ISAÍAS 59:3 - Dios Rimashcata Quillcashcami

³ Cancunapac maquica huañuchishca yahuarpi cahuirishcami. Cancunapac dedocunaca millaita ruhuashpami mapayashca. Cancunapac shimica llullallatami riman. Cancunapac calluca mana allillatami parlan.

ISAÍAS 59:3 ပူးပေါင်းရင်းမြစ်များ

PROVERBIOS 6:17

Jatun tucushpa puricta, llulla calluta, mana faltayuc runata huañuchishpa yahuarta jichacta,

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

ISAÍAS 1:21

Diosta alli cazuc llactalla, ¿ima nishpatac cullquimanta huainayac huarmi shina, tucurcanguiyari? Chaipica tucuimi cashcata ruhuaccuna, imatapish allita ruhuaccuna causarca. ¡Ashtahuanpish cunanca huañuchiccunallami causan!

ISAÍAS 28:15

Cancunaca: «Ñucanchicca huañuihuanpish, Seolhuanpish ari ninacurcanchicmi. Ñucanchictaca llullami miticuna huasi shina jarcacun. Chaimanta yacu jataric shina, shamushpapish ñucanchictaca mana llaquichingachu. Llullana huasipimi miticushun» nircanguichic.

ISAÍAS 3:8

Jerusalenca tucuimi tucurishca. Judá llactapish urmashcami. Paicunaca mana allita rimashpa, mana allita ruhuashpami poderyuc Mandac Diosta piñachirca.

ISAÍAS 30:9

Cai gentecunaca mana cazuc, llullaccunami. Mandac Dios mandashcatapish uyanata mana munaccunachu.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

ISAÍAS 9:15

Umaca pushac yuyaccuna, alli nishca runacunami. Chupaca llullashpa yachachiccunami.

JEREMÍAS 2:30

Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

JEREMÍAS 2:34

Cambac churanaca huacchacunapac yahuarhuan, mana faltayuccunapac yahuarhuanmi cahuirishca. Paicuna mana allita ruhuashcataca mana tarircanguichu. Shina cashpapish,

JEREMÍAS 22:17

Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

JEREMÍAS 7:8

Cancunaca yanga llulla parlocunapimi shunguta churashpa causacunguichic.

JEREMÍAS 9:2

¡Ñuca llactapi causaccunamanta caruyashpa, shitashca pambata ricucpi, ñucaman pozanata cushpachari alli canman! Paicunaca huainayaccunami, tandanacushpa millaita ruhuaccunami.

JEREMÍAS 9:7

Chaimantami tucuita Mandac Diosca: «Ñuca llactapi causaccunataca, ¿imatatac ashtahuan ruhuasha? Curita ninapi rupachishpa chuyayachic shinami, paicuna ima shina cacta ricugrini.

EZEQUIEL 13:8

Chaimantami Mandac Dios ñucaca: “Cancuna yangata rimashcamanta, llullashcamantami llaquichisha.

EZEQUIEL 22:2

«Huañunalla runa, chai pueblopi causac huañuchic runacunataca, ¿manachu juchanchigringui? Paicuna millaita ruhuashcataca, ¿manachu ricuchigringui?

EZEQUIEL 35:6

Ñuca shutipimi nini: Canca huañunatacmi cangui. Huañuchiccunami cantaca catinga. Canca huañuchinata mana mancharcanguichu. Chaimantami cantapish huañuchinata mana manchanga.

EZEQUIEL 7:23

Caipi causaccunaca llaquichina yuyai jundami, cai llactapi causaccunaca huañuchina yuyaillami. Chaimanta canca fierro cadenata ruhuangui.

EZEQUIEL 9:9

Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.

OSEAS 4:2

Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.

OSEAS 7:13

¡Ñucamanta anchuriccunalla, imachari tucunga! ¡Ñucata mana cazushcamantaca yalli llaquimi japinga! Ñucaca paicunata quishpichimanmi, ashtahuanpish paicunaca ñucata llaquichishpami llullan.

OSEAS 7:3

Paicunaca millaita ruhuashpami jatun mandacta cushichin. Cutin llullashpaca caishuc mandaccunatami cushichin.

MIQUEAS 3:4

Shina ruhuashpapish Mandac Diosta mañanguichicmi. Cancuna mañacpica, paica mana uyangachu. Cancuna juchacunata ruhuashpa causacushcamantami llaqui punzhacunapica, paipac ñahuitaca cancunamanta pacanga» nircani.

MIQUEAS 6:12

Chashnami chai llactapi causaccunaca yallita llaquichishca. Paicunaca llullaccunami. Calluca llullashpa umangapacllami.

MIQUEAS 7:2

Cai pachapica llaquicpish, cashcata ruhuacpish mana tiyanchu. Tucui runacunami huañuchinata munan. Tucui runacunami shuctac runacunata huañuchingapac tucllata churan.

SAN MATEO 27:4

Paica: —Mana faltayuc runata japichishpaca, juchallishcanimi— nirca. Chashna nicpimi paicunaca: —Ñucanchicmanca, ¿imatac curinyari? Chaitaca canchari ricungui— nirca.

1 TIMOTEO 4:2

mishqui shimi jayac shungu, llullaccuna, ima nishcata uyashpami crishcatapish saquishpa ña mana catishun ningacuna. Chai gentecunaca shungupi diablo unanchishcamantami ima allita ruhuana yuyaitapish mana charincuna.