ISAÍAS 57:7 - Dios Rimashcata Quillcashcami

⁷ Jatun urcu jahuamanmi cambac camata aparcangui. Chaipimi yanga dioscunaman animalta cushpa huañuchircangui.

ISAÍAS 57:7 ပူးပေါင်းရင်းမြစ်များ

ISAÍAS 57:3

¡Cancuna brujacunapac, huainayaccunapac, cullquimanta huainayaccunapac huahua huahuacunalla, ñucapacman cuchuyaichic!

ISAÍAS 65:7

paicuna mana allita ruhuashcamantapish, cancunapac taitacuna mana allita ruhuashcamantapish llaquichigrini. Paicunaca urcucunapi, lomacunapi inciensota cushnichishpami, ñucataca yallita piñachirca. Chaimantami ñaupa huatacuna imata ruhuashcamantapish paicuna imata ruhuashca shina llaquichisha» ninmi.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

JEREMÍAS 3:2

Urcucunata huichai ricuiyari. ¿Mai pambapitac mana chayarinacurcangui? Cambac cuyashcacunahuan tupangapacmi shitashca pambapi árabe runa chapacuc shina, ñancunapi tiyacurcangui. Chashna chayarinacushpa, yalli mana allita ruhuashpami, tucui llactata mapayachircangui.

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

EZEQUIEL 16:16

Cambac sumac churanacunallahuantacmi lomacunapi altarta ruhuashpa huainayarcangui. ¡Chai shinaca jaicapi mana tucushcachu, manatac tucungachu!

EZEQUIEL 16:24

Lomacunapipish, plazacunapipish altarcunatami ruhuarcangui.

EZEQUIEL 16:25

Tucui ñancunapi altarcunata ruhuashpa, yallita mapayashpami cambac sumac cuerpotaca mapayachircangui. Chashnami tucui chaita pasaccunahuan yallita mapayashpa catircangui.

EZEQUIEL 23:17

Chashnami Babilonia llacta gentecuna shamushpa, paihuan huainayashpa cushicurca. Chai gentecunahuanmi millanayachingacaman huainayashpa mapayarca.

EZEQUIEL 23:41

Allichishca miza ladopi cac sumac tiyarinapimi tiyarirca. Chai miza jahuallapitacmi ñuca inciensotapish, aceitetapish churarca.

EZEQUIEL 6:13

Ruhuashcalla dioscunapac chaupipi, tucui altar muyundipi, lomacunapi, urcucunapi, jatun yura ucucunapi, chai dioscunaman cushpa, rupachina pushtucunapimi paicuna huañushcacunaca siricunga. Shina siricucta ricushpami, ñucataca Mandac Dios cashcata yachanguichic.