ISAÍAS 60:17 - Dios Rimashcata Quillcashcami

¹⁷ Broncepac randica curita, fierropac randica cullquita, caspipac randica bronceta, rumipac randica fierrotami apamusha. Can mandanapica cushi causaimi tiyanga. Cashcata ruhuashpa mandacmi tiyanga.

ISAÍAS 60:17 ပူးပေါင်းရင်းမြစ်များ

1 REYES 6:30

Chai huasi ucu pambatapish, canzha ladotapish curihuanmi taparca.

SALMOS 147:14

Cambac llactapi cushi causaita cushpami, micuchunpish alli trigota mana nicta caran.

SALMOS 72:3

Urcucunapish can acllashcacunamanca sumacta cushilla causaitami cunga. Lomacunaca cashcata ruhuanatami cunga.

ISAÍAS 1:26

Utcapi shinallatacmi alli juezcunata, allita cunaccunata churasha. Chashna ruhuacpimi: “Cashcata ruhuac, Diosta alli cazuc llactami” ningacuna.

ISAÍAS 30:26

Mandac Dios pai acllashcacunata huatachishpa jambicui punzhapica, quillaca inti shinami achicyachinga. Cutin intica canchis cutin yallitami achicyachinga.

ISAÍAS 55:13

Zarzapac randica ciprés, cutin chinipac randica, arrayanmi huiñanga. Chaicunami Mandac Dios ñucapac shuti jatun cashcata ricuchinga. Jaicapi mana tucuric huiñai huiñaita ricuchicmi canga» ninmi.

ISAÍAS 60:16

Shuc huahua lecheta chuchuc shinami, shuctac llactacunamanta imacunata chasquishpa causangui. Mama chuchuchic shinami, jatun mandaccunaca imatapish caranga. Shina ruhuacpimi, Mandac Diosca quishpichic cashcata, Jacobota sinchiyachic cashcata yachangui.

ISAÍAS 60:18

Cambac llactapica llaquica jaicapi mana uyaringachu. Llaquichishpa tucuchicpish mana tiyangachu. Chaipac randica llacta muyundi pircataca: “Quishpichicmi” nishpami cayangui. Cutin llacta pungu aldabataca: “Diosta alli ninami” nishpami cayangui.

DANIEL 11:20

Chai jatun mandacpac randi shuctac mandac shamushpami, pai mandana llactata sumacta ruhuangapac impuestota japichun mandanga. Shina cashpapish asha punzhacuna quipaca chai mandacca pipish mana macacpi, manapish huañuchicpimi tucuringami.

HAGEO 2:8

Curipish, cullquipish ñucapacmi. Chaitaca imatapish ruhuac Mandac Dios ñucami nini.

ZACARÍAS 12:8

Chai punzhapica Mandac Dios ñucami Jerusalenpi causaccunataca cuidasha. Chaimantami paicunapuramanta maijan fuerza illacca jatun mandac David shina sinchi canga. Cutin Davidpac huahuapuramantaca Dios shina, Mandac Dios ñucapac ángel shinami, paicunapac ñaupapica canga.

HEBREOS 11:40

Chaica, Diosca ñucanchicpish paicuna shinallatac ama juchanchishca cachunmi, ashtahuan allita ruhuashca.

2 PEDRO 3:13

Shina cashpapish ñucanchicca Dios cusha nishca mushuc jahua pachata, mushuc cai pachatami shuyacunchic. Chaipimi imapish cashcatac ruhuashpa causashun.