ISAÍAS 58:7 - Dios Rimashcata Quillcashcami

⁷ Yarcaihuan caccunaman caranami canguichic. Huasita mana chariccunata pozachinami canguichic. Churana illaccunaman churachinami canguichic. Cambac huauquita ayudanami canguichic.

ISAÍAS 58:7 ပူးပေါင်းရင်းမြစ်များ

GÉNESIS 19:14

Chaimanta Lot llucshishpa, paipac ushicunahuan cazaragricuc yernocunataca: —¡Mandac Diosca cai llactata llaquichigrinmi! Chaimanta jatarichic, llucshichic— nirca. Shina nishcaca paipac yernocunamanca burla shinallami carca.

GÉNESIS 19:2

Chashna cumurishpaca: —Ñuca amitocunalla, cancunata servic ñuca huasipi pacaringapac shamuichic, chaipi chaquitapish jahuanguichic. Cayaca ñanta catishpa ringuichicllami— nirca. Shina nicpimi angelcunaca: —Mana, cunan tutaca canzhallapimi pacarishun— nirca.

2 CRÓNICAS 28:15

Chai quipaca shutipi cayashpa churashca mandaccunami, prezu apamushcacunata pushashpa paicunapurapi maijan churana illaccunaman churachirca. Paicunamanca chaquipipish churachirca, cararca, ubiachirca, shinallatac chugricunata aceitehuan jambishpami, mana puric pudiccunataca burrocunapi montachishpa, palmera yuracuna tiyac Jericó pueblocaman, paicunapac huauquicunapacman pusharca. Chai quipaca Samaria pueblomanmi cutircacuna.

NEHEMÍAS 5:5

Ñucanchic huauquicuna shinallatac cashpapish, ñucanchic huahuacunapish cancunapac huahuacuna shina cacpipish ñucanchic churicunata, ushicunatami catushca shina, servishpa causachun catushcanchic. Ñucanchic ushicunamanta maijancunaca ñami catushca shina servicun. Allpacunapish, uvas chagracunapish, ña shuccunapac cashcamantami ñucanchic ushicunataca cutin randishpa mana cutichimui pudinchic» nircacuna.

JOB 22:7

Shaicushca runamanpish mana yacuta curcanguichu. Yarcachicucpipish mana micunata cararcanguichu.

SALMOS 112:9

Pai charishcacunataca huacchacunamanmi chaupishpa cun. Cashcata ruhuanataca manatac saquinchu. Paica tucuipac ricsishca jatun nishcami canga.

PROVERBIOS 11:17

Pitapish llaquic runaca paipac shungumanmi allita ruhuan. Ashtahuanpish yallita llaquichic runaca paillatacmi llaqui tucun.

PROVERBIOS 22:9

Cuyac shunguhuan ricuc runaca bendiciashcami canga. Huacchacunaman carashcamantami chashnaca canga.

PROVERBIOS 24:11

Huañuiman apashcacunata quishpichingui. Ña huañunalla chucchushpa puriccunatapish quishpichingui.

PROVERBIOS 25:21

Canta piñac runa yarcachicpica, micunata carangui. Yacunayaihuan cacpica, yacuta ubiachingui.

PROVERBIOS 28:27

Huaccha runaman carac runaca mana imapish illacchu causanga. Ashtahuanpish mana ayudasha nishpa ñahuita pacac runaca yallita mana alli nishcami canga.

ISAÍAS 58:10

yarcaihuan caccunaman caracpi, shungupi llaquilla causaccunata cushichicpica, pura tuta cashpapish achicyangami. Pura tutaca chaupi punzha shinami canga.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

EZEQUIEL 18:16

pitapish mana llaquichishpa, debimanta prendata mana japishpa, mana shuhuashpa, yarcaihuan caccunaman carashpa, churana illaccunaman churachishpa,

EZEQUIEL 18:7

Pitapish mana llaquichinchu, debimanta prendashcatapish cutichinmi. Mana shuhuanchu, yarcaihuan caccunamanpish caranmi, churana illaccunamanpish churachinmi.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

SAN LUCAS 11:41

Cancunaca imalla charishcata huacchacunaman caraichic. Chashna cushpami jahuashca shina chuyanlla canguichic.

SAN LUCAS 19:8

Zaqueo jatarishpaca: —Apunchic Jesús, ñuca charishcacunamanta chaupitami huacchacunaman cugrini. Maijanmanta umashpa shuhuashcataca chuscu cutin yallihuanmi cutichigrini— nirca.

SAN LUCAS 3:11

Chashna nicpimi Juanca: —Ishcai churanata charicca, shucta mana charicman cuchun. Micunata charicpish chai shinallatac mana charicman cuchun— nirca.

HECHOS 16:15

Chai huarmi paipac tucui familiandi bautizarishpaca: —Apunchic Jesusta ñuca cric cashcata yachashpaca, ñuca huasipi pozaichic— nirca. Chashna nishpami, ñucanchictaca saquichirca.

HECHOS 16:34

Ña bautizarishpaca, paipac huasiman pushashpami, micunata cararca. Paipac tucui familiacunandimi Diosta crishcamanta yallita cushicurca.

ROMANOS 12:13

Criccunapurapi ima illashcata, cushpa ayudaichic. Shuctac llactamanta shamuccunata pozachichic.

DEUTERONOMIO 22:1

Huauquipac huagrata, mana cashpaca ovejata tarishpaca, ama upalla saquinguichu. Chaitaca cutichinami cangui.

1 TIMOTEO 5:10

Paicunaca huahuacunata alli huiñachishca, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuashcacunami cana can.

FILEMÓN 1:7

Cuyashca huauqui, cambac cuyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

JUECES 9:2

«Siquem pueblopi causaccunataca: “¿Jerobaalpac tucui canchis chunga churicuna mandashpachu alli canga? ¿Mana cashpaca shuclla jatun mandac tiyanachu alli canga?” nishpa paicunata cunaichic. Ñuca cancunapac aillupura cashcataca yachanguichicmi» nirca.