ISAÍAS 55:11 - Dios Rimashcata Quillcashcami

¹¹ Chashnallatacmi ñuca rimashcapish ñucapacmanca mana chushaclla cutinga. Ashtahuanpish ñuca munashcataca ruhuangatacmi. Ñuca imapac cachashcataca pactachingatacmi.

ISAÍAS 55:11 ပူးပေါင်းရင်းမြစ်များ

ISAÍAS 40:8

Quihuapish chaquinmi, sisapish anguyanmi. Ashtahuanpish Dios rimashcaca huiñai huiñaita causacungallami» nirca.

ISAÍAS 45:23

Ñucaca cashcata ruhuanatami rimani. Ñucaca: “Tucui mashnami ñuca ñaupapi cungurishpa, tucui rimaipi ari ninga” nishpami, ñuca shutipi ari nini.

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

ISAÍAS 53:10

Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

ISAÍAS 54:9

Noé causai punzhacunapi “cai pachataca cutinca yacuhuanca mana tucuchishachu” nishpami ari nircani. Chai shinallatacmi “cutin piñarishpa, mana rimarisha” nishpami, ari nircani.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

JEREMÍAS 1:11

Cutinllatac Mandac Dios rimashpaca: «Jeremías, ¿imatatac ricungui?» nirca. Shina nicpimi ñucaca: «Almendro caspitami ricuni» nircani.

JEREMÍAS 1:12

Shina nicpimi, Mandac Diosca: «Allitami ricungui. Ñuca ima nishcataca utcami pactachigrini» nirca.

JEREMÍAS 1:13

Cutinllatac Mandac Dios rimashpaca: «¿Imatatac ricungui?» nirca. Shina nicpimi ñucaca: «¡Jahua ladomanta shuc manga timbushpa tallirimucuctami ricuni!» nircani.

JEREMÍAS 23:20

Mandac Diosca pai yuyashca shinata ruhuashpa, pactachingacamanmi pai piñarishcataca manatac pasachinga. Quipa punzhacunami chaicunataca allita yachanguichic» nirca.

JEREMÍAS 25:13

Chai llactataca ñuca huillashca shina, tucui shuctac llactacunatapish llaquichingapac cai libropi quillcashcata Jeremías huillashca shinallatacmi llaquichisha.

EZEQUIEL 24:14

Ñuca huillashcataca pactachishatacmi. Llaquichishatacmi. Mana llaquishachu, mana tigrarishpa ricushachu. Can imata ruhuashpa, causashca shinallatacmi taripashpa llaquichisha. Chaitaca Mandac Dios ñucami nini” ninmi ningui» nirca.

AMÓS 6:11

Mandac Diosmi jatun huasicunata urmachichun, chai huasi pircacunatapish urmachichun mandanga.

ZACARÍAS 1:6

Ashtahuanpish ñuca rimashcacunata, ñuca mandashcacunata, ñuca ima nishcata huillac ñucata serviccuna huillachishcaca, ¿manachu cancunapac ñaupa taita causacui punzhacunapi pactarca? Chaimantami paicuna ñucapacman cutimushpaca: “Mandac Diosca mana alli ñancunapi ñucanchic purishca shinallatac, mana allita ruhuashca shinallatacmi llaquichinata yuyarirca. Paica ñucanchictaca chashnallatacmi ruhuarca” nircacuna nishpa huillai» nirca.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

SAN JUAN 6:63

Diospac Espiritumi causaita cun. Gentecunallaca imata ruhuai pudinchu. Tucui ñuca nishcacunaca, causaita cuc Diospac Espiritumantami.

ROMANOS 10:17

Chaica, alli huillaita uyashpami crincuna. Chai uyashcaca Cristomanta huillashcami.

1 CORINTIOS 1:18

Cristo cruzpi huañushcata huillashcaca, pucllashca shinami chingarinaman riccunamanca ricurin. Ashtahuanpish ñucanchic quishpirinaman riccunamanca, Diosca poderyuc cashcatami ricuchin.

DEUTERONOMIO 32:2

Yachachishcaca tamya shinami chayanga. Ñuca rimashcaca shulla tamya shina, quihuapi garua tamya shinami urmanga.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

HEBREOS 6:7

Allpaca achca tamya urmacpica, yacuta sungashpa trabajac runaman alli granota pucushpa cunmi. Chashnami Dios bendiciashcata japincuna.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

1 PEDRO 1:23

Cancunaca mana huañuclla, mana chingariclla taitamantachu huacharishca canguichic, ashtahuanpish huiñai causaita cuc, mana chingaric Dios rimashcata uyashcamantami, cutin huacharishca shina canguichic.

1 SAMUEL 3:19

Samuelca huiñarcami, Mandac Diospish paihuanmi carca. Chaimantami Dios rimashca shimicunata tucui pactachirca.