ISAÍAS 57:20 - Dios Rimashcata Quillcashcami

²⁰ Diosta mana cazuccunaca mama cucha huacyashpa, turuta, arenata shitacuc shinami.

ISAÍAS 57:20 ပူးပေါင်းရင်းမြစ်များ

2 REYES 6:11

Chaimantami Siria llactata jatun mandacca caita chaita shungupi yuyarishpa, paita serviccunata cayashpaca: —¿Ñucanchicpuramanta maijantac Israel llactata jatun mandac-huan canguichic? ¡Chaita huillaichic!— nirca.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

ISAÍAS 3:9

Paicunapac ñahuillatacmi paicunapac juchataca ricuchicun. Sodoma pueblopi causaccuna shinami, tucuipac ricuipi juchata ruhuancuna. Imatapish mana pinganchu. ¡Aij, paicunapac almalla, imachari tucunga! Paicunallatacmi jatun llaquitaca yallita mirachishca.

ISAÍAS 48:22

Mandac Diosca: «Millaicunamanca mana cushi causaica tiyanchu» ninmi.

ISAÍAS 59:8

Cushilla causanataca mana yachanchu. Paicunapac causaipica cashcata ruhuanapish mana tiyanchu. Paicuna purina ñancunapish huishtumi. Maijanpish chai ñanta puricca cushi causaitaca mana ricsingachu.

JEREMÍAS 49:23

Mandac Dios Damascota llaquichinamanta huillashpaca: «Hamat, Arfad llactacunapi causaccunaca mana alli huillaita uyashpami yallita llaquirirca. Mama cucha chaupipi cac shinami, yalli llaquihuan shuc ratollapish mana samarincuna.

SAN JUDAS 1:12

Paicunaca cancuna tandanacushpa micuicunapica, jatun pinganayaita ruhuashpami mapayachincuna. Paicunapac huicsallata yuyarishpami, pitapish mana manchashpa micuncunalla, ubiancunalla. Paicunaca chaquishca puyuta huaira caiman, chaiman apacuc shinami. Pucuna punzha mana pucuc yura shina, shinallatac ishca cutin huañushca sapimanta pitishca yura shinami cancuna.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.