ISAÍAS 56:12 - Dios Rimashcata Quillcashcami

¹² Paicunaca: “¡Shamuichic, vinota, machana yacuta ubiashpa machashunchic! ¡Cayapish cunan punzha shinallatac, mana cashpaca ashtahuan allimi canga!” ninmi» nirca.

ISAÍAS 56:12 ပူးပေါင်းရင်းမြစ်များ

JOB 24:23

Diosca paicunamanca, imatapish mana manchashpa, paipi shunguta churana yuyaitami cun. Shina cashpapish, paicuna purishcataca ricuracunmi.

SALMOS 10:6

Paipac shungupica: «Ñucaca jaicapi mana urmashachu. Huiñaitami ima llaquipish mana japinga» nishpami yuyan.

PROVERBIOS 20:1

Runaca vinota ubiashpaca burlashpami asin. Machana yacuta ubiashpaca bullashpami caparin. Chaicunata ubiashpaca mana yachaisapa cashcatami ricuchin.

PROVERBIOS 23:35

Canca: «Macashcacunami. Shina cacpipish, mana nananchu. Chugrichishcacunami. Shina cacpipish, mana yuyarinichu. Riccharishpaca ubiagrishallatacmi» ninguimi.

PROVERBIOS 27:1

Caya ima ruhuana cashcata ama nichu. Caya punzha ima tucuna cashcataca mana yachanguichu.

ECLESIASTÉS 2:24

Runamanca micuna, ubiana shinallatac paipac trabajomanta paipac shungu munashcata ruhuashpa cushicunami ashtahuan alli. Chashna cushicunatapish, Diosllatac cuc cashcatami ricurcani.

ISAÍAS 5:11

¡Aij, tutamanta utca jatarishpa, tutayangacaman nina japiric shina, machangapac riccunalla!

ISAÍAS 5:12

Jatun micuita ruhuashpa, vinota ubiashpa, arpacunapi, salteriocunapi, tamborcunapi, flautacunapi tocashpami, Mandac Dios ruhuashcataca mana ricuncuna, mana yuyarincuna.

ISAÍAS 5:22

¡Aij, machangapacpish, machana yacuta chapungapacpish sinchi runacunalla!

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

OSEAS 4:11

Huainayashpa, llullu vinota, pucushca vinota ubiashpami alli yuyaita chingachin.

AMÓS 4:1

Mandac Diosca: «Basán llacta huirayashca vacacuna shina Samariapi causac huarmicunalla, caita alli uyaichic. Cancunaca huacchacunata, imata mana chariccunata sarushpami llaquichinguichic. Cutin cancunapac cusacunataca: “¡Vinota apamushpa machashunchic!” ninguichicmi» ninmi.

NAHÚM 1:10

Quichqui casha yuracuna shina cashpapish, machashca shina cashpapish chaquishca ucsha shinami tucuringuichic.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

1 CORINTIOS 15:32

Huañushcacuna mana causarina cacpica, ñuca gentecuna shina Efeso pueblopi macanacushcaca, ¿imapactac valishca? Chaipac randica shuccunapac ninamantaca: «¡Cunanca micushunchic, ubiashunchic, cayaca ña huañushunmi!» nimanmi.

TITO 1:7

Maijanpish tandanacushca criccunata pushac cashpaca, Dios mingashcata ruhuac cashcamanta pi mana juchanchishca, mana utca piñaric, mana machac, pihuanpish mana piñanacuc, mana jatun tucushca, cullquita charingaraicu ima mana allita mana ruhuacmi cana can.