ISAÍAS 60:18 - Dios Rimashcata Quillcashcami

¹⁸ Cambac llactapica llaquica jaicapi mana uyaringachu. Llaquichishpa tucuchicpish mana tiyangachu. Chaipac randica llacta muyundi pircataca: “Quishpichicmi” nishpami cayangui. Cutin llacta pungu aldabataca: “Diosta alli ninami” nishpami cayangui.

ISAÍAS 60:18 ပူးပေါင်းရင်းမြစ်များ

2 SAMUEL 7:10

Shinallatac ñuca acllashca israelcuna causachunmi shuc llactata acllashpa, tarpushca shina causachun cusha. Chaipimi paicunaca callari punzhapi llaquichishca shina mana pipish llaquichishca causanga.

SALMOS 147:14

Cambac llactapi cushi causaita cushpami, micuchunpish alli trigota mana nicta caran.

ISAÍAS 11:9

Ñucapaclla chicanyachishca urcupica millaita ruhuashpa, tucuchicca mana tiyangachu. Chaica Mandac Diosta ricsina yuyaimi mama cucha yacu jundashca shina, cai pachapica junda canga.

ISAÍAS 2:4

Mandac Diosmi llactacunapi causaccunataca taripanga. Achca gentecunatami jarcashpa rimanga. Chashna ruhuacpimi, paicunapac espadacunataca yapuna rejacunata, lanzacunataca hocescunata ruhuanga. Llactacunapish mana ashtahuan macanacungapac llucshingachu. Macanacunatapish ña mana ashtahuan yachachingachu.

ISAÍAS 26:1

Chai punzhapi Judá llactapi cantashpaca: «Muyundita pircashca llactatami charinchic. Diosmi ñucanchicta quishpichingapac ishcai pircata shina muyundita ruhuarca.

ISAÍAS 26:2

Cashcata ruhuac, Diosta cazuc runacuna yaicuchun llacta pungucunata pascaichic.

ISAÍAS 51:19

Cai ishcai llaquicunami cantaca japirca. Cambac llactaca llaquinayaita tucuchishcami carca. Yarcaipish, jatun macanacuipishmi llaquichirca. ¿Pitac cantaca llaquingayari? ¿Pitac cantaca cushichingayari?

ISAÍAS 54:14

Cashcata ruhuashpami sinchiyachisha. Ima llaquipish mana japingachu. Ima llaquitapish mana manchashpami causangui. Pipish cambacman mana cuchuyangachu.

ISAÍAS 56:5

ñuca huasi pircapimi paipac shutita quillcasha. Chaimi churicunatapish, ushicunatapish yalli alli canga. Chai shutitaca tucui causaipimi jaicapi mana cungaringa.

ISAÍAS 60:11

Llacta pungucunaca punzhantami pascashca canga. Tutapish, punzhapish mana huichcashcachu canga. Shuctac llactamanta ima charishcacunata apamuchun, chai llactacunata jatun mandaccunata cambacman pushachunmi chashnaca pascashca canga.

ISAÍAS 60:17

Broncepac randica curita, fierropac randica cullquita, caspipac randica bronceta, rumipac randica fierrotami apamusha. Can mandanapica cushi causaimi tiyanga. Cashcata ruhuashpa mandacmi tiyanga.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

ISAÍAS 62:10

¡Llacta punguta pasaichicyari! ¡Pasaichicyari! ¡Ñuca acllashcacuna pasachun, ñanta pichaichicyari! ¡Ñanmanta rumicunata anchuchishpa, pugrullata ruhuaichicyari! ¡Tucui gentecuna ricuchun banderata shayachichicyari!

ISAÍAS 62:4

Jaicapi mana “Shitashca llacta” ningachu. Llactatapish mana “Llaquinayaita shitashca llacta” ningachu. Ashtahuanpish Dios munashcami cangui. Cambac llactapish Dios-huan cazarashca huarmi nishcami cangui. Mandac Diospac cuyaica canhuanmi canga. Llactaca paihuan cazarashca shinami canga.

ISAÍAS 62:7

¡Jerusalenta cutin shayachishpa, cai pachapi causaccunapac alli nishca ningacaman ama samaringuichicchu!

EZEQUIEL 42:20

Chashnami chuscu ladotatac medirca. Chai pircaca largomanpish, anchomanpish ishcai patsac pichca chunga metromi carca. Chai pircami Diospaclla huasihuan, gentecuna purina pambahuan chicanyachic carca.

MIQUEAS 4:3

Mandac Diosmi achca gentecunatapish taripanaga. Sinchi llactacunatapish, caru llactacunatapish allichinga. Chaimantami espadacunataca yapuna rejacunata, cutin lanzacunataca hocescunata ruhuanga. Shinallatac llactacunapura piñanacushpa, jatun macanacuipish, macanacuita yachachinapish mana ashtahuan tiyangachu.

SOFONÍAS 3:19

Chai huatapica cancunata tucui llaquichiccunatami llaquichisha. Shinallatac suchucunataca quishpichishami. Chingarishca oveja shina puriccunatapish tandachishami. Cancunata pingaichishca llactacunapica tucuipac alli nishca, tucuipac ricsishcatami ruhuasha.

ZACARÍAS 2:5

Ñucaca Jerusalén muyundi nina rupacuc pirca shinami casha. Ñucapac sumaimana achic nicuctami Jerusalén chaupipi ricuchisha. Chaitaca Mandac Dios ñucami nini” ninmi ningui» nirca.

ZACARÍAS 2:9

Mandac Diosca: «Ñuca cancunata piñashpa, llaquichicpica, quiquin serviccunallatacmi ima charishca quichushpa llaquichinga» ninmi. Chashna ruhuacpimi, ñucataca Mandac Dios cachashcata yachanguichic.

ZACARÍAS 9:8

Ñucaca pipish ama llucshichun, ama yaicuchunmi carpa huasita muyundita cuidashpa shayacusha. Cunan ñuca ñahuihuan ricushpa, cuidacucpica, llaquichiccunaca mana ashtahuan yaicui pudingachu.