ISAÍAS 56:8 - Dios Rimashcata Quillcashcami

⁸ Caita chaita rishca israelcunata tandachic Mandac Diosca: «Ñucaca tandachishcamanta yalli achcatami caiman cutin pushamusha.

ISAÍAS 56:8 ပူးပေါင်းရင်းမြစ်များ

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

SALMOS 106:47

¡Ñucanchicta Mandac Dioslla, ñucanchicta quishpichiyari! Can jucha illac Diosta jatunyachingapac tucui llactacunamanta tandachiyari. Cushicuihuanmi cantaca jatunyachishun ninchic.

SALMOS 147:2

Mandac Diosca Jerusalenta cutinllatac shayachicmi. Israelcunata prezushpa aparishcata cutichimucmi.

ISAÍAS 43:6

Jahua lado llactataca: «¡Paicunata cutichichic!» nishami. Ura lado llactataca: «¡Paicunata ama jarcaichicchu! Ñuca churicunataca carumanta, ñuca ushicunataca cai pacha tucurimanta pushamuichic.

ISAÍAS 49:12

Riquichic, maijancunaca caru llactamantapish, jahua ladomantapish, inti tigrana ladomantapish, Sinim llactamantapishmi shamunga.

ISAÍAS 49:22

Mandac Diosca: «Llactacunapi causaccunataca ñucami mandasha. Tucui gentecunamanmi ñuca banderata alzashpa ricuchisha. Chashna ruhuacpimi, cambac churicunataca marcashpa, ushicunataca hombrospi apamunga.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 54:7

Asha ratollatami cantaca shitarcani. Shina cashpapish yallita llaquishpami, cutin pushamugrini.

JEREMÍAS 30:17

Canta: “Sionca shitashcami siricun. Pipish mana yuyarinchu” nicucpipish, ñucallatac jambita cachashpami, cambac chugritaca alliyachisha. Chaitaca Mandac Dios ñucami nini» ninmi.

JEREMÍAS 31:10

¡Llactapi causaccunalla, Mandac Dios ñuca rimashcata uyashpa, mama cucha patapi tiyac caru llactacunapi huillaichic! Chashna huillashpaca: “Israelcunata llucchishpa, caita chaita cachac Diosca cutinmi tandachishpa, ovejacunata michic shina cuidanga” nichicyari.

EZEQUIEL 34:12

Ima shinami shuc michic caita, chaita rishca ovejacunata mashcan, chashnallatacmi ñucapish, ñuca ovejacunataca mashcasha. Puyu tapashca amsa punzhacunapimi ovejacunaca caita chaita rirca. Tucui chaicunataca llucchimushami.

OSEAS 1:11

Judapac huahua huahuacunapish, israelcunapish tandanacushpami, shuclla mandacta acllanga. Chaica, Jezreelpac punzhaca jatun punzhami canga.

MIQUEAS 4:6

Mandac Diosca: «Chai punzhapica suchu ovejacunatapish, ñuca llaquichishca ovejacunatapish tandachishami.

SAN JUAN 10:16

Shinallatac mana cai corralpi cac shuctac ovejacunatapish charinimi. Paicunatapish pushamunami cani. Paicunaca ñuca rimashcata uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SAN JUAN 11:52

Mana chai llactallamantachu huañuna carca, ashtahuanpish caita chaita rishpa causacuc Dios acllashcacunata tandarishpa, shucllata ruhuangapacmi huañuna carca.

SAN JUAN 7:35

Chaimanta israelcunaca caishuc chaishuc tapunacushpaca: —Ñucanchic mana tarichunca, ¿maimanshi ringa? ¿Ñucanchicpuramanta Grecia llactaman rishcacunapacmanchu risha nin? ¿Chaipichu israelcunata yachachisha nin?

EFESIOS 1:10

Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.