ISAÍAS 6:12 - Dios Rimashcata Quillcashcami

¹² tucui caipi causaccunata ñuca shuctac llactaman prezu cachacpi, cai llacta shitashca pamba saquiringacamanmi chashnaca casha.

ISAÍAS 6:12 ပူးပေါင်းရင်းမြစ်များ

2 REYES 25:11

Soldadocunata mandac Nabuzaradanca chai pueblopi maijan saquirishca gentecunatapish, Babilonia llactata jatun mandac-huan tucushca gentecunatapish, huaccha gentecunatapish prezumi aparca.

2 REYES 25:21

Chaipimi Babilonia llactata jatun mandacca Hamat llactapi huañuchirca. Chashnami Judá llactapi causaccunataca paicunapac llactamanta caruman prezu aparca.

ISAÍAS 13:12

Gentecunataca Ofir llactamanta apamushca sumac curita shinami, ashallata saquisha.

ISAÍAS 26:15

Mandac Dioslla, can acllashcacunataca ashtahuanmi mirachircangui. Chashna mirachishpami, canca yallita alli nishca cangui. Cai pacha tucuricamanmi jundachircangui.

ISAÍAS 5:9

Tucuita Mandac Dios ringripi rimashpaca: “Chai achca sumac huasicunapica pi mana causangachu. Chaicunaca llaquinayaitami shitashca saquiringa.

JEREMÍAS 12:7

Ñuca acllashcacunatapish, ñuca acllashca llactatapish shitarcanimi. Ñuca yallita cuyashcacunataca paicunata piñaccunapac maquipimi churarcani.

JEREMÍAS 15:4

Paicunataca Ezequiaspac churi, Judá llactata jatun mandac Manasés Jerusalenpi mana allita ruhuashcamantami yallita llaquichisha. Chaita, shuctac llactacunata mandaccuna ricushpaca mancharingami” nini.

JEREMÍAS 4:29

Caballopi montac soldadocunapish, flechata cacharic soldadocunapish yallita tulun nishpa shamucucta uyashpami llactapi causaccunaca jatun sachacunapi, rumi quingraicunapi miticunga. Tucui llactacunata shitashpa rishcamantami shucllapish mana tiyanga.

JEREMÍAS 52:27

Hamat llactapi tiyac Ribla llactaman chayachicpimi, Babilonia llactata jatun mandacca espadahuan huañuchichirca. Chashnami tucui Judá gentecunaca paicunapac llactamanta prezu rircacuna.

LAMENTACIONES 5:20

¿Imamantatac ñucanchictaca huiñaita cungaringui? ¿Imamantatac unaita shitashpa saquingui?

SOFONÍAS 1:3

Gentecunatapish, animalcunatapish, volac animalcunatapish, mama cuchapi causac challuacunatapish, ñucata mana manchaccunatapish, cai pachapi causac gentecunatapish, tucuitami chingachisha.

ROMANOS 11:15

Israelcunata Dios shitacpi, tucui cai pachapi causaccuna Diospacman cuchuyashca cacpi, ¡israelcuna Dios chasquicpicarin, huañushcacuna causarishca shinami canga!

DEUTERONOMIO 28:64

Mandac Diosmi cancunataca cai pacha callari llactamanta tucuri llactacaman tucui llactacunata shic-huashpa cachanga. Chaipica caspimanta, rumimanta ruhuashca, cancunapac taitacunapish mana ricsishca dioscunatami adoranguichic.