ISAÍAS 59:20 - Dios Rimashcata Quillcashcami

²⁰ Mandac Diosca: «Sión urcumanmi quishpichicca shamunga. Millaita ruhuanata saquishca Jacobopac huahua huahuacunapacmanmi shamunga» ninmi.

ISAÍAS 59:20 ပူးပေါင်းရင်းမြစ်များ

JOB 19:25

Ñucata quishpichic Dios causacushcataca yachanimi. Ñuto allpamanta jatarina cashcatapish yachanimi.

ISAÍAS 10:21

Jacobopac huahua huahuapuramanta saquirishcacunaca jatun poderyuc Diospacmanmi cutiringa.

ISAÍAS 10:22

Israelcunaca, mama cucha patapi tiyac tiyu shina achca cashpapish maijancunallami cutiringa. Mandac Diosca paicunata llaquichinata yuyarishcami. Cashcata ruhuashpami llaquichinga.

ISAÍAS 40:9

Alli huillaita huillac Sión urculla, jatun lomaman huichai riyari. Alli huillaita huillac Jerusalén llactalla, sinchita caparishpa huillaiyari. Judá llactapi tiyac llactacunapi causaccunata sinchita caparishpa: «¡Cancunapac Diosta ricuichic. Paica caipimi!» nichicyari.

ISAÍAS 60:16

Shuc huahua lecheta chuchuc shinami, shuctac llactacunamanta imacunata chasquishpa causangui. Mama chuchuchic shinami, jatun mandaccunaca imatapish caranga. Shina ruhuacpimi, Mandac Diosca quishpichic cashcata, Jacobota sinchiyachic cashcata yachangui.

ISAÍAS 62:11

Mandac Diosca tucui cai pacha tucuri punzhacunapi causaccunataca: «Sión urcupi causaccunataca: “¡Cancunata quishpichicca ñami shamun! ¡Cancunaman cunatami apamun! ¡Pai ruhuashcacunaca ñaupashpami shamun!” nishpa huillaichic» nirca.

DANIEL 9:13

Moisés mandashpa quillcachishca shinaca, cai tucui llaquicuna ñucanchicta japicpipish Mandac Diosta mana mañashcanchicchu. Cashcata nic rimashcatapish mana uyashcanchicchu. Millaita ruhuanatapish mana saquishcanchicchu.

JOEL 2:32

Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

HECHOS 26:20

Chaimantami puntaca Damasco pueblopi, Jerusalén pueblopi, tucui Judea llactacunapi huillarcani. Mana israelcuna llaquirishpa, Diosman cutirishpa, allita causachunmi huillarcani.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

HECHOS 3:26

Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.