ISAÍAS 55:13 - Dios Rimashcata Quillcashcami

¹³ Zarzapac randica ciprés, cutin chinipac randica, arrayanmi huiñanga. Chaicunami Mandac Dios ñucapac shuti jatun cashcata ricuchinga. Jaicapi mana tucuric huiñai huiñaita ricuchicmi canga» ninmi.

ISAÍAS 55:13 ပူးပေါင်းရင်းမြစ်များ

SALMOS 96:12

¡Pambacunapish, chaipi tucui tiyaccunapish cushicuichic! ¡Sachacunapi tiyac yuracunapish cushicuichic!

ISAÍAS 19:20

Tucuita Mandac Diosta yuyachic shuc señaltami Egiptopi causaccunamanca canga. Llaquichiccuna llaquichicucpi, Mandac Diosta caparishpa mañacpica, quishpichic mandactami cachanga.

ISAÍAS 32:13

Ñuca acllashcacunapac llactapica cashacuna, cardoscunami jundanga. Cushicuna huasi jahuacunapipish, cushicuna plazacunapipish chashnami canga.

ISAÍAS 35:1

Chaquishca pambaca cushicungami. Yuracunapish cushicushpami, sumac rosas sisa shina sisanga.

ISAÍAS 35:2

Chashna sisashpami cushicushpa cantanga. Líbano urcuta shina, Carmelo urcuta shina, Sarón pambata shinami Mandac Diosca sumacta ruhuanga. Paicunaca Mandac Dios sumaimana cashcatapish, paipac achic nicuctami ricunga.

ISAÍAS 41:19

Shitashca pambacunapica cedro, acacia, arrayán, olivos yuracunatami huiñachisha. Chushac pambacunapica ciprés, pino, boje yuracunatami huiñachisha.

ISAÍAS 43:21

Cai acllashcacunataca ñucapac cachunmi ruhuarcani. Tucui paicunami ñucataca alli nishpa cantanga.

ISAÍAS 5:6

Shitashca pambatami saquigrini. Mana pucuc ramacunatapish pi mana pitingachu, pi mana jallmangachu. Ashtahuanpish cashacuna, cardos yuracunallami jundanga. Chai chagra jahuapi tamyachichunpish mana puyuta cachashachu.

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

ISAÍAS 56:5

ñuca huasi pircapimi paipac shutita quillcasha. Chaimi churicunatapish, ushicunatapish yalli alli canga. Chai shutitaca tucui causaipimi jaicapi mana cungaringa.

ISAÍAS 60:13

Líbano urcu sumac yuracunamantami ciprés, pino, boje sumac yuracunata apamunga. Chaicunahuanmi ñuca saruna huasitaca sumacta ruhuashpa allichisha.

ISAÍAS 60:17

Broncepac randica curita, fierropac randica cullquita, caspipac randica bronceta, rumipac randica fierrotami apamusha. Can mandanapica cushi causaimi tiyanga. Cashcata ruhuashpa mandacmi tiyanga.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

ISAÍAS 63:12

¿Pitac poderhuan Moisesta ayudashpa pushamurca? ¿Pitac paicunapac ñaupapi jatun cucha chaupita pasachishpa, huiñaita yuyarina shuti tucurca?

ISAÍAS 63:14

Mandac Diospac Espiritumi pugru pambaman shamuc animalcunata shina michirca. Chashnami cambac shutita sumaimana cachun, can acllashcacunataca michircangui.

ISAÍAS 7:11

—Mandac Dios allpa ucupi, mana cashpaca, jahua pachapi shuc señalta canman ricuchichun mañai— nirca.

ISAÍAS 7:19

Chashna shamushpami tucui pugru pambacunapipish, shitashca pambacunapipish, jatun rumi ucucunapipish, casha yuracunapipish, tucui yuracunapipish jundanga.

ISAÍAS 7:24

Tucui llactacunapi cashacuna, cardos yuracuna huiñashca cacpimi, chaimanca flechacunahuan, arcocunahuan ringacuna.

JEREMÍAS 13:11

Israelcunapish, Judá llactapi causaccunapish chumbi runapac cinturapi pilluric shina, ñucahuan tandarishpa, ñuca llacta tucushpa, ñucata allimari cangui nichunmi cayarcani. Ashtahuanpish paicunaca mana cazurcachu. Chaitaca Mandac Dios ñucami nini» nirca.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

JEREMÍAS 50:5

Sionman rina ñanta tapushpami, chai ñanta catishpa, Mandac Dios ñucahuan ari ninacushpa, huiñaita mana cungarishpa causangapac shamunga.

EZEQUIEL 28:24

Mandac Diosca: Israelcunataca paicunapac muyundipi causaccunapish, piñaccunapish mana ashtahuan casha aspic shina, auja tucsic shina nanachingachu. Chaimantami ñucataca Mandac Dios cashcata yachangacuna.

MIQUEAS 7:4

Paicunapuramanta alli nishca runaca casha shinami. Allita ruhuac runaca zarza yura shinami. ¡Chapac runacuna huillashca shinami, llaquichina punzhapish pactamun! ¡Cunanmi musparishpa imatapish mana ruhuai pudinguichic!

ZACARÍAS 1:8

Tutami shuc runa puca caballopi montashca pugru pambapi tiyac arrayán yuracuna chaupipi shayacucta ricurcani. Chai montashcapac huashapica puca, bayu, yurac caballocunami shayacurca.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

SAN JUAN 15:8

Chashna alli pucuc ramacuna shina cacpimi, ñuca Taitaca jatunyachishca canga. Shinallatac ñuca yachacuccuna cashcatapish ricuchinguichicmi.

ROMANOS 6:19

Cancuna mana entendinalla cacpimi, entendinallata rimani. Ima shinami utcaman cancunapac cuerpota imapish millana mana allita ruhuachun saquircanguichic, chai shinallatac cunanca cuerpotaca Diospaclla tucushpa, servichun saquichic.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.