ISAÍAS 6:13 - Dios Rimashcata Quillcashcami

¹³ Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.

ISAÍAS 6:13 ပူးပေါင်းရင်းမြစ်များ

GÉNESIS 22:18

Ñuca nishcata pactachishcamantaca canmantami tucui cai pachapi causaccuna bendiciashca canga” ninmi— nirca.

ESDRAS 9:2

Chashna cashpami paicunapish, paicunapac churicunapish, caipi causaccunapac ushicunahuan cazarashca. Chashnami jucha illac gentecunaca shuctac llacta gentecunahuan cazarashpa chapurishcacuna. Israel llactata mandaccunarac, quipa mandaccunaracmi millaita ruhuai callarishca» nishpa huillarca.

ESDRAS 9:8

Ashtahuanpish cunanca ñucanchicta Mandac Dioslla, maijancunallatapish llaquichishpa, llaquimanta llucchishpa, imata mana manchashpa, cambac huasipi allita causachunmi llucchishcangui. Ñucanchic Dioslla, shuccunata servishpa causacucpi, samachingapacmi ñahuita pascac shina, sumac punzhata ñucanchicman ricuchishcangui.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

ISAÍAS 11:1

Isaimantaca shuc yura retoñac shinami, shuc jatun mandac llucshinga.

ISAÍAS 4:3

Shinallatac Sionpi, Jerusalenpi saquirishcacunaca Diospaclla chicanyachishca nishcami canga. Jerusalenpi saquirishcacunapac shutita quillcashcami canga.

EZEQUIEL 6:8

Jatun macanacuipi mana huañushpa, saquiriccunaca caita chaita rishpami, tucui llactacunapi causanga.

AMÓS 5:3

Mandac Diosca israelcunataca: «Macanacungapac huaranga runacunahuan llucshishpaca, patsacllahuanmi cutinga. Cutin patsac runacunahuan llucshishpaca, chungallahuanmi cutimunga» ninmi.

MIQUEAS 5:6

Paicunami Nimrod llactatapish, Asiria llactatapish jatun macanacuita cachashpa tucuchinga. Chashnami ñucanchic llactaman shamushpa, Asiriocunapac maquimanta quishpichinga.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

ZACARÍAS 13:8

Cai llactapi causaccunaca quimsa partepi chicanyachishcaca caillapitacmi huañushpa chingaringa. Ashtahuanpish caishuc quimsa partepi chicanyachishcallami puchunga.

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

MARCOS 13:20

Chai llaqui punzhacunata Dios mana ashata chaupicpica, pipish mana causai pudinmanchu. Ashtahuanpish Diosca pai acllashcacunata cuyashcamantami, chai llaqui punzhacunataca chaupisha nishca.

ROMANOS 9:5

Paicunaca ñucanchic ñaupa taitacunapac huahua huahuacunami. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

DEUTERONOMIO 28:62

Mandac Dios rimashcata mana uyashcamantami jahua pacha lucerocuna shina, achca cashpapish ashalla saquiringuichic.

DEUTERONOMIO 7:6

Cancunaca Mandac Diospaclla chicanyachishcami canguichic. Mandac Diosca tucui cai pachapi causaccunamanta ashtahuan alli gentecuna cachunmi acllarca.