ISAÍAS 59:17 - Dios Rimashcata Quillcashcami

¹⁷ Cashcata ruhuanataca fierro churanata shina, quishpirinataca cascota shinami, umapi churarirca. Paita mana cazushca shinallatac llaquichinataca churanata churaric shinami churarirca. Yallita cuyaihuanmi jahualla churaric shina taparirca.

ISAÍAS 59:17 ပူးပေါင်းရင်းမြစ်များ

JOB 29:14

Ñucaca churanata churaric shinami cashcata ruhuashpa causarcani. Chaimi ñucataca pilluchirca. Ñucapac jahualla churana shinaca, allita ruhuanami carca.

SALMOS 69:9

Canta mañana huasita yallita munashpami huañucuni. Canta rimashcacunaca ñucatami llaquichin.

SALMOS 94:1

Mandac Dioslla, ima shina llaquichishca shinallatac llaquichic Diosmi cangui. Ima shina llaquichishca shinallatac llaquichishpa ricuchiyari.

ISAÍAS 11:5

Cashcata ruhuanahuanmi chumbillishca shina canga. Cutin pactachic canaca paipac cintura shinami canga.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

ISAÍAS 37:32

Maijan saquirishcacunaca Jerusalenmanta, Sión urcumantami llucshinga. ¡Tucuita Mandac Dios yallita cuyashcamantami chaitaca pactachinga!

ISAÍAS 42:13

Mandac Diosca sinchita macanacuc jatun soldado shinami, tucuchina yuyaihuan shayaringa. Paita piñaccunahuanca caparishpa, sinchita rimashpami manchachishpa mishanga.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

ISAÍAS 63:15

Jahua pachamanta ñucanchicta ricuiyari. Can causana, cambaclla sumaimana huasimanta chapaiyari. ¿Maipitac cambac jatun cuyaica? ¿Maipitac cambac poderca? ¿Maipitac ñucanchicta tucui shunguhuan llaquichicca? ¿Manachu llaquingui?

ISAÍAS 63:2

¿Imamantatac churanaca puca? ¿Imamantaca uvaspi sarushca shina puca?

ISAÍAS 63:3

Ñucallami uvasta cutanapica uvasta sarucurcani. Gentepuramanta pi mana ñucahuan carcachu. Yallita piñarishpami sarucurcani. Chashna sarucucpimi, ñuca churanapi paicunapac yahuar chiraparishpa, tucui churanata cahuirca.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

EZEQUIEL 5:13

Chashnami ñuca yallita piñarishcataca paicunata llaquichishpa pasachisha. Chashna llaquichishpa, shungupi cushicucpimi, Mandac Dios ñucaca ñucapaclla cachun munac cashcataca yachanga.

ZACARÍAS 1:14

Chaimantami ñucahuan parlacuc angelca: «Mandac Diosca: “Jerusalentapish, Sión urcutapish ñucapaclla cachunmi munarcani.

SAN JUAN 2:17

Chaimantami Jesuspac yachacuccunaca: “Diosta mañana huasitaca yallitami cuyani” nishpa, Dios quillcachishcapi David nishcata yuyarirca.

2 CORINTIOS 6:7

Chashnatac cashcata huillashpa, Diospac poderhuan imatapish ruhuashpa, macanacungapacpish, misaringapacpish cashcata ruhuashpami causanchic.

EFESIOS 6:14

Shina cashpaca, cashcata nic huillashcahuanca chumbillishca shina sinchi caichic. Imatapish cashcata ruhuanataca, shunguta pacac fierro churanata churaric shina churashca caichic.

EFESIOS 6:17

Umata jarcachun cascota umapi churarishca shina, quishpirishca cashcataca yuyaichic. Shinallatac Diospac Espíritu cushca Dios rimashca shimitaca espadata shinata charichic.

1 TESALONICENSES 5:8

Ashtahuanpish ñucanchicca punzhapac cashcamantaca, alli yuyaihuanmi catina canchic. Fierro churanata churaric shinaca, Apunchic Jesusta crishpa, cuyaihuan causanami canchic. Umapi fierro cascota churaric shinaca, quishpirina yuyaihuanmi shuyana canchic.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

HEBREOS 10:30

Mandac Diosca: «Ñucami llaquichiccunataca llaquichisha. Ñucami paicuna japina cashcata cusha» ninmi. Shinallatacmi: «Ñuca huahuacunataca ñucami taripasha» ninmi. Chaitaca yachanguichicmi.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.