunaca maimi cushicunga!

ISAÍAS 2:5

¡Jacobopac huasi ucupuracuna shamuichic! ¡Mandac Diospac luzpi purishunchic!

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

ISAÍAS 28:5

Chai punzhapica tucuita Mandac Diosca pai acllashcapuramanta saquirishcacunapacca sumaimana achic nicuc corona shina, umapi churarina diadema shinami canga.

ISAÍAS 30:26

Mandac Dios pai acllashcacunata huatachishpa jambicui punzhapica, quillaca inti shinami achicyachinga. Cutin intica canchis cutin yallitami achicyachinga.

ISAÍAS 41:16

Cancuna huairachicpica, huairami apanga. Acapana huairami caita chaita apanga. Ashtahuanpish cancunaca Mandac Dios-huanmi cushicunguichic. Israelcunapac jucha illac Dios-huanmi yallita cushicunguichic.

ISAÍAS 45:25

Mandac Dios ñucahuanmi israelcunaca atinga. Huahua huahuacunapish alli nishcami canga» ninmi.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 60:1

¡Sión llactalla, jatariyari! ¡Achicyachiyari! Canta achicyachic luzca ñami shamushca. Cambac jahuapica Mandac Diospac achic nicucmi achicyachicun.

ISAÍAS 9:2

Tutapi causaccunaca jatun luztami ricurca. Huañunalla llandupi causaccunataca luzmi achicyachirca.

ZACARÍAS 2:5

Ñucaca Jerusalén muyundi nina rupacuc pirca shinami casha. Ñucapac sumaimana achic nicuctami Jerusalén chaupipi ricuchisha. Chaitaca Mandac Dios ñucami nini” ninmi ningui» nirca.

ZACARÍAS 2:9

Mandac Diosca: «Ñuca cancunata piñashpa, llaquichicpica, quiquin serviccunallatacmi ima charishca quichushpa llaquichinga» ninmi. Chashna ruhuacpimi, ñucataca Mandac Dios cachashcata yachanguichic.

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

DEUTERONOMIO 10:21

Cancuna alli nina Diosmi. Paica cancunamantami jatun mancharinacunata ruhuarca. Chaitaca cancunapac ñahuihuanmi ricurcanguichic. Paica cancunapac Diosmi.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.

APOCALIPSIS 22:5

Mandac Diosllatac achicyachicucpimi, tutaca ña mana tiyanga. Shina cacpimi intipish, achicyachic lamparapish achicyachingapacca mana tiyana can. Shinallatac paicunaca huiñai huiñaitami mandangacuna.