ISAÍAS 57:13 - Dios Rimashcata Quillcashcami

¹³ ¡Can mañacpica, ruhuashcalla dioscuna quishpichichun! Tucui chaicunatami huaira shamushpa apanga. Ashtahuanpish ñucapi miticurishpa causacca llactata japingami. Ñucapaclla urcupimi causanga.

ISAÍAS 57:13 ပူးပေါင်းရင်းမြစ်များ

2 REYES 3:13

Chaipimi Eliseoca Israel llactata jatun mandactaca: —¿Ñucaca canhuanca imatatac ricuna charini? ¡Cambac taita mamapac huillaccunapacman rilla!— nirca. Shina nicpipish, Israel llactata jatun mandacca: —Mana rishachu. Mandac Diosmi cai quimsa jatun mandaccunataca moabitacunapac maquipi churangapac tandachishca— nirca.

JOB 21:18

Paicunaca huaira apanalla ucsha shina, mana cashpaca jatun huaira apanalla tamo shinami.

SALMOS 1:4

Ashtahuanpish millaita ruhuaccunaca huaira apana ucsha shinami can.

SALMOS 118:8

Gentecunapi shunguta churanapac randica, Mandac Diospi shunguta churashpa causanami alli.

SALMOS 125:1

Mandac Diospi shunguta churaccunaca Sión urcu shinami huiñaita maita mana cuyuchipac causancuna.

SALMOS 37:11

Ashtahuanpish mana piñaric shunguta chariccunami allpataca japingacuna. Sumac causaihuanmi yallita cushicungacuna.

SALMOS 37:22

Pai bendiciashca runacunami llactataca japinga. Shinallatac pai maldiciashca runacunaca tucuchishcami canga.

SALMOS 37:29

Cashcata ruhuaccunami llactataca japinga. Huiñaitami chai llactapica causangacuna.

SALMOS 37:3

Mandac Diospi shunguta churashpa allita ruhuailla. Cambac llactapi allita ruhuashpa causailla.

SALMOS 37:34

Mandac Diosta shuyashpa pai mandashcata cazui. Paimi llactata cungapac jatunyachishpa charinga. Juchata ruhuac runacunata tucuchishca quipami chaitaca ricungui.

SALMOS 37:9

Chaica millaicunaca chingachishcami canga. Mandac Diosta shuyaccunaca quiquin allpatami japingacuna.

SALMOS 58:9

Chaquishca cashacuna manga yacuta manarac cunuchishpa tucuric shina chingarichun. Verdinlla quihuata acapana huaira apac shina chingarichun.

SALMOS 84:12

¡Tucuita Mandac Dioslla, canpi shunguta churaccunaca maimi cushicunga!

PROVERBIOS 28:25

Chayucyanallata munac runaca piñanacuillapimi churan. Ashtahuanpish Mandac Diosta yuyarishpa causac runaca imapipish allimi causanga.

ISAÍAS 11:9

Ñucapaclla chicanyachishca urcupica millaita ruhuashpa, tucuchicca mana tiyangachu. Chaica Mandac Diosta ricsina yuyaimi mama cucha yacu jundashca shina, cai pachapica junda canga.

ISAÍAS 14:32

Llacta huillaccuna tapucpica, ¿imatatac nishun? Chaica: Mandac Diosmi Sión urcutaca churarca. Chaipimi llaquilla causac pai acllashcacunaca miticunga ninami canga» nirca.

ISAÍAS 25:4

Canca huacchacunapac jarcarinami cangui. Imata mana chariccuna llaquihuan cacpica, canmi jatun torre shina pacarcangui. Canca tamya huairamantaca pacarcanguimi. Inti rupachinamantaca llandurcanguimi. Mana llaquic runacunapac samai huaira shina shamushpapish patapi huactaric shinami tucun.

ISAÍAS 40:24

Cunanlla plantashca yurata shina, cunanlla tarpushca yurata shina, cunanlla huiñashpa, sapita mana charic yurata huaira huactashpa chaquichic shinami, utca chaquichin. Chaquicpica, acapana huaira shamushpami ucshata shina apan.

ISAÍAS 41:16

Cancuna huairachicpica, huairami apanga. Acapana huairami caita chaita apanga. Ashtahuanpish cancunaca Mandac Dios-huanmi cushicunguichic. Israelcunapac jucha illac Dios-huanmi yallita cushicunguichic.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

ISAÍAS 49:8

Mandac Diosca: «Mañashcata uyana punzhami cantaca uyarcani. Quishpirina punzhami cantaca ayudarcani. Cai llactata cutin allichishpa, shitashca pambata cutin japichunmi cantaca huacaichishpa, israelcunahuan ari ninacusha.

ISAÍAS 56:7

ñucapaclla urcuman pushashpami ñucata mañana huasipi samachisha. Animalta huañuchishpa, ñuca altarpi tucui rupachishpa ñucaman cushcatapish chasquishami. Ñuca huasica tucui gentecuna ñucata mañana huasi shutimi canga» nini.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 65:11

Ashtahuanpish cancunaca Mandac Dios ñucatami saquircanguichic. Ñucapaclla urcutapish cungarircanguichicmi. Suerteta cuc diosman carangapacmi mizata tendircanguichic. Causaipi alli mandac nishca diosmanmi vinota curcanguichic. Chaimantami chai allpacunataca mana japinguichic.

ISAÍAS 65:25

Atucca ovejahuan ishcai tucushpami puringa. Leonca huagra shinami quihuata micunga. Culebraca allpatami micunga. Ñucapaclla tucui urcupica llaquichicpish, millaita ruhuacpish mana tiyangachu» ninmi.

ISAÍAS 65:9

Jacobomantaca huahua huahuacunata mirachishami. Ñuca urcucunataca Judapac huahua huahuacunami japinga. Ñuca acllashcacunami llactataca paicuna causangapac japinga. Chaipica ñucata serviccunami causanga.

ISAÍAS 66:20

Paicunami tucui cancunapac huahuacunataca tucui llactamanta pushamunga. Ñucaman cungapacmi caballocunapi, carretacunapi, tuldushca huandunacunapi, mulacunapi, camellocunapi montachishpa, ñucapaclla Jerusalenpi tiyac urcuman pushamunga. Israelcunaca Mandac Dios ñucaman cungapacmi ofrendata mapa illac imapish charinacunapi ñucapac huasiman apamushpa cuc shina, ñuca ñaupapi churanga.

JEREMÍAS 2:28

Judá llactapi causaccunalla, cancunaca achca dioscunatami charinguichic. ¿Chai dioscunaca maipitacyari? ¡Llaqui punzhacunapi, quishpichingapac jatarichun!

JEREMÍAS 22:20

Cambac tucui cuyashcacunaca tucurishcami. Chaimanta cunanca Líbano urcuman, Basán urcuman huichai rishpa, Abarim urcucunamanta sinchita capari.

JEREMÍAS 22:22

Cambac michiccunataca huairami apanga. Cambac cuyashcacunataca prezumi apanga. Shina tucucpica, can mana allita ruhuashpa causashcamantaca yallita pingaichishca, llaquichishcami cangui.

JEREMÍAS 30:14

Canta tucui cuyaccunapish ña mana yuyarinchu. Cantaca pipish mana mashcanchu. Cantaca ñucata piñac runata shinami chugrichircani. Canllatac yalli mana allita ruhuashcamanta, yalli juchayuc cashcamantami mana llaquishpa chugrichircani.

EZEQUIEL 20:40

Israel llactapi cac ñucapaclla chicanyachishca jatun urcupimi israelcunaca ñucata servinga. Chaipimi paicunataca chasquishpa, ñucaman ofrendatapish, punta pucushca granotapish, ñucapaclla cachun tucui chicanyachishcatapish chasquisha.

OSEAS 13:3

Chaimantami tutamanta puyu llucshishpa chingaric shina, pacarimucta tamya urmashpa chaquic shina, trillana pambamanta tamota huaira apacuc shina, huasi ventanamanta cushni llucshishpa chingaric shina chingaringa.

JOEL 3:17

Mandac Diosca: «Ñucapaclla cac Sión urcupi causac cancunapac Mandac Diosca ñucami cani. Chaitaca yachaichicyari. Ñucapaclla Jerusalentaca shuctac gentecunaca mana ashtahuan pasangachu.

ZACARÍAS 7:13

Chaimantami tucuita Mandac Diosca: «Ñuca paicunata cayacpi, mana cazushca shinallatacmi paicuna mañashcataca mana uyarcani.

JUECES 10:14

¡Cunanca cancunata cai llaquimanta quishpichichunca, cancuna acllashca dioscunata caparishpa mañagrichic!— nirca.