ISAÍAS 59:8 - Dios Rimashcata Quillcashcami

⁸ Cushilla causanataca mana yachanchu. Paicunapac causaipica cashcata ruhuanapish mana tiyanchu. Paicuna purina ñancunapish huishtumi. Maijanpish chai ñanta puricca cushi causaitaca mana ricsingachu.

ISAÍAS 59:8 ပူးပေါင်းရင်းမြစ်များ

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!

PROVERBIOS 2:13

Chai runacunaca amsa ñanta puringapacmi alli ñancunataca saquincuna.

PROVERBIOS 2:15

Paicunaca mana alli ñantami purincuna. Paicunaca pandatami causancuna.

PROVERBIOS 21:8

Jatun mana allita ruhuac runapac causaica pandaripac, mana ricsishca ñan shinami. Ashtahuanpish allicunallata ruhuacpacca imata ruhuashcapish allimi.

PROVERBIOS 28:18

Allita ruhuashpa causac runaca ima llaquimantapish quishpiringami. Ashtahuanpish mana allita ruhuashpa causac runaca llaquipimi urmanga.

PROVERBIOS 3:17

Paipac ñancunaca sumac cushilla purina ñancunami.

ISAÍAS 48:22

Mandac Diosca: «Millaicunamanca mana cushi causaica tiyanchu» ninmi.

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

ISAÍAS 59:11

Tucui ñucanchicmi osocuna shina huacacunchic. Palomacuna shina, llaquillata huacacunchic. Cashcata ruhuachun shuyacucpica, pi cashcata ruhuacca mana tiyanchu. Quishpichicca ñucanchicmanta carupimi.

ISAÍAS 59:9

Chaimantami cashcata ruhuashpa quishpichinapish ñucanchicmanta caruyashca. Allita ruhuanapish mana ñucanchicpacman cuchuyanchu. Achiclla punzhata shuyacucpica, pura tutami shamun. Achicta shuyacushpapish, tutapi shinami purinchic.

ISAÍAS 65:2

Punzhantami mana cazushpa, quiquin munashca ruhuashpa causac gentecunataca maquita chutashpa cayarcani.

JEREMÍAS 5:1

Mandac Diosca: «Cunanca, Jerusalén ñancunapi purishpa alli ricuichic. ¿Cashcata ruhuac, allita mashcac runaca tiyanchu? Plazacunapi mashcaichic. Shuc runallapish allita ruhuac tiyacpica, Jerusalentaca quishpichishami.

SAN MATEO 23:23

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca mentatapish, anistapish, cominotapish patsacmanta chungatami cunguichic. Chashna cashpapish Dios mandashcacunatapish, cashcata ruhuanatapish, llaquic canatapish, Diosta crinatapish cungaringuichicmi. Caicunatami ashtahuan ruhuana canguichic. Ofrendata cunatapish mana saquinachu canguichic.

SAN LUCAS 1:79

Amsapi causaccunatapish, purapi huañunalla causaccunatapish achicyachishpami, ñucanchicta sumac causai ñanta pushangami» nirca.

ROMANOS 3:17

Cushi causaitaca mana ricsincunachu.