ISAÍAS 57:4 - Dios Rimashcata Quillcashcami

⁴ ¿Pitatac burlanguichic? ¿Pitatac calluta yallita llucchishpa burlarcanguichic? Cancunaca, ¿manachu mana cazuc runapac, llulla runapac huahua huahuacuna canguichic?

ISAÍAS 57:4 ပူးပေါင်းရင်းမြစ်များ

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

SALMOS 22:13

León piñarishpa shimita pascac shinami ñucata piñashpa rimancuna.

SALMOS 22:17

Ñuca tucui tullucunapish yupanallami. Chashna ruhuashpaca paicunaca chaparacuncunami.

SALMOS 22:7

Tucui ñucata ricuccunami burlancuna. Paicunaca shimita huishtuyachishpa, umata cuyuchishpaca:

SALMOS 35:21

Ñucata yallita shimita pascashpa rimashpaca: «¡Aja, ñucanchic ñahuihuantacmi ricunchic!» nincuna.

SALMOS 69:12

Pueblo pungupi tandanacushca runacunapish ñucata piñashpami rimarcacuna. Machashcacunapish ñucata mana alli nishpami cantarcacuna.

ÉXODO 9:17

¿Chashna cashca jahuachu ñuca acllashcacunataca jarcashpa mana cacharisha ningui?

ISAÍAS 1:4

¡Aij, juchasapa gentecunalla, juchata aparishca gentecunalla, millaita ruhuaccunapac huahua huahuacunalla, juchayuc runapac churicunalla, Mandac Diosmanta caruyashpami, israelcunapac jucha illac Diostaca mana catisha nishpa, piñachircanguichic!

ISAÍAS 10:15

¿Hachaca yantata chictac runata yallichu canga? ¿Serruchopish cuchuc runataca yallichu canga? ¡Shina cashpaca, tauna caspipish paita apacuc runata apanmanmi! ¡Shinallatac ñañu varapish, racu caspita apanmanmi!

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.

ISAÍAS 30:9

Cai gentecunaca mana cazuc, llullaccunami. Mandac Dios mandashcatapish uyanata mana munaccunachu.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 37:29

Canca ñucata yallita piñarishpami, jatun tucushpa ñuca ringriman uyaricta rimarcangui. Cambac singapica argollata, shimipica frenota churachishpami, can maita shamushca ñanllatatac cutichishpa cachasha” ninmi.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

ISAÍAS 57:5

Cancunaca jatun yuracuna ucupi millana juchacunata ruhuanguichic. Yanga dioscunaman huahuacunata cushpami rupachinguichic. Pambacunapi, jatun rumi ladopimi ruhuashcalla dioscunaman huahuacunata cushpa huañuchinguichic.

JEREMÍAS 20:8

Ñuca caparishpa huacashpaca: «Yalli llaquichinallata, tucurinallatami» huillacuni. Mandac Dioslla, can rimashcata huillacpica, punzhantami rimashpa, pingaichishpa asincuna.

EZEQUIEL 2:4

Ñucami cantaca piña ñahui, sinchi shungu runacunapacman cachani. Paicunataca: «Mandac Diosca cashnami nin» ningui.

OSEAS 10:9

Mandac Diosca: «Israelcunalla, Gabaapi causacui punzhacunamanta pachami juchata ruhuarcanguichic. Chaipimi causashpa caticunguichic. Gabaapi mana allita ruhuaccunataca, ¿manachu macanacuica japinga?

NÚMEROS 16:11

Canpish, canta caticcunapish mana Aarontachu llaquichishcanguichic, ashtahuanpish Mandac Diostami llaquichishcanguichic. ¿Aaronca pitac canyari?— nirca.

SAN MATEO 13:38

Allpa shinaca, cai pachapi causac gentecunami. Alli muyu shinaca, Dios mandacucpi causaccunami. Mana alli quihua shinaca, diablo mandashca causaccunami.

SAN MATEO 27:29

Cashamanta ahuashca coronata umapi churachishpami, shuc taunata alli maquipi charichirca. Chashna nic tucushpalla, paipac ñaupapi cungurishpaca: —¡Israelcunata Jatun Mandac, canca allimari cangui!— nircacuna.

SAN LUCAS 10:16

Jesusca paipac yachacuccunataca: «Cancuna ima nishcata uyacca, ñucatami uyan. Cancunata piñacca, ñucatami piñan. Ñucata piñacca, ñucata cachac Taitatami piñan» nirca.

HECHOS 9:4

Chaimanta Saulo pambaman urmashpaca: —Saulo, Saulo, ¿ima nishpatac ñucata llaquichicungui?— nishcatami uyarca.

EFESIOS 5:6

Yanga parlocunahuanca pipish cancunata ama pandachichun. Chashna mana allita ruhuashcamantami Dios piñarishpa, tucui paita mana cazuccunataca llaquichinga.

COLOSENSES 3:6

Chashna mana allita ruhuashcamantami, Dios piñarishpa, tucui paita mana cazuccunataca llaquichinga.

JOSUÉ 10:21

Chai quipaca tucui israelcunami ima mana tucushpa, Macedapi tiyac Josuepac carpa huasiman cutirca. Pipish israelcunata juchanchishpaca mana rimarcachu.

2 PEDRO 2:13

Shuccunata llaquichishcamantaca, paicunapish llaquita apangacunami. Imapish mapa, mana allicunata punzha pacha ruhuashpaca, allitami ruhuanchic nishpami cushicuncuna. Cancunahuan tandanacushpa micungapac rishpaca, imapish quiquin munashcata ruhuashpami, pingaipac mapata ruhuancuna. Chai shina ruhuashpaca, cancunata umashpami cushicuc tucuncuna.