ISAÍAS 6:5 - Dios Rimashcata Quillcashcami

⁵ Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

ISAÍAS 6:5 ပူးပေါင်းရင်းမြစ်များ

GÉNESIS 32:31

Jacoboca ña inti llucshimucucpimi, Peniel pambamantaca pasarca. Paica changa mucu nanaihuan cashpami, suchu suchulla ricurca.

SALMOS 24:10

¿Pitac achic nicuc Jatun Mandacca? ¡Paica tucuita ruhuac Mandac Diosmi! ¡Paica achic nicuc Mandac Diosmi!

ÉXODO 24:10

israelcunata Mandac Diosta ricurca. Paipac chaqui ucupica jahua pacha achic nicuc shina, zafiro rumihuan allichishcami carca.

ÉXODO 3:6

Ñucaca cambac taita Abrahampac, Isaacpac shinallatac Jacobopac Diosmi cani— nirca. Chaimantami Moisesca Diosta ricunata manchashpa paipac ñahuita taparirca.

ÉXODO 33:20

Shina cacpipish, ñucapac ñahuitaca mana ricui pudinguichu. Maijanpish ñucapac ñahuita ricushpaca, mana causangachu— nirca.

ÉXODO 4:10

Chaimantami Moisesca Mandac Diostaca: —Ñucata Mandac Dioslla, ñucaca alli rimacca jaicapi mana cashcanichu, cunanpish mana alli rimacchu cani. Ñucaca callu huataricunillami— nirca.

ÉXODO 6:12

Shina nicpimi, Moisesca Mandac Diostaca: —Israelcunapish mana uyacpica, ¿ima shinatac Faraoncarin uyangayari? Ñucaca mana alli rimacchu cani— nirca.

ÉXODO 6:30

Chashna nicpimi, Moisesca Mandac Diostaca: —Ñucaca mana alli rimacchu cani. ¿Maitatac Faraonca ñuca nishcataca uyangayari?— nirca.

ISAÍAS 24:16

Cai pachapi causaccunaca: «¡Cashcata ruhuactaca sumaimanami cangui nichicyari!» nishpa cantashcatami uyarcanchic. Chaita uyashpami ñucaca: «¡Aij, ñucaca llaquipimi cani!» nircani. Mana cazushpami ñucataca llaquichin. Urmachic runacunami ñucataca urmachin.

ISAÍAS 29:13

Chaimantami Mandac Diosca: «Cai gentecunaca shimillahuanmi ñucataca mañan. Jahua shimillahuanmi alli nincuna. Ashtahuanpish paicunapac shunguca ñucamanta carupimi. Shinallatac runacuna yachachishcata catishcallamantami ñucataca manchan.

ISAÍAS 33:17

Cambac ñahuihuanmi Jatun Mandactaca sumaimana tiyacucta ricungui. Llactatapish mai carucaman cashcatami ricungui.

ISAÍAS 59:3

Cancunapac maquica huañuchishca yahuarpi cahuirishcami. Cancunapac dedocunaca millaita ruhuashpami mapayashca. Cancunapac shimica llullallatami riman. Cancunapac calluca mana allillatami parlan.

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

JEREMÍAS 1:6

Shina nicpimi ñucaca: «Mandac Dioslla, ñucaca cunan huiñaillami cani. Rimanatapish mana alli yachanichu» nircani.

JEREMÍAS 51:57

Paicunata mandaccunatapish, jatun yachaccunatapish, llactapi mandaccunatapish, soldadocunata mandaccunatapish, tucui sinchi runacunatapish machachishami. Chashna machachicpica, huiñaita mana riccharishpami, sueñucungalla. Chaitaca Jatun Mandacmi nin. Paica tucuita Mandac Dios shutimi.

EZEQUIEL 12:2

«Huañunalla runa, canca mana cazuccunapac chaupipimi causacungui. Paicunaca mana cazuccuna cashpami, ñahuita charishpapish mana ricun, ringrita charishpapish mana uyan.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

DANIEL 9:20

Ñucaca, ñucata Mandac Diospac ñaupapi ñuca juchacunata, israelcunapac juchacunata huillashpa, Diospaclla urcumanta mañacurcanimi.

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.

NÚMEROS 17:12

Chaimantami israelcunaca Moisestaca: «Riqui, ¡ñucanchicca huañugrinchicmi! ¡Chingarishcami canchic! ¡Tucui ñucanchicmi chingarishca canchic!

JUECES 13:22

Shina yachashpami Manoaca paipac huarmitaca: —¡Ñucanchicca Diostami ricushcanchic. Cunanca huañushunmi!— nirca.

JUECES 6:22

Gedeón Mandac Diospac ángel cashcata yachac chayashpaca: —¡Taita amitolla! ¡Mandac Diospac angeltami ñahui ñahui ricushcani! ¿Cunanca huañushami?— nirca.